مــرآآحـــب للجميـــــع
عساكم بخير ؟! ورايقين إن شاء الله !!
[align=right]الكثير من لايعلم بأن أغلبيه الفتيات يصرخن من داخل أعماقهن
ويواجهن مشاكل عاطفيه ونفسيه واجتماعيه 000إلخ
لانعلم بالتحديد ماهو السبب لصرخات الفتيات !! ومن المسؤول عن تلك الصرخات!!
(فالناس أجناس) فلكل فتاة هم وكل فتاة تختلف عن الاخرى ولكن جميعهن يشتركن
بأنهن عاطفيات لأقصى الحدود ولكن الاختلاف في تلك الفكره يوجد هناك فتيات جافات الطبع
وهناك لديهن قسوة في التعامل وهناك المعتدله وهنالك فتاة لينة القلب
ولكن جميعهن عـآطفيــآت [/align]
لاأعلم لماذا كتبتُ تلك المقدمه البسيطه حتى أدخل في صلب الموضوع موقف شاهدته
في أحدى المجمعات التجاريه وجعلني حزينه ويدور في جوف تفكيري العديد من التساؤلات
فأسمحوا لي بالتحدث بالعاميه 00
[align=justify]كنت أتسوق مع اختي الكبيره وزوجة اخوي رايحين نجهز لدواماتنا من بدلات ولبس
وكنا نتمشى ورايقين وفجأه سمعنا صوت قريب من عندنا بنت أصرخت صرخه قويه وسكتت
لفينا روسنا مالقينا إلا أم عطت بنتها كف على ويهها ( وجهها ) قوي
ومن قوة الكف ويه ( وجه ) البنت صار أحمر وبعدين الام سحبت أيد بنتها
وكان ورا هذي البنت ( شابين )
ومالقيت نفسي إلا أقول لأختي وزوجة اخوي خلونا نمشي عن هالمكان
لأن الموقف أمبيه محرج و صعب صعب صعب بالذات إذا كان شي بين البنت وامها
وللأسف هالشي صار علني جدام الناس 000
ورحنا نكمل التسوق وكان خاطري ضايق وكنت أقول لنفسي أعوذ بالله لو كنت أنا بالموقف هذا
أو أي شخص أعزه وأغليه00 وطبعا أختي وزوجه اخوي كانت ردت فعلهم غير عني
ماعندهم سالفه إلا يقولون حييييل تستاهل قلعتها احسن عشان تتوب
ولازم تكون عظه وعبره لغيرها بالمجمع وانا اقولهم حرام عليكم مو جذي عاد
كانوا يردون عليّ أحنا متزوجات ونفهم بالامور هذي اكثر منج لاتعاطفين معاهم 00[/align]
احس الموقف صعب ومن كثر صعوبته دمعتي نزلت لانه محرج وبمجمع وجدام العالم
وبنفس الوقت مو عارفه ألوم منو الام أو البنت أو الشابين 00
بصراحه تامة أول مره بحياتي اشوف موقف مثل هذا 00
[align=left]
** شنو رايكم بالموقف ؟! وشنو الشعور اللي حسيتوه لما قريتوا الموقف ؟!
** هل تصرف الام صح أو خطأ ؟! وليش ؟!
** للبنات ==> لو كنتِ في موقف البنت شنو راح يكون شعورج ؟!
** للشباب ==> لو كنت أحد الشابين المتسببين في هذا الموقف شنو ردت فعلك ؟![/align]
نسمة الكويت
مواقع النشر (المفضلة)