[align=center]ولهموم المجتمع حضور في القصيده ...
هذه قصيدة كتبتها
ضد دعاة التحرر[/align]
[poem=font="Simplified Arabic,3,black,bold,normal" bkcolor="transparent" bkimage="" border="double,4,blue" type=1 line=0 align=center use=ex num="0,black"]
ابي اشرح بها المرة خفايا واقع التستير=وابي اروي بحور الشعر من مخزون آهاتي
ابي اكتب عن المرأة ودعاة الرفق والتحرير=وابي اكتب عن السنة وعن شيخ المرواتي
وابي اسأل عن الفتنه ومعاني كلمة التفجير=وعن واقع رجال الأمر لهم صافي تحياتي
واحد يبكي المرأة يقول حجاب لا مايصير =نبيها تكشف المستور والخافي وزيناتي
وهذا يطلب العالم يبيها تشتغل تسعير=ويطلب من ولي الأمر يعطيها مهماتي
وثاني يدعي المرأة قيادة في خطوط السير =يبيها تركب الطارة بروحات(ن) وجياتي
علوم(ن) تجعل المسلم يصاب بصدع في التفكير=وتجعل من عقول الناس اطفال(ن) مخفاتي
وعقل(ن) يقلب الدنيا مثقف حيل بالتحرير=جرايد كل صبحية تزيد الطين بلاتي
عكاظ مع الوطن ورياض جرايد همها التعبير=مدينه قبلهم يالله تشفي من مصيباتي
جزيرة فيها كتاب(ن) لهم بالمهزلة تصوير=وخافي ماذكرته بعد في اسطر مجلاتي
امور تخبل العاقل ومنهم لازم التحذير=وش اللي نستفيده زوداذا طولنا بسكاتي
دعو ابطال دور الامر بالمعروف بالتشهير=دعو انا نكون اغراب في دنيا المتاهاتي
وشيخ(ن)ينثني لله ويطلب من سماه الخير=ودمعه فوق خد الارض يدعيه الشفاعاتي
قالوا عنه ارهابي معانق فكرة التفجير=وقالوا انه الاول وهو كل الخطياتي
وش اللي نرتجي ..بالله ؟؟ بعد مانصاب بالتخدير= وش اللي ننتضر منهم سوى اضعاف مأساتي
سلامي للرجال اللي حماة الدين من تحرير=سلامي للذياب اللي زانت فيهم اوقاتي
سلامي لك يا ابومتعب سلام(ن) يحمله كل طير=سلام(ن) تنثني دونه جبال ابها العسيراتي
سلامي لك يابو خالد مزين القاف والتسطير=رفيع الشان والهامة وعالي في مقاماتي
ورود الفل اهديها لنايف هو كثير الخير =ورود(ن) من روايحها تطيب كل ابياتي
سلامي للي في كفة تسير القافية تسيير =امير رياض نزهى به فهو شيخ المرواتي
سلامي من سما فيفا اوصلها ديار مطير=سلام(ن) من جبل فيفا مداه اكبر مساحاتي[/poem]
[align=center]معاند جرح[/align]
مواقع النشر (المفضلة)