السلام عليكم ورحمة الله وبركاته
موضوع النقاش :
كيف نرضى بواقعنا ؟
^
^
الدعوى مهيب بس اطلع من البيت وبيستاسع صدرك ؟!
و مهوب عشانك ( ولد ) أو عشانك ( بنت ) تضمن السعاده لأن كل آدمي يمتاز بأمور توسع الصدر .. وفي المقابل ياكل تبن في بعض الأمور << ما ودك تشرح وانت صايم وعندك سطل كوسه
وعشان نكون أكثر شفااافيه لازم نفهم بعض الحركات الخاصة بكل جنس ونتقبّلها بصدر رحب
^
^
مثلا :
اذا انتي بنت وتبين تصيرين ولد لازم تتعودين على هذا السلوك الموهب حضاري ولا تتقرفين عشان ما يقولون عنتس اقرانتس انتس خكريه وتقنعين الجنس الأخر انك تساهمين في ري بخشة حكومية
^
^
ولازم برضه تتوقعين انتس بتتوظفين وظيفة شريفه دخلها كويس عشان تصرفين على بيتك حتى لو تضطرين تركبين دوريه وتتبادلين اطلاق النار مع الفئة الضالة << يعني فيه احتامل كبير تجيك اصابة عمل وينشق صدرك برصاصه ثم عاد دوري محل بنشر يرقع الصدر تيوبلس ؟!
وبالنسبة للزوج اللي متضايق من خروجه للعمل ومنقهر ان حرمته منسدحه عند المكيف الي اذان العصر ترى الحرمه صح ترقد وتبطّح بس فيها حقها من التعب << ييزي انها تضطر ترقد تحت كومة لحم وشحم ثم تشيل في بطنها لحم وشحم
^
^
تهقى بالله عليك انك بتقوى ذا الوجع وانت يوم جاك امساك في عيد الضحيه اللي راح قعدت عقبها ثلاثة اشهر ما تاكل ماغير تشرب سوائل الين صرت تسقي النخل وانت مبوبز
محاور النقاش :اذا انت رجال وودك تصير حرمه
س1 : هل تعاني من الطفش وتعتقد ان الجنس الأخر أسعد منك ؟!
س2: وش ظنك لو قدّر الله عليك وصرت غير جنسك ( يعني انت ولد صرت بنت د ) وش أول شي بتسويه ؟
س3 : وش الأشياء اللي بتحرص على انك تعرفها عن حياة النصف الأخر ..؟! وهل بتشتغل والا بتصير ربة بيت
س4: هل بتعبّر عن مشاعرك لزوجك وتقول : يس يس يس .. والا بتقول لزوجك : ترى خالك عازمنا للعشاء بكره
س5: هل بتحمل وتجيب عيال واجد وبترضعهم رضاعه طبيعيه والا بتقول واحد وخلاص وبترضعه قوطي حليب وجعله ما يكبر
اذا انتي بنت وودك تصيرين رجال :
س1: هل تعانين من نقص الحديد في الدم ( واحد بيقهر الحريم ويقول فيكم فيكم نقص ذا الحديد )
س2: وش اول شي ممكن تسوينه اذا صرتي رجال <<< غير انتس تصيرين مشرفه لمنتدى
س3: بتلبسين فنيلة نصف كم تحت الثوب والا فنيله علاقي
س4: بتودين زوجتك للسوق والا بتكشرين وتقولين توني جاي من الدوام وتعبان وبرقد
س5: هل بتقطين مع شباب في استراحه وتشربين معسل والا بتتفرغين لواجباتك الزوجيه وترقدين بدري ؟
بإمكان العضو يشطح بعيد بغير هالمحاور ويورينا مايجول في دميجته بس لايتعدى حدود الموضوع
أوخيكم
حـــــــــــــيران
مواقع النشر (المفضلة)