آلسَلآمُ عَلَيْكُمْ وَرَحْمَةُ آللَّهِ وَبَرَكَآتُهْ
تعالو نشوف لو سمحوا للمرأة بالقيادة . . . ..
1. أن ذلك يضفي على الحركة المرورية لمسات سحرية وجمال اخّاذ.
2. قيادة المرأة للسيارة يمنع مشكلة تهور الشباب وقطع الاشارات المرورية فسيحرص الشباب كل الحرص على ان لا تفوته اشارة حمراء لعل الله ان يرزقه (( ببنت الحلال )) .
3. سعـــــودة محلات البنـــــشر بنسبة 1000% لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات
4. بيكثر التقديم على وظايف المرور وخاصة على وظيفة الجندي اللي يجلس عند الاشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم .
5. سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو اصحاب المحطات بيكسبون ريال واحد يعني تجي البنت تقول لاابو الشباب صب بنزين بعشره ريال طبعا ابو الشباب بيحط لى البنزين في التانك وبيفتح فمه ويناظر بالبنت ماايدري الا هو معبي تانكي السياره كله يعني Full طبعا يوم بيجي يحاسبها بتعطيه عشره ريال مثل ماقالت له عب وياليته ياخذ لعشره ريال بعد الا يطمر ويحلف عليها ماتدفع ريال ويقول هالمره خليها علينا
6. توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي يعني ام صويلح بتمر ام دحيم والا بتقابلها في شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد فتح فمه وقال لهم حركوا السيارات زين ان ماباشرو عليهم ببارد والا بعشاء وهن بسياراتهن وبيقولون لهم خذوووو راحتكم على الاخر اصلا حنا ماورانا شي وين الابطال اللي الواحد ثواني يوقف سيارته مايدري الا مليون واحد يقوله حرررك من هنا والا والله لادبغك!!!!!!!!.
7. وعلى فكرة فائدة قيادة السيارة لا تقتصر على المراة ( الانسة) بل حتى (المدام) المتزوجة ومن ذلك انه اذا حصلت خصومة بين الرجل وزوجته واحتد الامر وعلت الاصوات وامتدت الايادي(وصفقها وصفقته) واحمرت الاعين وتطاير الشرر منها وارغى وازبد كل منهما
عندها راح الزوجة لزوجها ( ودني لهلي)
وطبعاً راح يقول الزوج ( ماني مودي) وتستمر المشكلة بس لو كان للزوجة سيارة راح تخرج غصباً عن زوجها وراح تقوله ( اروح ورجلك فوق رقبتك)
8. كذالك من فوائد قيادة الزوجة هو انها تساعد في احضار الاولاد من المدرسة وكذالك يمكن للمرأة ( الزوجة) ان تسهم كما اسلفت في مصروف البيت وذلك بان تمارس مهنة( الشيّاب ) اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر (( دينا)) لتحميل الطوب ونفل العفش والرمل والخرسانة <<<< ارووح هايلكس ياشيخ
تحياااااااااااااااااااااتي للجميع
منقوووووووووووووووووول
Wa Ďмťм Ŝālмiņ
مواقع النشر (المفضلة)