ياسحاب الوسم يـاروح الحيـاه
ياغـلا قلبـي وغايـة مطلبـه
-
ياقمر ليله ونـوره مـع ضيـاه
ياعيـون(ن) بالمحبـه ترقبـه
-
حبـه الراسـي وأول مبـتـداه
واخر هموم(ن) تجيـه وتتعبـه
-
يادفـا قلبـه وطبـه يــادواه
سلسبيـلا" عـذب ودي اشربـه
-
والله انك غايـة القلـب ومنـاه
والحنايا فـي غيابـك مجدبـه
-
ياعذب انسام الهوى واقصى مداه
وياسبب ذيك الجروح المرعبـه
-
في عيونك ياوله مـوت وحيـاه
ونظرتك تكوي الخفوق وتلهبـه
-
بين رعشة جفنك وهمس الشفاه
ضعت ضيعة من خياله يجذبـه
-
لاقربتي قلـت يـا ريـم الفـلاه
ولابعدتي فالشبه نفـس الشبـه
-
لاتخيلتـك وشفتـك يالمـهـاه
كننـي نايـم توقـظ وانتـبـه
-
ارحمي قلبا" تزايـد بـه عنـاه
هايم بشوقه وجرحـه ماصعبـه
-
وياسحاب الوسم ياروح الحيـاه
ياغـلا قلبـي وغايـة مطلبـه
-
مواقع النشر (المفضلة)