بسم الله الرحمن الرحيم
والسلام عليكم ورحمة الله وبركاته
((( العز عقب البــدو )))
[poem=font="Simplified Arabic,5,burlywood,bold,normal" bkcolor="black" bkimage="" border="ridge,7,burlywood" type=2 line=1 align=center use=ex num="0,black"]
العز عقب البدو ثـّور عجاجه = سود ٍ معاطينه وغربانه أزواج
ماعاد توحي غير مصايح دجاجه = والبوم ينعـــى في طويلات الأبراج
عقب أزدحامه بالدبش وأعتلاجه = والبل تتابع وردهااا أفواج أفوااااج
الطرش كالحيطان يملى زراجه = ماكنك الأ في منى تنظر الحاج
في دلوه الغراف ينســف هماجه = كن الدلو بحيـاضها نسف الأمواج
والسانيه تصبح عليها الحداجه = صلاة والسنـّاي يدلج بها أدلاج
وبيوت مثل القور تملى فجاجه = بأطرافها يلقى العشا كل محتاج
شافو سهيــل وجلعووو بانزعاجه = خلوه كنّه ما مشى في دواج
وأصرت دياره عقب كثر أرتهاجه = على نثايلها حمام الورع راج
قامت تهل العين والقلب هاجه = شوف الضعون اللي لها القلب ينعاج
بغى يداوي القلب خلي وعاجه = عقب الوداع القلب عن مجلسه ماج
وجا في كسر ٍ مثل كسر الزجاجه = من حر فرقى اللي للأعيان دعاج
أخرررر وداع يومه ينهض حجاجه=وأقفى وأنا دمعي على الخد زـعّاج
كم ليل ٍ أظلم ومعدوم ٍ سراجه = سهرت به لين أقبل الصبح وأنباج
أنا ومضنوني بليــّا لجاجه =هرج ٍ خفى مايسمـّعه كل هراج
سوالف ٍ ماهي سوالف سماجه= بيني وبينه مشــعل الحب لعاج
متى على الله يالوليف أنتواجه = وأنتم على ماكم تعودون الأدراج
جيــــــتك طبيب القلب تفهم أعلاجه =ماعاد لي من ورطة العشق مخراج
لولااااااااااااااااااك ماجالي مع البدو حاجه = ولا نهج قلبي لهم كل منهاج[/poem]
البــدو : كلمه تستخدم للجمـــع كـالأخوه مثلا ً الأشقاء من أب واحد أو ماشابه ذلك
[poem=font="Andalus,6,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
الشـاعر : محمد بن معيــذف القعيــقعي [/poem]
مواقع النشر (المفضلة)