سعوديين بـ سيارات الليّموزين !
السلام عليكم
صباحكم الخير كله (f) ؛
وكل عام وأنتم بخير وينعاد علينا وعليكم بالصحة والعافية يارب .
مقيولة من قبل الكتاب ( الموضوع ) واضح من عنوانة ، بما أنا شباب وبسن الفئة اللي بتكلم عنهم
صح الظروف تختلف في كل بيت وعايلة ومدينة بعد بس نظل تحت لواء أن أحساس الشباب فينا، ونحس بأحساسهم إذا ما حسينا بنفس الأحساس !
الموهيم لا تطول السالفة ، اليوم كنا راجعين من مهرجان زهور العيد والألعاب النارية ولا يخفي
كل من يسكن الرياض الحوسة اللي صايرة بطريق الملك عبدالله والزحمة واللطعة اللي تصير هناك !
مدري ليه صايره أفهي مع الشارع السعودي هالأيام كل ما أركب السيارة بس أقعد ألاحظ وأشوف وأقرى لوحات العالم !
واللي صايره أشوفه كثير ( سعوديين بسيارات الليموزين ) !!
مره ومرتين وثلاث ويمكن تعديت العشر ، أحسه شيء حلو أن الشباب السعودي بدآ يطلع شوي
قالب البطالة اللي مجمد نفسه فيها !
أو يمكن الحاجة خلته وقل العرض من الوظايف في هالوقت خلته يلقى رزقة بسيارة أجرة
ويمكن لبرامج خدمة المجتمع تأثير على تغيير نظرة الشباب عن الشغل المهني والحرفي وأنه
موب عيب ؛ يقولك عبداللطيف جميل : (الشغل مو عيب ) !
الأحساس اللي أحسه أني أرحمهم مدري ليه !
يمكن أحساسي غبي وبايخ بس قلت نتشارك في هالموضوع بأرائنا وأحساسيسنا بعد .
* ماهي نظرك لسائق الأجرة وبماذا تشعر/ين عندما ترى شاب سعودي بمنتصف العشرينات
مرتدي ثوب نظيف وشكلة مرتب ويسوق سيارة آجرة ويوصل من حارة لغيرها ؟
* ترضين تقبلين بسائق ليموزين زوجاً ؟ ( إن علمتِ كل الخير عن أخلاقة ودينة ولابأس بوسامته أيضاً)!
* لماذا الفكرة السيئة السائدة عن سائق الأجرة السعودي ( ترا طاش ما كذب فيه ناس لا دروا أنه سعودي نزلوا !! ) !؟
* شاركوني أرائكم بلا قيود .
؛ سما
مواقع النشر (المفضلة)