بــســم الــلــه الــرحــمــن الــرحــيــم
الــســلام عــلــيــكــم ورحــمــة الــلــه وبــركــاتــه
في أحدى عصريات الخبر المشمسه تم اجراء قرعه في مجلس واحد من الربع بين اربعة شباب واللي تطيح عليه القرعه
ينقلع يجيب الغداء وكانت هذه القرعه بنت الكلب من نصيبي (مدري ليه من سنتين وانا أجلس معهم وكل يوم تطيح القرعه علي اتوقع ان الدعوه في غش)
شغلت موتري متوجها الى مطعم قريب ( هالمطعم عندهم بنقالي زاحف تقول وش اسمك يقول علي عبداله صالح خخخخخخ )
قبل وصولي الى المطعم وتحديدا عند الاشارة لف علي واحد راعي لكزس مظلل كل السيارة كاتم وبغى يصدمني وعاد
الاخلاق مزفته من اول وجا ابو الشباب وزفتها زود فرفعت يدي السحريه واشر له وتعني الحركه اللي سويتها بيدي (وش في أم أمك)
وفجأه انفتحت شبابيك السيارة معلنة عن وجود اربعة خوال يقودونها عندها قررت ان اتلايط وانحاش ولكن هأأأأأأو على مين تلعبها على مين ياابن اللذين حجرولي الين اجبروني على تلبيق سيارتي في حارة خالية من العمران وقررت ان اتفاهم معهم ولكن تعرفون ام العبيد عاد من اللعانه اللي فيهم واحد منهم يقول كتفوه زين خلوني اركب فوق تندة سيارتي وانط عليه بضربة مرفق زي ستيف اوستن
ااااه كم تمنيت ان تمر الدوريات اللي دايم تنشب لي لكن وكانهم يعرفون اني قاعد اندبغ عشان كذا ماجو
بعد ان انفرشت فرشا مبرحا اصابني تحطم نفسي واكتئاب مصحوب بحالة هستيرية تجبرك عندما ترا القطو يحتك ان تقلده بكل انفة وكبرياء لاادري ماذا اصابني بعد ذلك ولكن قررت ان اذهب للبر لعلني افطفط (اخبر افطفط مصرية وش دخل امها في اللغه العربية)
لعلني افطفط عن نفسي واشكي همي للرمال اقول اها بس وتوجهت فعلا للبر في مكان بعيد انا نفسي لااعرفه (تكفى ياابن بطوطة ) وتمرجلت عن سيارتي (قصدي ترجلت) وظليت امشي على قدماي والرمضاء تشتعل في خفيّ الى ان حل الظلام الدامس وتعبت من كثرة المشي فقررت ان اعود ادراجي ولكن اهوه اها اهيه (واحد مضيع) لقد ضعت فعلا حاولت وحاولت ولكن لافائده ياجماعة الربع قعدتبها
ولكن مهلا ماذا ارى اني ارى نارا موقدة وراء هذاك الحيد (الله يخلف على اللغه بس) إقتربت لارى من هو صاحب النار هذه دون ان يراني( تعرفون يالربع العمر مش بعزئه) واذا بأحدهم فاك قشعته ولحاله ومعه فرس وقارورة بلاك وقاعد يشرب وينشد الجليلة عسا مابكتلك عين ** الجليلة على الراس طاقية
وفجأه هجم عليه ثلاثة لصوص يريدون سلبه ولكن قام كالاسد المغوار وانقض عليهم يسدحهم تسديحا ولكنه تعثر في
صخرة ووقع عنه سيفة ولم يبقى من اللصوص الا واحد عندها اقترب اللص منه قائلا :-والله زمان يابو ليلى فرد عليه
المدعو ابو ليلى :هل تعرفني ؟؟ ومن أنت؟؟ اللص :- انا شلفنطح المنفلوطي فارسكم وحارق دمكم وجأت لاقتلك ورفع سيفه ليقتله عندها قررت وبحكم خبرتي في رمي الحجاره ان اصمخه بحجر عشان ماينفذ هالجريمه ورميت الحجر ولكن
اااه كالعاده مرت من جنبه عندها صرخ قائلا :- من هنااااااااااااااااااااااااك ؟؟؟ وعندما التفت ليستطلع الامر قفز ابو ليلى كالليث منقضا عليه ومجردا اياه من سيفه (وربي مايمديكم على اللغه ) ثم ذبحه كذبح الشاة فرفع راسه ليرى من هو هذا اللذي انقذ حياته فطلعت كالسحلية( أقصد كالضب ) من وراء الصخره فنظر لي باستغراب وقال : من أنت ؟؟
فرديت لالا قول انت اول فقال لاانا سالتك اول فقلت مارأيك ان نعمل قرعة ولكن ليست كقرعة اخوياي اللي في المجلس عندها صرخ قائلا تكلم لااتوطى في بطنك فقلت باكيا :- انا الــمــحــامــي
قال:- الــمــحــامــي ؟؟
ماهذا الاسم اللي مدري وش يبي ؟؟!!
ولكن من اي العرب انت ؟؟قلت :- انا من عرب الشيخ مدحت هههههههه
عندها ايقنت انني كنت اتحدث مع انسان متوحش لايعرف المزح ولايرحم لقد صفقني على جبهتي بكعب السيف فخقيت له بكل شيء وعندها ضحك قائلا :-هعا هعا هعا ياحبني لكم ياهل الشرقيه فقلت :- لايكثر بس
فلم اعد اشعر بالدنيا كما كانت ولكني افقت بعد عدة دقائق وانا انظر للدنيا بنظرة بلاهة عندها تجرأت وسالته عن اسمه فقال: أنا الزير سالم ابو ليلى المهلهل
انا :-أأأي واللهي هو بزاتوه ( أدري الكلمه هذي داخله غلط هع هع هع )
فشرحت له القصة من اولها الى اخرها فقرر اني نذير شؤم عليه فتركني وذهب حاولت ان اثنيه ولكنه زلبني ابن الكلب فشغل حصانه ودعس وظللت هائما في الصحراء الى ان فقدت الوعي تماما واستيقظت في الصباح الباكر
فرأيت بجواري أمراة تقول للقمر انزلع وانا اقعد محلك كانت شبيهه لصفاء ابو السعود في فيلم (عطني دورة بالسيكل بتاعك) فلقد انقذت حياتي وشربتني قليلا من النبيذ (الله يقطعهم هم ونبيذهم حااااامض) ثم لحقتها بتمرات
فسالتها عن اسمها فقالت :- جــولــيــا
قلت انا : جوليا روبرتس
قالت : اقول إياك والإستهبال لا أمحطنك بالنبيذ على جبتهك
قلت أنا : يعني صدق هذا إسمك
قالت : نعم صدق
عندها انا تشرشحت ورحت قملة من الاسم والجمال والعمر
فحكيت لها اني قابلت الزير سالم وانه زلبني وذهب فوصفت لي بيته وانه ليس بعيدا بل انه حذفة عصا (على قولة الشيبان)
ثم حكيت لها قصتي وكيف اني اتيت من المستقبل عندها ضحكت طويلا
وقالت يخرب بيتك راعي دم خفيف
انا :- ليه هو انا قلت شي يضحك ؟؟
هي: اجل من صدقك ؟؟
انا :- ايه من صدقي ؟
جوليا :- اااه يالقهر واثاريني قاعد اكلم مجنون من البداية قم لابارك الله فيك ياثور
انا :- طيب لحظه افهمك السالفه ؟؟
جوليا:- اقول اقطع واخس يامجنون براااااااااااااااا لاانادي لك بوي يتوطى في بطنك
عندها ايقنت ان حظي كدقيق فوق شوك نثروه ** فقالوا لحفاة في يوم ريح اجمعوه
فذهبت وانا اغني :-تقوى الهجر وش لي بقى عندك تدورلي عذر
لم اجد ملاذا امنا اذهب اليه الا الزير سوسو ( إسم الدلع )
فذهبت اليه وحكيت له كل شي ولكنه خانقني وقال ضف وجهك لم اجد خيارا (ولا جرزا ) الا اني اهدده واقول بعلم كليب عليك اني سمعتك وانت تقول :-الجليلة عسا مابكتلك عين ** الجليلة على الراس طاقيه
عندها استسلم للامر الواقع وخاف وترجاني اني اسكت وبعدها طاحت الميانه بيني وبينه وصار يسولف عن جلجل (اسم الدلع ) وانه رايح وراها ريال حضرمي بس الحظ وقف مع كليب ضده
فخطر لي ان اساعده على الظفر بالجليلة مقابل انه يساعدني على تشبيك جوليا
فذهبت من وقتها الى الحانه ومسكت اقرب واحد سكران وقلت له هل تريد نقودا ؟؟
فقال :- نعم بالطبع ولكن مالمقابل ؟؟
فقلت له :- ان تطب في هذاك البيت
فقال :- ولكن اليس هذاك بيت مرة ؟؟
فقلت :- لا انه بيتي ولكني نسيت المفتاح داخل ماقدرت ادخل مره ثانيه وقلت انت ماشالله خفيف وانشط مني
فقال :- هات النقود وعطيته النقود ( قصدي الدراهم )
وانطلقت لاحد بزارين حارة كليب وقلت رح قول لكليب ترا الجليلة مواعده رجال في بيتها وانتشر الخبر كانتشار النار في الهشيم
وذهب كليب للبيت ليجد السكران معتفس يدور للمفتاح في المطبخ عندها سحب سيفون على الجليلة وقال اخر زمن
ذهبت للزير سالم وعلمته
وقال :-عفارم عليك ياشيخ انت كفو الحين امر وانا اطامر
فسألته عن اسلوب الترقيم عندهم
فقال :- في العادة لانرقم ولكن اذا ازمت الشغله نكتب الرقم على حمار ونرسله لبيت البنت
فاشتريت حمار وكتبت عليه رقم جوالي وارسلته لجوليا
ولكنها شققت الحمار ونطلته في وجهي
فأضفتها في ماسنجري ولكنها يوم عرفت انه انا اللي اضفتها صكتني بلوك
فذهبت لها وكلمتها وانا اقول :- اااه جويلي (اسم الدلع) عطيني فرصه عشان اعبر عن حبي لك ولكنها لفطتني بزبيريتها (من اول يلبسن زبيريات) رافضة ان تعطيني ادنى فرصه فقررت ان اخر الداء الكي
فذهبت للزير سالم وقلت نبي نخطف بنت
فقال :- قدام والريوس مفصول ونعنبو من يردها في خاطرك يالــمــحــامــي
فقلت :- تعجبني ياولد
فقال :- اسمع ترا هذي حزتهم يروحون للغدير عشان يجيبون ماء خلنا نروح الحين (والله سوسو متحمس )
وننطلق الى الغدير ولم نجد عنده احدا الا هي
فقال الزير سالم اين هي ؟؟
فأشرت عليها قائلا هذه هي مهجة الروح عندها
صرخ الزير ضاحكا :- اهعا اهعا اهعا اهعا الله يرجك ياشيخ بالله تحب هذي ؟؟ هعا هعا هعا ( ضحكته حلوه ضحكت واحد ثقيل خخخ )
عندها قفلت معي وقلت :- تكفى انت والجليلة اللي تقول سيكل
فقال :- موهب القصد ياغبي لكن هذي اللي مسمية نفسها (جوليا) ماهيب جوليا ولا بطيخ هذي اسمها عمشة وتشتغل رقاصة في الحانه اللي في حارتنا هعا هعا هعا هعا هعا هعا هعا
عندها انصدمت صدمة شنيعه وتحطمت احلامي على صخور الواقع معقول ؟؟ معقول حتى في العصر الجاهلي البنات يكذبون في الاسماء ؟؟ لاومسمية نفسها جوليا بزعمها انه احلى اسم نزل وانه الموضه
فذهبت اليها وانا ابكي ليش كذا ليش بس ؟؟ لــيــه كــذا لــيـه وش سويتلك؟؟ <<< عبدالمجيد عبدالله
فقالت :- هي هيهي هيهيهيهي ياحليلك يالدلخ مصدق انت ووجهك هيهيهي وانا افكرك تستهبل وماتعرف اني عمشة هيهيهي
ياحليلكم ياشباب اليومين هذي تصدقون اي شي هيهيهي ( مدري وش سالفتها كل شوي تقول هيهيهي )
عندها دارت الدنيا في رأسي ولم اعد ارى جيدا واصبت بدوار وصداع نصفي ولم اتمالك نفسي الا وانا مغمى علي ولم افق الا وانا في مستشفى الملك فهد الجامعي والشرطه يحققون معي عن المعتدين اللي دبغوني عند المطعم واللي سووا فيني هالاصابات
مايستفاد من القصه :- اذا رحت تجيب غدا لاتحارش ناس معهم لكزس مظلل
وسلامتكم سلامتن غانمتن جدن جدن جداااااااااااااااااا
ســـــــي يــــــــو
مواقع النشر (المفضلة)