ابي اعرف رايكم
السلام عليكم ورحمة الله وبركاته
بصراحه انا اليوم صار معاي موقف قوي بالنسبة لي ،،، اتمنى كل واحد فيكم يتخيل مكانه مكاني ويقول رايه بكل صراحه :)
قبل فتره كنت حاضر زواج ولد خالتي بالحفر ،،، المهم انا كنت من سكان الحفر ولي اخوياي يعزون علي بالحيل ،،، لكن ذيك الايام قلتلهم اني مانيب جاي لاني كنت عارف اني ماراح اتفرغلهم وبنفس الوقت بيزعلون :)
المهم دارت الايام والشهور ولا رحت للحفر غير ذيك الروحه ،،، واليوم اتصل فيني ولد خالتي ( مشاري ) وقالي ان واحد من اخوياي توفى ومعاه ثلاثه بحادث ،،، طبعاً ولد خالتي مايعرف اخوياي هذولا ومايعرف الا اسم خويي فقط وقابله مره او مرتين بس :)
انا بصراحه الي جا في بالي ع طول ذاك الوقت يوم اني كنت عندهم ولا رحت اشوفهم وندمت لاني صرفتهم ،،، وجلست ابكي قهر لاني ماشفتهم :(
بصراحه هم اخواني مو بس اخوياي :)
طبعاً انا انجنيت من الخبر ورحت اتصل في اخوياي وكان الاول مقفل والثاني مايرد قلت بس اكيد الخبر صحيح :(
الا اشوي يكلمني واحد منهم وتوه صاحي من النوم ،،، وقالي ان مافيهم الا العآفيه وان الي مسوي الحادث مو خوينا واحد بحارتنا اسمه واسم ابوه نفس اسم خويي وعلمني الي معاه كلهم اعرفهم بس معرفه سطحيه جداً :)
الله يرحمهم ويغفرلهم ويسكنهم فسيح جناته يارب :)
الي بغيت اقوله وابي رايكم فيه ،،، ليه لمن نحس اننا بنفقد شخص عزيز علينا نبكي دم على اننا ماكلمناه او قضينا وقتنا كله لحظه بلحظه معاه ؟
ليه نفتح مجال للندم ؟ ليه نفوت الفرصه على انفسنا ونضيع الوقت واذا مات لاسمح الله قلنا ليتنا وليتنا ؟
بصراحه ما ادري انا هالاسئله اوجها لكم ولا لنفسي ،،، بس كل الي اعرفه اني اليوم فعلاً قدست ( الصداقه ) وعرفت قيمة الصديق وعرفت ثمن كل غالي بقلبي واولهم والدتي :)
اخوكم / احساس قلم
مواقع النشر (المفضلة)