كُلنا يتغير .. ولكن حين تتغير الزوجه .. ماذا يفعل الزوج
اين المفر ؟!
اليكم الرساله كما وصلتي ..
••••••••
فكرت كثير لين قررت اكتب لكم انا اتابع القسم من فتره طويله
قررت افضفض لكم بمعاناتي واشوف ردودكم
/
انا شاب عمري 31 عام متزوج من اربعه شهور .
اعمل بوظيفه متميزه جاهدت حتى وصلت لها .
قررت الزواج وبعد البحث اخترت اخت صديقي وتمت الملكه
• والمشكله هي اني في وقت الملكه كنت اتكلم مع زوجتي كثير
عن علاقاتي السابقه افضفض لها عشان تحس معي بالامان
وتشعر باني تركت كل اللي عرفتهم واخترتها هي ..!
ولا انكر بانها كانت تسمتع لي بشغف وتقول بانها سعيده لصراحتي معها
مرت الايام واتممنا الزواج وانتقلت زوجتي لبيتي .
وسافرنا لاسبوعين واعترف بانهم كانوا من اسعد ايامي .
رجعنا مرة اخرى الى بيتنا الصغير وبدأت حياتنا
واذا بي اشوف مخلوقه غير زوجتي .. تغيرت زوجتي
» وين رحت ؟ تأخرت ؟ كنت اكيد مع وحده من اللي كنت تعرفهم
» ليش سرحان وش تفكر فيه ... انت حنيت لوحده من اللي كنت تعرفهم
» قايم من النوم مبتسم ؟ ايه انت حلمت بوحده من اللي كنت تعرفهم
» كنت تكلم مين بالجوال ولما شفتني سكرت ؟ هذي اكيد وحده من اللي كنت تعرفهم
وهكذا....
تفتش بكل شي يخصني وتسألني عن كل التفاصيل الممله
صرت اعاني منها .. اكره اني ارجع البيت ثاني بسببها
فكرت في الطلاق ولكن الكل يقولي حرام زوجتك مافيها عيب
تعبت من التفكير والملل والألم والمعاناه ...
...{ }...
مواقع النشر (المفضلة)