السلام عليكم ورحمة الله وبركاته
بسم الله الرحمن الرحيم

اسمحو لي أخواني وأخواتي بتكلم عن موضوع قاهرني وباط كبدي والسالفه وما فيها بناتنا في المستشفيات وشو وظيفتهم با الضبط ؟
بعض البنات الموظفات في المستشفيات الله يهديهم مياعه وقلة أدب ولا احد يزعل هذي حقيقه وبعض الشباب أعوذ با الله لازم يطق حنك مع كل موظفه هذا إذا مو اكثر من كذا ليه حنا وصلنا لها المستوى
البنت الي تعمل ها التصرف ما تنظر وشو نظرة الناس لها غير تكون نظره سيئه واللي تتدحوس تحت الموظفين حاطه في بالها بيطيحون في غرامها ويخطبونها وهم يتسلون عليها ويمشون ويذمون فيها وفي أخلاقها

والشي الثاني مدراء شؤون الموظفين الي عندنا إذا جاتهم بنت محترمه حالها قالو لها ما عندنا وظايف وإذا جات بنت تتدلع قخذو رقم جوالها وعطوها ذاك الراتب الي ما تستاهله حتى لو كانت شهادتها ثانويه والله يا ناس شي يقهر صار ها الوقت با المقلوب المحترم منبوذ والشين محبوب

وكل واحد يقول موقف شافه في مستشفى وين الرقابه عنهم وين المسؤلين أنا بصراحه أتمنى ينحط شرط على كل مستشفى يجيبون توعيه دينيه مو بس عشان يدعون الممرضات والدكاتره الاجانب للدين الاسلامي
وعشان بعد يشوفون حل حق بعض الشباب وبعض البنات

لا وبعض البنات بس تنخطب تترك المستشفى وتغير رقم جوالها ليه وشو الشي الخطأ ؟

اخلي لكم الجواب

وما أنسى أن في بنات والنعم يشرفون أهلهم بأحترامهم واخلاقهم في المستشفيات
و يخففون وطئة الشي العجيب الي نشوفه من البعض ويعطرنا أمل أن الدنيا بخير

وبعد ها الأيام نسمع أن حتى المحترمه عيال الحرام ما يخلونها في حالها يعني وشو إلى وين راح يوصل الأنحدار في ذا الشباب ؟

أتمنى من الي يأيدني يبدي رايه وامتعاضه ومن الي يعارضني يبدي غذا أنا غلطان في هذا الشي ويعطينا أمثله حيه تبث الأمل في قلوبنا

وأقول للبعض موظفين وموظفات المستشفيات اتقو الله


تحياتي




تك تك