مصــآفـحـه ( فتنة القـرٍن ) ..!
:
:
:
:
لك منزلن بين الضلوع المحاديب
باوسط خفوقي في قصور ٍ امبناه
قلبن قـفـر مايـلتـفـت للرعـابيب
قلبن خالي ماشاقه الشوق واشقاه
ماهو من اللي يتبعون الحباحيب
قلبي صفالك يالحبيب من اقصاه
احلف بمن يعلم الجهر والغيب
ماغيرك اللي صاب قلبي وشقاه
يابو عيون ٍ تلامي القلب وتصيب
ماترحم اللي سمه الشوق واضناه
ماترحم اللي شاف موته بتعذيب
يالعنبو حيك بالغلا كيف تبلاه
وقلبي بدرب الحب صان المواجيب
يانـور عيني عهد الغلا مانقضناه
وحبي وحبك يابعد بعده عن العيب
حصنن منيع والهبايب تعداه
حبن نقي مافيه شكن ولاريب
وكم من عذول ٍ للمحبه قهرناه
ياصاحبي خٍلك من الشوق به شيب
باسباب منهو على الرب مشكاه
هو عزوم الخيل او فرخن قضيب
هي غزال الريم لاشاف الرماه
مثلها كل النساء ماظنتي تجيب
(فتنة القرن) من اوله لي منتهاه
العيون الغنج ،،،، انا منها تعيب
تغوي القاضي،،ويحكم الجاني براه
تغوي الذمي راعي الراي الصليب
وتغوي القاضي عن حكم ٍ قضاه
لو نظرها مطوعٍ من ذنوبه مستتيب
عاف دينه عاف شرعه والصلاه
ولو نظرها عودٍ هرش المشيب
غز طوله واعتدل يمشي وراه
وان نظر له ضـابط ٍ مشيه رتيب
دق التحيه وانحـنى واعلن ولاه
والحكيم الرزين العاقل اللي رهيب
ضاع فكره من نظرها ماهداه
طولها قوامها كلها شين عجيب
خصرها هايف وردفها يشكي العباه
فيها الحلى والزين والمزح الاديب
هــي فــاتـنـتي تـفـتن شيوخن ولاه
من سببها اشكي الجرح العطيب
كيف مااعـشقه؟الا اعـشــق ثـراه
وان مت انا لاحـد لحقي يسـيب
خـوذوا حـقي حبتينٍ ٍ من شـفــاه
اقبروني في ضلوعه لقليبه قريب
في ضلوعه ما أبي دفن الوطاه
هي حياتي مالها بعمري طليب
وماتحاسب في مماتي كالجناه
الحنون الوافيه والوفا بطبعه يطيب
هو ملاكي هو كياني والنواه
هو حبيبي مابدنيتي غيره حبيب
هو سبب شوقي وظامي ظماه
وبلغوا خلي نور عيني والطبيب
بلغوها بلغوها بلغوها بالوصاه
مالي بهالدنيا غيرها احدن حبيب
جفون عيني فرشته ورمشي غطاه
الوكاد اني رحت في غبت قليب
راح قلبي في غرامه من عناه
راح قلبي في غرامه مستصيب
راح شعرن ماتوصف في حلاه
اعتزلت الشعر مالي به نصيب
دام شعري هضم حقه ماعطاه
وتمت وصلوا على الرسول الحبيب
عد الرمال وعد من ربه دعاه
:
:
:
:
م
وبـــس خــــلاااااص
رد مع اقتباس
مواقع النشر (المفضلة)