(( أسيرة الدمعة )) ..
(( جريح الوقت )) ..
(( المعذبة )) ..
وغيره من النك نيم اللي تقطر دموع وألم وحزن ..
أتفاجأ حقيقة من كمية الحزن الموجودة بين الناس .. معقولة كلهم مثل مايقولون ..؟؟؟
أو لما وحدة تنزل لها كم دمعة خلاص صارت أسيرة الدموع ..
وإلا واحد تخانق ويا وحدة وصار الجريح ..
أو ثانية إنخدعت بشخص صارت ضحية خداع ..
أو ,, أو ,, أو ,,
معقولة هالأسامي المستعارة فعلا حقيقية ..؟؟؟؟
أنا ماأقصد أكذبهم أو أسفه مشاعرهم واكيد البعض إسمه مايعبر عن نصف ماهو عايشه ..
بس وربي مومعقولة ..!!!
ممكن أغلبكم يخالفني بس أعرف كثير أشخاص أساميهم سواء كانت بالمنتديات أو بالبلوتوث
مالها علاقة لامن قريب أو من بعيد بشخصياتهم
صحيح مو ضروري المصداقية لأنها كلها أسماء مستعارة لا أكثر ولا أقل
بس أحس الحزن والعذاب والدموع والآهات صارت شي دارج أو موضة
مثل الملابس والشنط وغيره ..
وأنا ماأعمم .. بس في شريحة كبيرة كذا
أعرف وحدة توقيعها (( المعذبة )) وإهي ماشافت من العذاب قطرة
بتقولون ماتدرين عنها .. بقولوكم أعرفها زين مازين
ووحدة ثانية (( حتى التعب مني تعب )) وأهي بأولى متوسط أي تعب هاللي تعب منها ماني عارفة ..؟؟؟؟؟
وغيرها
هل هم مقتنعين فيها ...؟؟؟؟
أو حابينها ..؟؟؟
أو عاجبتهم .. أو ممكن لأن مثل هالأسماء يجذب ويشد الناس ..؟؟؟؟
والله مدري ..
ع العموم شيء يقرقع في قلبي قرقعة واجدة ومسوي ازعاج وقلت أسدحه في هنا ...
لكم كل الحب
مواقع النشر (المفضلة)