عفت القصيد وعافت النوم عينـي
وعفت الحياة وعفت حتى طعمهـا
واحترت مـالدنيا ومن اللي يجيني
واحترت من عين(ن) تداري ألمهـا
وملّيـت يادنيـاي باقـي سنينـي
وملّيت ذكراهـا وملّيـت اسمهـا
وانهيت انا نفسي بفرقـى ضنينـي
وعزّي لمن مثلي حياتـه هدمهـا
عنّيت نفسي في هوى اللي تبينـي
نكّست انا اعلامي مقابـل علمهـا
قولوا لمضنوني عسـى مانسينـي
عيني تبيهـا ليتنـي مـا عدمهـا
ضحكاتها تنصب لقلبـي كمينـي
ماتدري انه طايح(ن) من سهمهـا
في قلبها شدة وعسـر(ن) ولينـي
وفي عينها فرصة تقول : اغتنمها
لو قيل لي مجنونها آوووه وينـي
ولو قيل لي خدّامها آنـا آخدمهـا
من زينها زادت على الزين زينـي
هي معجزة كبرى على اللي فهمها
لى شاهدتها العين ترجـف يدينـي
وقلبي يوقّف لـى تحـرّك قدمهـا
يازينها لى حرّكـت لـي جبينـي
ويازينها كلمة حمد وسـط (فمهـا)
ويازينها لى سلهمت حـب فينـي
ياليت ربي مـن نصيبـي قسمهـا
أخطت على قلبي وقالـت رهينـي
(من الغلط سبحان رب(ن) عصمها)
في صمتها تخفـي بقايـا حنينـي
وتلعب بقلبي نسمة(ن) من نسمهـا
حكمة مع هيبة وعقل(ن) رزينـي
باسلوبها تفرض علي.... احترمها
في وصفها تعجز تجيبـه يمينـي
ومن البياض تشوف وش لون دمها
من حبها قلبي غـدى بـه ونينـي
مسكين قلب(ن) من حنانه حرمهـا
أشكي لها منهـا وابـي تشتكينـي
لكن لها قلـب(ن) همومـه كتمهـا
قولوا لها قلبـي بحبـك سجينـي
لو تكتب اطلاق لسراحـي بقلمهـا
أو تترك اوهام الهـوى تحتوينـي
واصير طفل (ن) لعبتـه مالزمهـا
يااهل الهوى في خاطري كلمتينـي
(لاتامن الدنيا لـو ابـدت ندمهـا)
ولكم خالص تحياتي وتقديري ,,,,,,,,
وهي للشاعر :
حمد أحمد الصقري
مواقع النشر (المفضلة)