السلام عليكم ورحمه الله
كيفكم ياشعراء الزين؟؟
اليوم جبت لكم قصيده على ذوقي انشالله تعجبكم :2ar:
وهي قصيده لشاعر:حامــــــــد زيد
::
:
.
من أول مارجعت من السفر ماشفت لك بينه
وأنا كنت احسب انك من قبل لاادوس ارض المطار تجين
تكونين اول شخص عيني تحتضن عينه
وكنت اتخيلك من زود فرحه رجعتي تبكين
واشوف بدمعتك حكيك واعرفه قبل تحكينه
وأجيب احلى من اللي بتحكينه واتركك تحكين
تقولين الوطن نورأقول بنور مضوينه
تقولين غديت احلى اقول عيونك الحلوين
كلام نام بشفاهك وخفتي لاتصحينه
ذخرتيه الغرام اللي ينام ويتركك تصحين
تغانمتي غيابي لين رجحتي موازينه
تعلم من يدك لمس الكفوف وعلمك تجفين
وليتك لاقيه به شي فيني ماتلاقينه
مهوب غرور بس خابرك مالك أمل تلقين
تغافلتي بغلا ولا الحلا مهوب من زينه
تزينه الصور ولا الحقيقه ابن الحلال زوين
وأنا مانيب ناقص عنه يومنك تبدينه
نصيبي هونصيبي لويسددها من الصوبين
قنوع بمظهري والسم مايذبح ثعابينه
على قول المثل ماني حلو لكن ماني شين
اذا اهداك الزهر مرة فأنا اهديتك بساتينه
واذا الهاك بفرح ليله فأنا تهتل بكاك سنين
واذا استضعفتك املاكه وشتتك ملاينه
أنا حتى فتات الخبزة اقسمه معك نصفين
طموحي بس اجي واظفر بشي تستحقينه
تدينته.. تسلفته.. سرقته.. مو مهم منين
كأني من كثر ما أرضى بكل اللي تمنينه
لو أنك تطلبين الله يعنيني بقول آمين
انا مالعب على الحبلين وقت الطيش وسنينه
تبيني يومني كبرت اللعب على الحبلين
ترى عند البدو بذات عيب اللي تسوينه
حلاتك لاعشقتيني تعشقيني ليوم الدين
غرام نسكن ظلوعه حشيمه من مجانينه
جفا يجمع معزتنا ولاعشق يذل ثنين
كثار اللي تحدوني وقالوا لي تحبينه
أمانه لاتخليني صغير بعينهم تكفين
لاني كل ماقالو تخون قلت مسكيييينه
عليك الله وأمانه علميهم منهو المسكين
أنا خايف لاطاح الجمل تكثر سكاكينه
وانا ماعادت ظلوعي تحمل طعنه السكين
مثل ماقالوا المكتوب واضح من عناوينه
لو أحل منك للغربه اسافر من ظلامك وين؟
كفايه كل حلم يمر برقادي تزورينه
كفايه من تفارقنا أناماغمضت لي عين
قبل يومين شفتك بالمنام وقمت من حينه
ونمت امس ورجع نفس المنام اللي قبل يومين
:::
::
:
.
مواقع النشر (المفضلة)