بسم الله الرحمن الرحيم

حوار مضحك بين زوج و زوجته , من يقوم يجلي الجلي

قلـت وش تطلبـي يا بعـد عمري إدللي
وإعتبري مارد المصباح واقف إقبالِك

على قـد ما تقدرين اليـوم أبـي تتخيلي
وأبي أغرب الأشياء تخطـر على بالك

قالت أكيـد إن اللي أطلبـه يصبـح إلـي
ولا هـذا مـزح مثـل بـاقـي أفعـالـك..؟؟

قلت إسمعي،، يا تطلبي يا ولـِّـي ولـي
إختــاري اليــوم كــل الــذي يحـلالـك

إسكتت..وتنهدت ..قالت هو لو تسمع علَي
وخلَّك من الموضوع ترى وربي أشوالك

قلـت بــس خلصينـي قبـل أنــام وتعجَّلـي
ولا قومــي وتكوَّمـي في غرفـة إعيالـك

قالت أبـي قصر(ن) على إتـلال معتلـي
وأبي بطايق الصراف وأبي كل مالك..!!

وأبي إجبال(ن) من ذهب وألماس وحلي
وأبي جالاكسي وآيفون وأبي بعد جوالك..!!

وأبي لكزس معاها جيب ولو تسمح بنتلي
وأبي الدتسـون موديله الثمانيـن مـالـك..!!

وأبــي عيون هيفا..!! وشفة أنجلينا جولي..!!!!
ودلـع نانسـي أللـي دايــم سبَّـب إهبـالـك

وأبــي يخـت(ن) وطيـاره تمـلاهـا مـلـي
عطر من باريس،، وتحمّلها ترى إلحالك..!!

وأبي الدبدوب؟؟ الدبدوب حق إبن اختك علي
وأبي علبة المكياج حـق نـورا بنـت خالـك..!!

وخمسة مزارع بها مـوز ومنجـا وسفرجلي
تزرعها بنفسك إنت..!! وتترك باقي أشغالـك..!!

وبرغر!!! أي برغر مع شوية بطاطس قلي
ويكفي ما أبي أزودها.. ترى مراعية أحوالك..!!!!

لا لا إنتظر.. أبي كـل هذا تجيب مثله إلـ هلي
ومشكووور يا بعد روحي عسى السعد فـالـك

أقول .. بس يا عمري لـو تسمحي تجلي الجلي
وإبشري.. إبشري بكل شـي(ن) خطـر فـي بالـك

قامت ركض.. وأصبحـت أنـا بروحـي مختلـي
عدّلـت الوساده.. وقلت آآآه يا عمري وش حلو إهبالك
.
.
.
بقلم...ضاقت علينا

منقول