السلاااااااام عليكم ورحمة الله وبركاااااااته
كيف حالكم على طاااااري الصرقعه
كنت بنزل موضوع لكن غيرت الساااااالفه وبنزله الحين احس اني مبطي عن مجلسنا هذا
ماتكيت فيه المهم الزبدهـ ومافيها انا سافرت قبل اسبوووووع لأم الدنيا << يامال الماحي
ام خرطي يمدحوووونها والله من السماجه فيها اقوووول يالبى السعوديه واهلها
<<<<< احس اني بدخل موضوع ثاني
نرجع لسالفه على طاري الصرقعه
يوم كنت انا في مصر اخوووي معي المهم رحنا لمكااااان في النيل اسمه القناطر
وبعد ما اخذنا السفينه مدري الباخرهـ مدري وش اسمها لنش مدري زورق اكيد وحدهـ
من اللي قلت رحنا لمطعم في البحر بناخذ من عندهـ غدانا بعد العصر gif22
اللي هو يتكوون من وحيد القرش :28ar:قصدي سمك وانا اطااااااالع
بعد مانزلت من اللي راكبينه إلا ذيك القطووووهـ تتدلع قدامي وتحسبني راعي دلع
قلت لخووووي صورني وانا اجي بحيلتي وامسكها مع ذنبها
وهي تقول القطوهـ ( وييويف ) وانطلها إلا هي وسط النيل انا ادري انها تعرف تسبح لكن
كانت وسخه وابيها تنضف جسمها ههههههه <<< عاش المصرف
بس تحمد ربها اني ماحذفتها بما اوتيت من قوه يعني شوي شوي
وهـــــذا التصوير
http://up202.arabsh.com/s-17199/20060214_002_.3gp
المهم بعد مارجعنا قابلنا ابو نسب في رام سيس هلتون
هو كان موجود هناك رايح يجيب دخاااترهـ
المهم طلعنا لساحة الحسين قهاااااوي جنب مسجد اول ماتكينا ونطلب الشاهي والفصفص :)
ونفل ابوها سوالف اللي جنبك يعزف واللي يرقص المهم جوها حلوووووو
تعرفوووون اكثر مافي مصر الشحاذين عندهم اكثر من التجار كلهم شحاذين
جتني وحدهـ عمرها يمكن من 80 وحولها تقولي اي لفيو يعني احبك هههههههه
وانا انادي سعد اخوي وهي تقوله والله ياجلسنا نضحك المهم ابو نسب جالس جنبي واخوي
لا قدامنا لكن على جنب جتنا عجوز ثانيه تبيع مناديل قلت انا لا مانبي شي عاد المصاريه
نشبه لااااازم تشتري والله يبيلك ساعه عشان يروحون من عندك عاد انا جاء
في بالي النذاله قلت اسمعي انا بعطيتس 50 جنيه لكن بوووسي هذا على خدهـ اللي هو اخوي
كان ابو الشباب مكشخ لابس ثوب وغترهـ رسمي الولد وانا لا داق الشنقيط :) قصدي الجنز
قالت خلااااص المهم يوووومه شافها وصلته وهو يقول لها عيب استحي وهو يقووووم يبي ينحاش
الرخمه الحرمه يمكن عمرها 60 وفوووق يعني توها في سن المراهقه
وهي تحاول تجيه منا ينحاش منا المهم هي ايست وراحت << صارت اذكى من اخوووووي
وتنخش شوي يمكن 15 دقيقه وهي تجيه من وراء وتخمه والله انها بغت تعطيه بوسه لكن سلم
وهو ينقز لأنه على رجلينه واقف لأن الغترهـ والعقال والطاقيه طايحه الشخصيه اللي
قبل شوي طاحت وانا اضحك وهي تجيني قالت يالله عطني قلت لا ماعطيتيه بوسه وتحلف
ياكذب المصاريه قلت لا المهم حاولت في لكن مافي طب مافي حيله :1ar:
قالت اجل ببوسك انت قلت انا عاااااااااااادي <<<< بمد الألف عشان يطلع طعمها زين :)
وانا ازين خدتي لها ابيها تعطيني البوسه عشان تدري اني عادي عندي عشان ماتتشجع علي
وهي لو خمتني صفقتها
كان ابو نسب يكلم بالجوال قالت هي طيب ببوس هذا الملعوووونه طمعت كثير
والله اني بغيت اقولها خلاص قلت اخاف يزعل الرجال عشان السلقه هذي
المهم بعد ماخلص من المكالمه قلت يالله تعالي لهذا قال لها بنفخه اقولك ايه انتي مش ادي
ههههههههههههههههه
والله لقمع عليك العالم اضحكم عليك <<<<<<< باللجهه المصريه ههههههههههه
وهذي صورتها طبعا ناسخ الصورهـ من مطقع فديوا
وهذي صورتي انا وابو نسب في الجلسه
شوفوا اللي منزل راسه اللي وراء تراهـ سعوووودي كل صورهـ نصور ينزل راسه ويطلع فيها
ونمسحها ماتطلع واضحه إلا المرهـ هذي طلعت واضحه وخليناها
الصراحه السالفه طويله ودي اقوووولها لكم لكن تبي لها موضوع ومخ مخه لها
بس اما السعوديات هناك والسعوديين يختلفون عن اللي هنا بألف درجه على مقياس رختر
وسلاااااامتكم
حــــــــــــــيران
مواقع النشر (المفضلة)