[align=left][/align]
[align=center]السـلآم عليكم ورحمة الله وبركاتـه
مسـاء الورد / صبـاح الشهـد :25ar:
كيفكم , مبطيـه عنكم
المهم شوفوا ترى ماعندي سالفـه بس شي جالسه اسويـه
وقلت بشوف انتوا وش تسوون وقت الاختبارات والا دوافير ماشاءالله تذاكرون :38ar:
يعني لما دريت ان الاختبارات قربت بدت تطلع لي اشغال من تحت الارض
حتى لو ماكانت مهمـه بس لآزم اسويها
واحيانا يكون شي بـ إمكاني اسويه قبل الاختبارات بس ماتحمست له الا في وقت الضيق
مع اني اول الفراغ ذابحني وادور شي يشغلني بس مالقيت
ولما صار وقت المذاكرهـ طلعت لي بلاوي كثيرهـ
يعني بدت صلة الرحم اللي اول كنت اسوي مناحه في البيت عشان مااروح
ورحت المشغل اقص واصبغ < عليك وقت بعد :39ar:
ورحت اسير على مطاعم الرياض ,
وبدت السفرات تجي , < الناس تذاكر وانتي تسافرين وتمشين
ابي اعرف ليه ياربي كل شي يصير حلو في عيوننا هـ الفترهـ
,
شسمـه ابي اعرف بعد كيف طريقتكم في المذاكرهـ
انا اوقات اذا ابي اذاكر شي مثلا ً التاريخ
وشفت واحد شرير تخيلته انه فـلآن اللي مااحبه
واقلب كتاب التاريخ روايات اغير الاسمـاء لـ ناس اعرفهم الشرير احطه انسان كريه
والحبوب احد احبـه طبعا
عشان تثبت بـ مخي
وطبعا ً فيني عادهـ لازم اسويها
لو جيت بذاكر امسك الكتاب وانسدح على ظهري واحط رجل على رجـل . .
واذا مليت رحت قلبت راسي مكان رجولي ورجولي مكان راسي على الجدار
< لا تتحمسين واجد
وتنفتح شهيتي لـ الاكـل , كل شي احبه ومااحبه اصير اكلـه
يلا كل واحد يعلمني وش طلع له وقت الاختبارات
ووش عاداته في المذاكره وكلش قولوهـ
الموضوع طلع لأني فتحت الكتاب ناويه اذاكر
بس شكل مافيه مذاكرهـ
يلا انتظر ردودكم[/align]
مواقع النشر (المفضلة)