لِله در الليل .. في حضرة جنابك مخملي
صباحكم./مساؤكم ثمل بكؤس الشعر
الشعر دايم يسوق النفس للحيره/
....................... ما أدري تعلقت به .. ما أدري تعلق بي .!؟
إن جيت أبكتب من أعماقي تصاويره
....................... القاني أجني معه .. تأثيره السلبي
ماقلت [ ياليت عندي موهبة غيره ]
....................... لكني آخاف بالوسواس .. يلعبي
/
من مُنطلق أنك بشاره لـ ( الحزين ) تفضلي
سلسال نُمقِته .. ودمعه تطلب الله السماح
ما قد عشقتك ( غيء ) لكِن الإمام الحنبلي
أذن على صدري وأنا أستشعرت ( حي على الفلاح )
في وقتها .. بـ أتوسل الله مغفِره وأتوسلي
عل وعسى حبي وحبك يندرج ( ضِمن المباح )
تدرين وأدري .. والإهم الواحد الفرد العليّ
يدري بأن قلوبنا بإذن الله .. أقرب للصلاح
فإن مرك الشك أوقِفي ( لحظة تجرُد ) وأسئلي
ليه أنغلق إنسان عايش في زمان الإنفتاح
من إنعزالي .. عن وجيه الناس ناديت أقبلي
صمتك يقول أنك ( سفينه تتجه عكس الرياح )
ياما أحتويتيني بطيبك لين صرتي من ( هلي )
فيك النقاء اللي يفسر نهج .. مُختار الصحاح
ممنونك أحساسي .. ملكتي خافقي فيما يلي
أني إذا جيتك تعب ( أهدء ) وأعيش الإرتياح
أصلاً إذا شفتك شعرت أني .. ملكت الأرض لي
كن أجمعين الناس من دونك وسط عيني قُباح
لِله در الليل .. في حظرة جنابك مخملي
من قبل ( خناس الغياب ) يتلو آهات وجراح
صرت أدعي الله ( ياعسى ليلة غيابك تنجلي )
وأنتي صباح الخير .. يوم الليل يمحوه الصباح
أنا دخيل الطُهر .. في قلبك تعالي وإجعلي
حزن الفراق المُر يتبخر لحد .. الإنشراح
خابرك ضحكه في تفاصيلي .. ترتب مُجملي
بالله .. كيف أنسى سواليفك وضحكك و المزاح
لا تحرميني ( وعدك الصادق ) وقلبي مبتلي
أنا طموحي ممتلي بك .. لكن أيامي شحاح
أتذكريني .. طالما بالحب قلبك .. ممتلي
وأن طاح حبي من عيونك .. حب هذا الوقت طاح
يشهد علي الله ماشفتك سِواء .. مُستقبلي
يعني أنا مُستقبلي .. لو ماتجين اليوم ( رآآآح )
لـ / محمد بن شتير
وش قيمة " الگلآم " اللي يجي و يروح ..
دآم الشّمُوع الليّ ضوت بـ / .. أگثَر مسآفآتيّ [ طفت].. !!
رد مع اقتباس
مواقع النشر (المفضلة)