وين رحت ؟ وليه رحت ؟ وكيف اجيـك ؟

[الــفــارس]

العتب ماهو زعـل ..لوضايقـك كثـر انفعالـي
.............. وانت لو ازعل على كل البشـر ماازعـل عليـك


بس لاطـال الغيـاب وضاقـت صـدور الليالـي
.............. سقت لك ماجا علـى البـال وتحمـل مايجيـك!


يوم شفت الكون كنه فـي غيابـك شبـه خالـي
.............. صحت في وجه الزمان وقلت فيـك وقلـت فيـك


ضاقت وسـاع الفجـوج بعينـي وزاد انشغالـي
.............. وين رحت..؟ وليه رحت..؟ ولي متى وانا احتريك


كنت ادور في عيـون النـاس اجابـات لسؤالـي
.............. يمكن اعرف وين رحت وليه رحت وكيف اجيـك


كنت اقول لكل شارع ..( ماوطتك اقدام غالي)؟!!
.............. من كثر ماكنت ابي قربك وابـي دربـك وابيـك


كنت عنك..اسأل نسيـم الصبـح لامـر متعالـي
.............. ماحمل يمي علـى دربـه جـواب مـن يديـك!


وامتلا صدري عتب..وانت السبب في ماجرالـي
.............. ومن بعد هول التعب جيت اشتكي لـك واشكيـك!


تدري انك كـل عشقـي وان غيـرك ماطرالـي
.............. وانـك بقلبـي لحالـك وان مالـك بـه شريـك


وان قلبـي لـو تفجر بالعتـب وقـت انفعـالـي
.............. زاعـلٍ منـك ..وغيابـي مايزعلنـي عليـك!!


تحيتي ..

[مبارك الهاجري]

لاهنت اخوي الفارس

على النقل المميــز...

وبانتظار جديدك

تحياتي ...

[الــفــارس]

ولاانت يالهاجري ..

تسلم على مروورك الرائع ..

لاعدمناك ..

تحيتي ..

[إنكسر حلمي]

الـفـــارس


سلم لنا هذا الفـكـر الرائـع

سلمت لنا على هذا النقل الرائـع

يعطيك العافيه

*

أخوك : إنكسر حلمي

[الــفــارس]

هذا من ذوقك يالغالي ..

لاخلا ولا عدم منك ومن مروورك الرائع ..

تحيتي