[align=center]قصة ريماس وفارس احلامها:23ar:
قصة سعودية -الاحساء
الجزاء الاول
بطلت القصة ريماس،،، ريماس عمرها 13 سنه وعقلها يعطيها اكبر من سنها (ماشاء الله عليها ).
شعرها لنصف ظهرها وعيونها متوسطين ولونهم بني غمق وانفها طويل وشفايفها مليانه واهي ضعيفة بس مش مره وطويله .
عندها أخت متزوجه اسمها مها وعمرها 20 سنه ريماس ومها وحيدين امهم وابوهم .
(يوم الاربعاء) 5:30 الصباح
في غرفة ريماس كانت نايمة (طق طق طق)
بومها :رموووسه (طق طق)
ريماس : مفتوح .....مفتوح (ودخل بومها)
بومها :قومي صلي وعلشان تروحين المدرسة
ريماس :طيب....طيب بس خمس دقايق
بومها : الساعه خمس ونصف الحين
ريماس وتنقز وتروح الحمام وبعد ماطلعت راحت تصلي ........بعد ماخلصت تدخل مها
مها: السلام عليكم
ريماس :وعليكم السلام .... (مها جالسة عن ابوها طول فترة الحمل)
مها: قومي نفطر
ريماس :اوكي يالله (ونزلوا تحت وفطروا واهم يسالفون)
وتنزل ام مها
ام مها: السلام عليكم
ريماس+مها: وعليكم السلام
ام مها: شخباركم ؟
ريماس+مها: الحمدالله وانتي؟
ام مها: طيبة... الحمدالله
ريماس: يالله انا اقوم اتجهز للمدرسة .(وتقوم وتصد فوق)
في غرفتها
لبسة المريول ورفعت شعرها وخلت خصل على وجهها ولبسة جزمتها كانت ملونه وحلوه وبدون كعب طايح في الارض وخذت جزدانها وخذت شنطتها وطلعت
ريماس :اووووووه نسيت اطش لي عطر (ودخلت ثانية وترست روحها وطلعت )
ونزلت تحت
ريماس :بابا يالله
بومها: يالله .... الله يعينا على الزحمة
(ولبس بومها نظارته الشمسية كان لونهم بني وحلوين)
(وراحت ريماس تسلم على امها وحبتها على راسها )،،،(وراحت حق مها وحبتها في خدها ومشت راحت المدرسة)
وبدات الحصة الاولى بمتحان تاريخ واخذ يالغش .....ربع ريماس كثير بس اكثر وحده هاجر
مخطوبة على ولد عمها وتحبة حيل ،،،،، واهم في الغش ياسلام
ان شاء الله عجبتكم بداية القصة
بنزل الباقي بعد الردود
الجزاء الثاني
في البيت بومها
مها جالسة في غرفة ريماس (غرفة ريماس لونها اصفر وفي زاوية الغرفة كبيوتر وفي وسط الغرفة فرشة برتقالية والستاير لونهم احمر على ضوء الشمس يصيرون برتقاليين وديباج اصفر وبرتقالي وفي طاولة مليانه العاب )
جالسة مها تكلم زوجها على النت زوجها مسافر حق شغلة ولا يجي الا في الاسبوع مره
مها:اوووه الساعه 9 بقوم ارقد احسن لي
واهي طالعة من الغرفة ريماس وداخلة غرفتها شافت امها في الصالة تفكر كان بتروح لها بس في خاطرها: لا اخليها على راحتها .
في المدرسة رن الجرس الفسحة....
ريماسواهي تطلع من الفصل:ههههههههههه هاجر شلون شو كنتي لابسة يوم يشوفج
هاجر: لاتضحكين واقولج ترى بكف
ريماس : اوكي (وتفسحوا وخلصو )
في حصة الرياضيات
هاجروريماس يطلعون اصوات
ريماس : ميو ميو
هاجر :وه وه هو هو
والاستاذه تلفتت (ريماس تسوي روحها تكتب وهاجر بعد اللي قدام ريماس شاطره حبت ريماس تجننها راحت خذت منديل من هاجر وحطته في اذن البنت،،، البنت قامت تصارخ ريماس يوم سمعتها
خافت سويت روحها بريئة
الاستاذه: طلعي بره
الشاطره:استاذه اسفة
الاستاذه : بره
ريماس: هههههههه والله اسفة ياسميره
ومرت الساعات الى الساعه وحده على البيت
ريماس وهاجر بيوتهم بعيده بس ريماس تمشي مشي علشان بس هاجر ماتمشي لحالها ولا اهي يجيها ابوها
ووصلت ريماس البيت ريماس : السلالالالالالام عليكم
أم مها: وعليكم السلام (واهي جالسة تسوي صوف)
ريماس :شخبارج؟
أم مها : الحمدالله طيبة ......وانتي
ريماس : يسرج الحال ....رقيص (تموت على كلام الإماراتيين) يمه وين مها
أم مها :نايمه
ريماس: انا بروح اغيرملابسي
(وراحت غرفتها وخذت بجامتها وكانت سيرو ولونها سماوي وعليها حوائر كبار صفر وخضر وبرتقالي وتسبحت ولبست بجامتها وخذت نعلت البيت وكانت بعد لونها سماوي قطنية تغطي الاصابع ومرسوم عليها بقره وصفرة )
ريماس تحب هذي الاشكال من النعل
ورفعت شعرها وخلته كله ورا وطشت عطر طفولي وطلعت من الغرفة وراحت غرفت مها
طق طق طق ودخلت
ريماس: جالسة
مها:ايه تعبانة
ريماس : سلامتك حبيبتي ....قومي جايعه بروح اكل شي تعالي معي
وتقوم مها :وش سويتي في المدرسة
ريماس واهي تفتح الباب علشان يطلعون : والله وناسة ......اقولج خلونا نروح بكره البحر
ونزلوا تحت وراحوا المطبخ
ريماس فتحت الثلاجة : الله كيكة وطلعتها
وجلست تاكل اهي ومها وتجي أم مها
أم مها: اشوي اشوي ...... ماراح يطير الاكل
البنات:ههههههههههههههه
ريماس : هذي بنتج اللي علمتني هههههههه
أم مها : انزين ،،،، ريماس في ناس اخطبوج
ريماس فرحة في خطرها : بس انا صغيره ،،، بس ابغى اصير مثل هاجر فيها شي
مها:وش فيج وين رحتي
ريماس: ولا شي .....انا بعدني صغيره
أم مها: أي انا ماراح ازوجج الحين ليمن تخلصين دراسة
ريماس في خاطرها : الله راحوا علينا (وتبتسم)
مها: وش فيج خبلة
ريماس : لالا
مها: االيوم عرس صديقتي لزم نروح
ريماس:ايه انا ابغى اطلع
أم مها: وش راح تلبسون
مها: فساتين
ريماس: من جدك
مها: ايه والله .......قومي نجهز يالله
أم مها :من الحين
ريماس: ايه بس نشوف وش راح نلبس
راحوا غرفة الملابس
ريماس: غيرت رايي البس شي كشخة بس مو فستان
مها: كيفج
مر الوقت وصار المغرب راحوا صلوا وبعدين
البست ريماس حق العرس تنورة قصيرة لركبة جنز ازرق وبلوزه برتقالية وعليها
كت خفيف بني اكمام وسكرت الازرار ويبين بطنها اشوي يعني هذا الموضة
وشعرها مفتوح ولبسة صندل كعب بس مو حيل بني وشكلها طالع كيووووووت وظل خفيف لون برتقالي وروج وردي خفيف
ومها لبسة بنطلون جنز وبلوزه الى الركبة بنية وحلوه مره
واكامها الى الكوع وشعرها مفتوح وخذت شنطه بيجية وحطت اكسسوار حق الشنطه على شكل مفتاح وقفل وفصوص مره حلوه
وراحوا العرس اول ماوصلوا صالة العرس كانوا مشغلين اغنية قول امين حق عبد المجيد عبدالله
ريماس راح فكرها بره العرس وراح بعيد اللي تعزم في النت
ريماس: قول امين عساك تحبني وتموت فيني ....آآآآآه من زمان مادخلت النت
وجلسوا على طاولة من الطولات وأم مها جات معهم واستانسوا
تتوقعون من هذا اللي تعزه
وشنهي قصته بضبط [/align]
مواقع النشر (المفضلة)