وشلون نداوم والملك عبدالله في المستشفى ؟

[nothing]

مساء الأرق مدري صباح قلة النوم والتعب

ياربيييييييييييييه منيب سائلتكُم أنتوا مثلي ولا لا !! يكفي اللي عرفتهم
لعنبوا ذا صرت أكره الإجازات بسبب أول يوم نداوم بعدها
لازم نروح مواصلين
بعضهم يتقلب في فراشه مُدة أربع أوخمس ساعات يتغصب النوم
ولو أنه داري أنه مب جايه < بس يقالي يريح ضميره
بعضهم يستسلم للأمر الواقع ويكمل يومه عادي ولايقرّب من فراشه im0
بعضهم ينامون نصف ساعه ولّا ساعه بِ الكثير وشوي إلا أهو فاز من نومته الخايبه
وبعضهم وبعضهم ......................والخ من اللي مايذوقون طعم النوم !

من اليوم وأمي مقومتنا أنا وخواتي مِن 12 الظهر عشان ننام بدري
بس خاب أملها ليتها خلّتنا بسس :(
أكلت فلوتاب ولا فاد , شربت لبن برضو مافاد بس ماحاولت أقرب من فراشي عشان ماتيجني أفكار منحرفه
المهم شبيهه دخلت مِن 12 غرفتها , أهي وأختي ريم اللي تدرس بعد
أما أنا جلست الين 3ونصف تقريباً
في هاللحظات دخلت ميريسي المسن

بشكل توك قايمه :(
..:

*شكلي حمارة لي ساعه أتقلب س1
*نمت نص ساعه
*وساعتين تقلب بالسرير

طلعت المسكينه مثلي وأردى لأنها بعد تستفرغ
وبعدها سمعت خبط عند غرفتي طلعت أنا ,, لقيتها شبيهة المطر
أرتعت توقعتها ماتت < تقول ليته عشان فرصه أغيب < ما أستغرب تفكيري يكون كِذا
ويوم قومتها قالت يممممممممممه أنا جايتِك بقولِك مانمت شكلي دخت :(
من كثر ما أنا أتقلب خخخخخخخخخخ < أوما عشان كِذا طحتي
وأنا الللي أضّيفها عندي وأشكي لها قلة حيلتي ونومي
مير الله يجزاها خير هونت علي وورتني اللسته اللي عندها في البي بي
كلهم ماغير يشكون في ذا النوم اللي ماجاهم :8ar:
يعني طلعنا الحمدلله جسد واحد < وش دخّل

زوجة أخوي تقول أنا تغلبت على الحاله وهذا أنا أشرب قهوه تركيه خل تطّير النوم اللي خلقه طاير وبروح مواصله
شبيهه أستسلمت أخيراً وأنا قبلها مستسلمه
ميرسي مازالت تصارع الثلاث حالات شهوتها في فطيرة تفاح والنوم اللي مب جايها
والإستفراغ اللي مأذيها

ومازال حسدي مستمر وموجه لِ كومينا وعامل النظافه اللي كل صبح أشوفه مرتز !


في النهايه لايسعني إلا أن أوجه رساله لِ مدير جامعتنا المحترم
وأقوله شلون نداوم ونختبر والملك تعبان ,, قلوبنا كيف تتحمل هَـ الشيء؟!
هل ترضاها على أبنائِك بِ أن يداومون ويختبرون وأنت تعبان ؟
< أي ماعلييه
أرجوا الإجابه بِ كل مصداقيه يامعالي المدير؟

وأيضاً لا أنسى العضوه ميرسي التي أنقذتني مِن طريق الإنحراف خخخخخخخخ
وشبيهه اللي أول مرّه تعزمني بِ كوب كابتشينو محاوله أخيره للأستسلام

:25ar: لكم جميعاً بِ أستثناء جميع طاقم الأساتذه !

[شموخ أنثى]

مير انتي سويتي شي داخل حدود المعقول كابتشينو يطير النوم اللي من اصله طاير
لكن وش رايتس باللي يسوي بيتزا على الحطب !!
ولنفس السبب
مير الله يشافي ملكنا :24ar: ويقومه بالسلامه ويطول بعمره
وأي شي يتعلق بالتعليم لاتشرهين عليه :(
خلاص مابهم دبره يخلف على هالشعب بخير
دوتس :25ar: كود تنامين لو ربع ساعه im22

[merci]

الحمار اللي مايغيب اليوم منهو بس
< هذي اللي يأست منجد :8ar:im22

شوفي عزيزتي بـ إعتبار إني حمار أتقلب ألين قلت آمين بـ سريري يقالك قاضبتن النوم موهوب منحاش من بين يديني ..,
أقولك غيبي..,
وغيبي ..,
وغيبي..,

الله أبو هـ اللي بـ يصير لا غبنا ..,
إلا بـ يقولون فكة لابوهم لا بو من جابهم ..,

المشكلة أنا أتوقع نص الشعب موهوب مداوم ..,
أول شيء :
أبو متعب تعبان شلون تهنىآ لنا قلوب نداوم ونروح وهو موهوب فيه
< ذابحتس الوطنية ياخاله :8ar:

ثآني شيء :
بررررررررد برررررررررررررد ..,
لعنبو بليس وش هـ البرد اللي جانا ..,
حتىآ المكيف مشغلته ع الحار وماش التسلب الجو أقوىآ من حرارته ..,
يعني نص الشعب مصاخين وجايتهم إنفلونزا ..,

ثالث شيء :
نص الشعب مانام ..,
وتلقينه يحوس في مطبخ بيتهم يدور له شيء يعضه من قوة الطفش ..,

يعني وييييييييين حنا ووين الدوام ..,

الدوآآآآم لله يآشعب ..,:24ar:

عآد تدرين وش أكثر شيء متحسفه فيه الإستفراغ أستغفر الله im22
< الله يحوم كبدك im22

لا جد عندي عادة حقيرة ..,
مستحيل أول يوم دوآم أو أول يوم إختبارات ما أستفرغ ..,

والحين هـ العادة منتقلة لـ أخوي :24ar:

عاد تخيلي كيآدة العيآل وجورهم im22

يآملحي أنا مؤدبة ما أسوي مسلسلات im22
هو يتسدح بـ الأرض وآآآآآآآآع وحاله كل اللي بـ البيت يدري عنه :8ar:

< ما تلاحظين إنك إسترسلتِ بـ موضوع مقرف im22

الوكآد ..,

الحين أسمع صوت الأذان ..,
لعنبو بليس الليل بـ الموت يأذن العشاء والفجر ..,

لكن شوفي الظهر والعصر ..,
قسم بالله أقول لـ أمي شكلهم يتلاحقون لعنبو بليس مايمدي ذا مخلص أذان إلا الثاني يقول الله أكبر العصر !!

تلاحظين إني كثيره ..؟! :8ar:

أدري بس فيني أرق قليل أدب

علىآ فكرة مابي فطيرة تفاح
أبي كيكة تفاح :24ar:
مصلحتن ذاك اليوم مرة خالي كيكة تفاح طعمها موهوب صآحي من زينه :8ar:

بغيت أرسلها أقول بليز منال ممكن كيكتك اللي ذاك اليوم بس خفت تروع im22

الوكآد ..,

دقيت علىآ أختِ وقلت تعالي سيري علينا ..,
لا طلع رجلك لـ الدوام خل يجيبك عندنا :8ar:
وقالت طيب يعني لقيت لي أحد يونس صبحيتي الكئيبة :8ar:

وأختِ الثانية من الساعه 8 وهي مسكرتن لمبات بيتها يقالك عشان يخمدون عيالها :8ar:
أكلمها تقول لعنبو بليس مارقدنا عيىآ يجينا النوم im22

الوكآد ..,
أحب أشكرك علىآ هـ المنبر اللي خليتينا نعبر من خلاله ..,
وشكراً كبيره لي علىآ إثراء موضوعك بـ هذا الرد الأكثر من رائع ..,
ووخري بس أحس إني حششت

[شبيهة المطر]

آه بس وخرَّو بصيييحْ !
ورااي إمتحان ياناسْ ، وراي جامعهْ ، وراي محاضراتْ تصدَّع بالراسْ ، وراي قلق وأرق وقلة حيا

تقلبت 4 ساعات ولاجا إبن اللذينا !!
عنديْ إمتحااااااااانْ كيف أروحْ مواصله
راسيْ مصدَّع لا أنا الي راجعت ولا أنا الي نمت
رونقْ الحمدلله إنَّه إغمى عليْ لأعرف حجمِ محبَّتك ليْ :24ar: > بدت تخورها
حتَّى الكوفي الي سويته قليل بحقَّك > مخي فصل ولا ترا مب من حبي لك

أرسلتْ لكل الي عندي يستقبلون القبله ويدعون لي إنَّ أنام ومن زود النذاله دعو علي

وزير التربيه والتعليم ، يكون بعلمك إن الملك مثل أبونا وإذا ترضاها عليه إحنا مانرضاها له > شعب عنده نخوه ويحس :24ar:

الزبده برب بس أتحمم وأذكر الله وألبس وأراجع وأتهاوش إن حصل لي وأصيييح وَالله يستر مانوم بالإختبار > ذربه ذربه

مير الله يسامحك ياوزير التربيه ، ياللي ماعندك قلب
ياللي مافيك شهامه ، يكون بعلمك آخر مرَّه أداوم والملك بأمريكا

[merci]

^

غني معي بس :
آآآآآآه من نومة البآرح ..,
آآآآآآآآآآه من نومة البآرح ..,
آآآآآآآآآآآه يوم غمضت عيني ..,
آآآآآآآآآآآآآآآه بـ الحلم أنا شفته ..,:24ar: