سم الله الرحمن الرحيم نقطه ومن اول السطر
السلام عليكم ورحمة الله وبركاته .. ويارب يارب تكونوا بخير ..
وتسلم لي كل هالخشش اللي تتابع هالموضوع ..
امسيكم بالخير وانا مقابله هالكتب وراي ***** <مراعاتا لمشاعر اخواننا الطلاب مارح اكمل
يالله الله يعين بس
وقبل لااقوم اكمل **** <عقد
قلت انزل موضوع هنا ولأول مره في التاريخ اكتب موضوع بقسم صرقعه
ان زياراتي لها القسم قليله لكن الامتحانات تسوي اكثر
<ترى مااتهرب من مذاكرهـ خخـ
هذا الله يسلمكم زواج ولد خالي وبنت عمتي قبل كم من اسبوع .
.ومن هذا المنبر اقول لهم بالرفاه والبنين وكلولولولوليييش
<لايكثر
السالفه ومافيها مابعد الزواج
اوكي اثنين وتزوجو والله يوفقهم
بس موكل الناس يقولون هالكلام
هههههه فيه كلام يطلع بعد الزواج وهذا مضمون موضوعي
العرس طبعا كانو حاظرين فيه كل اهل الطرفين المعرس والعروس
وكان كبير مره وكلن جاي واغلب الناس ماعرفهم
لكن لو تسألوني عن واحد واحد الحين اسمع لكم ههههه
ولكم ماحدث
بعد الزوواج دقت خالتي على امي وقالت انا وفلانه وفلانه بنجي
بيت ابوي خلينا نشوفتس<طبعا ذولي خالاتي
قالت لي امي غلاتجين معاي ول لا
قلت مومشكله
واروح
كان الوقت الظهر
اول مادخلنا ..وش هالزين امس ووش هالرقص ووش ووش ...الخ:21ar:
<موب لله هالمدرح بس مقدمه للدرس
فجأه نطت وحده منهم وقالت
بنت فلاااااان امس شفتوها
قالت وحده اييه استغغفر الله بس شفتي لبسها وشلون
تحمسو ونطو عند بعض لدرجة اني ماقدر المح من الوحده شي خخخخخخخخخخخخخخخخخخ<مانصحكم تتخيلون اللي شفته:1ar:
وفلانه ووفلانه وصلتني كل اخبار العائله الكريمه في هذي الجلسه.
.اكتشفت الناس البعيدين وحفطت اسماء البنات وهذي اقدر ادرجها من ضمن الفوائد لهذي الجلسه
<هذا اذا فيها فوائد خخخ
شوي
تنح نح ولد خالي (اخوالمعرس) ودخل
تغطيت انا واهو جالس ولأول مره اشوفه مع خالاتي واسوبه الجديد معاهم
كان ساكت ومنطرم (يحليله متعود حاس بتجيه صاعقه بعد شوي العجايز موب سهلين)
واهم مدري وش يقولون له ويصرفهم
انا ماكنت معاهم بس يوم لاحظته قلتني الفضول رميت الجوال وقلت خلني
اركز مع السالفه شكلهم يحجرون له خخخخ
قالت له : يالله متى بتعرس مثل اخوك
قال: والله ياخالتي تونا
نطت الثانيه:وش تونا ياولدي العمر يمشي وشف اخوك اصغر منك وهذا اهو تزوج
اعطاها ابتسامه بااااااااارده وقال لها :اييه الله يوفقهم<<:7ar:
قالت امه :اللا وشخبار فلان الفلاني (خويه) وشلون زواجه ؟<تبي تنغزه
قال: للحين مابعد يجي للرياض
قالت وحده: وين رايح>يالقفييي
قال لها:ماليزيا
شوي شطحو به على ماليزيا والبورصه والاسعار والمناخ وكل شي
طبعا الام حز بخاطرها ان خواتها طلعو ولدها عن موضوع الزواج
وجابت لهم سالفه مدري وش تبي
اترككم مع السيناريو
الام: اللاوشخبار ساره كلمتوها؟<<خطرر ههههه
الثانيه: لاوالله تقول تعبانه امس من الزواج
قالت : ياحليلها طالعه تهبل امس< اكشن:8ar:
الثانيه: ايه والله فكرت اخطبها لمحمد ولدي بس شكله حاط بباله احد<<<<سويت انا كذا:9ar:
ولد خالتي قام يضحك شكله وده يكتم ضحكته بس ماقدر
الام: وشرايك فيها ياعبدالله.؟
ولد خالي: مين؟:9ar:
الام: مين يعني ساره
ولد خالي: خبري فيها يوم كانت ام 15 سنه <رحمته موقفه بايخ
الثالثه: عاد اللا ساره ماشالله عليها جمال وسنع ووووو..الخ <ودي اقول لها طيب لايكثراحشمي الولد شوي خخخ
الام: عبدالله ورا ماتزوج وتكمل نص دينك<فضفضه مباشره:8ar: <الولد مايبي غصب هو
عبدالله (شكله توهق في هالعجايز ويبي يغير الموضوع بس فشل للأسف الصواريخ كانت اقوى منه::): ههههه بس تسوين لي مثل زواج اخوي
قالت: واحسن منه
بحركه لاشعوريه تحمسو الثنتين الباقيات ونطو له
اهو بلع ريقه هههه
وقال : يالله اجل انا اترخصكم
ثنتين قالو له: ويييييييييييييين تو الناااااااااااس<بضمير
قال: لاوالله مواعد واحد الحين:159[1]:<<علينا تواعد الظهر:4ar:
قالت وحده بلقافه زايده: فكر بفلانه واسوي لك احسن من زواج اخوك
بلامبالغه سوا بوجهه كذا :confused: وطلع
(على اني كنت منصدمه من اللي سمعته بس مت ضحك عليه وياليتني ماضحكت)
<الشماته شينه
توه طالع وتبدا الطامه الثانيه
نطت وحده من خالاتي كانت سااكته وكاتمه ومثل اللي ماصدقت يطلع عشان تدلي بدلوها
ههههه
قالت لأم الولد : ورا ماتمدحين له ساره؟
على اني كنت ميته ضحك بس سويت كذا :9ar: :
تذكرت منصور ولد خالتي واخوانه الباقين كلهم ماخذين اقارب ..
الحين عرفت الطبخه حقتهم ماهقيت عيال خالاتي عشاق:24aar:
لكن الحين استنتجت ان الدعوه ملفقه ولاعشق ولابطيخ خخخخ
قالت بيأس: اييه الله يهداه حاولت فيه دايم اتكلم عنها بس مايبي <<<<:rolleyes:
قالت: طيب والله ان ساره زينه ماتلوقن زيها
قالت: مومنها بس عبدالله الله يصلحه
قالت الثانيه: الحين مشاري ولد اختي الله يرحمها متى بتزوجونه
قالت الاولى: اخر مره يوم اروح له كلمته عن فلانه
قالت الثالثه: طيب ووش قال
الاولى : مااخذت منه كلمه مومتحمس كنه عبدالله
قالت: لافلانه اختي حلمانه فيه حلم ويوم فسرته طلع مشاري بياخذ وحده مانعرفها
قالت الثانيه بضيق: والله ؟
قالت الاولى تتنهد : اييه والله انه ضاق صدري بس هذا المكتوب له >>>>:rolleyes:لاتعليييق
<<حسيتهم سحبو على امه بعد هالحلم وقاطعوووه ولاعاد يعرفونه مارح يتسفيدون من الولد طار من ايدينهم هههههههههه
انا مو انصدمت تخيلو البنات كلهم اللي اجلس معاهم وقاعدين يفصفصونهم عند العيال هههه
من جد حقدت
طفشت من هالجو البايخ وطلعت قلت ابي انام بلاعجايز بلازواج بلاهم
نمت الين المغرب تقريبا وقعدت مع البزران وشوي ورجعت لهم ثانيه
واللله العظيم بلامبااااااااااااااااااااااااالغه
نفس الجلسه بس طلعو برا بالحديقه
لكن السواليف نفسسها اااا من الظهر الين المغرب استغفر الله بس هههههه
فلان زوجوه فلانه وفلان لفلانه تخيلو :wink:
عمر الزواج ماصار كذا:
قلبو الآيه بشكل يضيق الصدر فصفصه على البنات موب طبيعيه خخخ
سألت امي متى بنرجع البيت قالت بعد شوي
شكلها تحمست معاهم حرام مابيها تزوج اخواني بهذا الاسلوب خخ
جلست معاهم
ابتسمت لي وحده منهم قالت وانتي ياغلا متى بتتزوجين
<<يقطع ابو السؤاال الملقووف
قلت لا مانيب متزوجه:*
نطت وحده بقدرة قادر :استغفري وش هالكلام
قلت : ايه ابصير دكتوره ان شالله مافيه ولاواحد يبي ياخذ دكتوره<تحجيير:5ar:
قالت الاولى لامي: وانتي من جدك تخيلن بنتك تدرس بمستشفى <<<بغيت احقد عليها بس قلت عجيز وش عندها الحين
قالت امي: اهي تبي خلها تدخل اللي تبي <وهـ بس
قالت: لالاان شالله تزوجين حتى لو انك دكتوره<<حسيت اني عانس وانا توني طابه الـ 18 :40ar:
ماعلقت وسويت نفسي منشغله مع الجوال هذا موب اسلوبي معا الناس بس ماانلام هههه
رجعت خالتنا الكريمه بنفس الشي وانا تذكرت ولد خالي مسكين ووكيف هبلو به الظهريه
قالت: طيب بتسوين زواج كبير نفس حق بنت عمتك ول لا؟<<موب كنني قلت مانيب متزوجه:9ar:
قلت باسلوب مزح: لاانا ابخليه عائلي وبسيط اذا تزوجت
قالت: لاتفاولين على نفسك يالله استغفري
قلت فنفسي<يالييل ياليتني عبدالله مواعده احد عشان اتعذر لهم واترخص ماصارت
سكتت ابي السالفه تتسكر ماتسوى ينشبونني الحين بموقف غبي
سكتو شوي
قالت وحده : ايييه اجل ماتبين تتزوجين <داخلين طالعين على هالسالفه
قلت اخلص نفسي بطريقتي احسن ولو انها مارح تعجبهم خخخخخخخخخخخ
منها اطلع من السالفه ومنها يشيلووني من بالهم واظمن عشاي لاينكب:
انا الآن بين خيارين ان قلت لا بيحرجونني وانا مالي خلق
وان قلت ايه ابطيح من عينهم بقوه عاد مايحتاج عجايز(ن) مجمعه:
قلت ايه بس مابي اخذ احد يقرب لي:*
قالت وحده : اييه اجل لاتقولين ابصير دكتوره<يعني انها الحين كشفتني images11
قلت : مااقدر اتزوج اللا ان صرت دكتوره لانني ابكمل دراستي بلندن واباخذ واحد من هناك<<:57ar:
شهقت وحطت يدها على صدرها: تاخذين انجليزي ؟<<<<<<im22
قلت : ايه ..انجليزي اجل عربي:cool:
قالت : استغفر الله مدري وش بلاهم هالبنات ماعاد يبون الـ سعودي
قلت: ايه اصلن حتى انتي ياخالتي لو اجيب لك واحدن اشقر وازرق موب تبين تبدلينه بزوجك
<حسيت اني وقحه بس كما تدين تدان خخخ ومايمنع اني اجرب هالاسلوب المستحدث في العائله::
قالت : لاوالله هذا ابو عبدالله وشحلاته:<<<ملاحظه الصراحه
قلت: خخخخخخخخخ علينا ياخالتي .؟مافيه احلى من الاجانب
قالت الاولى واهي تتمعن بصورة براد بيت اللي في جوالي: ايه والله ان الاجانب ازين<يحليلها توني ادري انها تقز الصوره im22
قلت: شفتو وشلون اجل تبونني اتورط في سعوديين زيكم:3ar:
قالت:القريب اولى من الغريب
قلت: ولاتلقو بأيديكم الى التهلكه :40ar:
قامو يضحكون
امي شكلها انحرجت من بجاحتيim24 ههههه وقالت يالله ياغلا مشينا
وانا طالعه واهم شبه مهسترين يعلقون على كلامي
(اعجبتهم سالفت براد:38ar: بس اشوا ماخذو صورت الرجال بجوالاتهم )
وانا االبس عبايتي
قالت وحده: هاه ياغلا وش قلتي زواج كبير ول صغير؟
قلت: في بريطانيا زواجي ابحجز لكم ان شالله زواج كبير :5ar:
قامت تضحك
وووااااخـ بس طلعت منها بصعوبه والله المحاكم ولاخالاتي الكبارخخخخخ
ماتسوى يكبون عشاي عند احد بعد
مايستفاد
1_ حذاري تجلسون مع عجايز بعز الظهريه
2_ حاولو تتبجحون ولاتتظاهرون بالحرج مثل عبدالله ولد خالي ترا تتوهقون بعدين
3_لاحد يجلس مع حرريم بعد زواج
4_ انتم خالاتكم ولايكثر لاحد يعطيهم وجه بهذي المواضيع ترى يتحمسون بشكل ماتتوقعونه
خخخ
5_ هذي لوجه الله لاحد يتشمت بأحد ترى ابد ابد موكويس<خذووخلو
ان شالله يحوز الموضوع على ثلاثة ارباع استحسانكم :اختكم
الفقيره لله غلاالرياض
المشاركة الأصلية كتبت بواسطة MR.BLACK.TNT
مواقع النشر (المفضلة)