أمر إنساني "بصوتي"
السلام عليكم ورحمة الله وبركاته
أخواني الأعضاء
هذه أخر قصيده كتبتها وسجلتها بصوتي
اعتذر لكم على تواضعها وتواضع التسجيل
مع تمنياتي أن تحوز ولو على القدر اليسير على رضاكم وإعجابكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يعني إذا ما أتصل واسأل تطنشني =كنك تبيها من الله لجل تنساني
المشكلة وأنت جنبي حيل واحشني = وشلون لو غبت عن عيني وعن أوطاني
محتاج شوفك ولو شوفتك تربشني = تنسيني أسمي وتفكيري وعنواني
محتاج صوتك لأنه حيل ينعشني = يجلي همومي ويقتل كل أحزاني
محتاج أسمع خبر منك يفرفشني = قل تم تكفى طلبتك لو على شاني
أرجع وإذا كنت أنا المخطي فناقشني = خل انتفاهم وواحد يقنع الثاني
لأني بصراحة صدودك حيل طفشني = في ذمتك عاجبك هالوضع يا فلاني
إلا متى وأنت بالحيرة تعيشني = تجيني يوم وثلاث شهور تنساني
وكل ماأتفقنا على موعد تخيشني = وانا من الشوق واللهفة أجي عاني
دام الهجر هوظماية لاتعطّشني = ياخي ولو تعتبرها أمر إنساني
في غيبتك كنت أظن الموت نايشني = لكن رب كتب لي عمر وأنجاني
ياكم عذولٍ على هجرك يحرشني = مايدري إنك غديت بحسبة أخواني
ماجيت لك لجل كل الغيد تكرشني = لا والله أبداَ كثير اللي تمناني
محتار أوصف شعوري اليوم غششني = ويارب أنا طالبك حل عقدة لساني
عيشني بجوّك الرايق وخششني = مشتاق أحظنك وأظمك حيل بأحظاني
يمكن على قولتك تقدر تطنشني = بس آتحداك إذا تقدر تناساني [/poem]للإستماع للقصيده
http://www.adn888.com/abady/sound/amr.ram
لحفظها
http://www.adn888.com/abady/sound/amr.rm
وسلامتكم
أخوكم
حزين الحرف
عبد الرحمن سعد الدوسري
رد مع اقتباس
مواقع النشر (المفضلة)