السلام عليكم ورحمة الله وبركآته
أسعد الله أوقاتكم
وكل عام وانتم بخير
أعزائي مشرفين المجـالس :)
لستٌ بالخبير لكي أخبركم بطبيعة عملكم وأوجهكم ,, فأنتم أدرى مني وأساتذتي
ولكم بصمة واضحة بكل زاوية في المنتـدى
عندي نصيحة أخوية مني لكم ,, وبواقع تجربه
لكل مشرف مجالس يريد النجـاح ونشاط قسمه ,, نقطة مهمة جداً
ألا وهي طبيعة علاقته مع مشرفين الأقسام اللي عندهـ
أهم نقطة تكون علاقتك ممتازة جداً معهم ,, بعيداً عن الرسميات وشكراً لك ,, ومايصير بينك وبينه أي كلام لمدة أسابيع .!
أنا كنت مشرف لقسم المجالس الشبابية .. وكان مشرف الرياضي عذابي غير وقسم الشباب ماركو ..
لدرجه إني أنقل موضوع أو أغلق وأكتب بنهاية الرد بعد أخذ إذن مشرف القسم > مع إني ما أخذت إذنه ولاشيء .. بس علاقتي معهم ممتازة جداً جداً , وغير كذا أنا مراقب للقسم مايحتاج أكتب بعد أخذ إذن المشرف .. بس لازم تحسسه بأهميته وإنك ماتسوي شيء بدونه :)
وياليت بشكل دائم يكون بينك وبينه تـواصل ,, لاتقول مافيه مناسبة عشان أكلمه أو مافيه موضوع أفتحه معه
أقل شيء ترسل له تقول كيف القسم ,, تحس بتغيرات فيه .؟
المشرف خله يحس إنه رقم 1 بالقسم ,, تشوفه يبدع
لاتهمشه ولا تخطي خطوة واحده بدونه , أقل شيء تخبرهـ
وإذا علاقتك مع مشرف القسم عادية جداً أو فيه مشكلة بينك وبينه حصل سوء فهم ,, إنظر لقسمك ,, مافيه تكاتف بينك وبينه ,, كلن يشتغل لحاله ,, كلن يهمش الثاني
حاول تخلف الخلاف .. بادر إنت وأرسل له .. وخذ رآيه بأي شيء عن القسم .. هو أكيد راح يرد عليك برسمية .. رسالة رسالتين راح يطيح الحطب :)
إذا ماودك ترسل له .. أرسل لي رسالة خاصة .. وأنا بإذن الله ببحث معك عن طريقة نحل الخلاف مع مشرف القسم اللي تحت إدارتك :)
ونقطة أخرى .. لاتجعل مهمتك فقط مراقبة مشرفين أقسامك
ولاتجعل الحمل كله عليهم .. بادر معهم .. عش دور إنك مشرف وزميل لهم وليس مراقب عليهم :)
وأخيراً .. هنيئاً للزين بمشرفين مثلكم :25ar:
مواقع النشر (المفضلة)