[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
أدني لي البطل وصبي لي من الخمره=الكاس الأحمر يداوي الراس مشروبـه
وش لو أبلقى على كاسي أثر حمـره=من روج ولفي عسى الله يسمح دروبه
الجادل إلـي غمرنـي حبهـا غمـره=لعيونهـا نجسـر البحريـن ونجوبـه
تكسر شرابي وأنا مدري وش الكسره=ثلثين " ريد بول " وثلث(ن) حر مسكوبه
في ذمتي ما زعجت الصوت من سكره=أزعج من إلي في جوفي يشعم لهوبـه
يامل عين(ن) نبع من موقهـا جمـره=تاسم على الخد لامـن شـدة ركوبـه
ويامل قلب(ن) جلس للحـظ ينتظـره=ياحظ عوّد لقلـب(ن) شابـت ذيوبـه
من مثل صدري تجشم بالعنـا صـدره=من مثـل بالـي غـدى للهم إلعوبـه
ياكم طريق(ن) مشيتـه ثايـر الغبـره=ينثر بوجهي وأنا ميمم علـى صوبـه
وياكم عثـرة خطـى لحقتهـا عثـره=وياكم ساس(ن) عوج كسرت له طوبه
والصاحب إلي أبد ما شك فـي أمـره=أتلى زمانـه لنـا بانـت بـه العوبـه
لاشك ما كل ساحـل يرهـم لبحـره=ولا كل جبين(ن) تشوف العيون مكتوبه
غيري عطاه الزمن عشره على عشره=وأنا عطاني الزمان أصفـار مكعوبـه
ولاهي غريبه عليه ولا أنتظر عـذره=العذر واضح وكلـن يعـرف دروبـه
ماني من إلي إذا بان الدهـر عسـره=يبـدل الجلـد وقبلـه بـدل أسلوبـه
وماني من إلي تقنّع وجه إبـن فهـره=وماني من إلي نسى حقـه وماجوبـه
ولن الشجاعه أبد مـا تغلـب الكثـره=صار إحتدام التجـادل دوبـي ودوبـه
وأقرد عيني من أمس وقردي من بكره=أدني البطل قبـل المـوت يدنـوبـه
ولامن خطمني شعور الذنب والحسره=أرفـع يديـي : ألا ياربـي التـوبـه
يارب عفوك وستـر الذنـب وتغفـره=عبدك أمامـك يجـر بالعاتـق ذنوبـه
عبد(ن) تسابق صلاتـه نـازف العبـره=وأنت الكريم الذي ما خـاب مطلوبـه[/poem]
/ لسه ساطل /
مواقع النشر (المفضلة)