يستحق التميز-- الحوراء بنت نجد
[poem=font="Simplified Arabic,6,black,bold,italic" bkcolor="transparent" bkimage="backgrounds/15.gif" border="double,4,black" type=2 line=0 align=center use=ex num="0,black"]
كل ماسجيت ذكراي للماضي تعيد=في زمان(ن) ... فيه قلبي مع الغالي سلا
والغلا في كل لحظه مع المده يزيد= والغلا ياناعس الطرف ماغيّره غلا
واشهد إنك أجمل الخلق في عيني أكيد=والملا بانظارها تختلف كل الملا
والقصيد انواع عندي وجامع لي رصيد=صرت انا وبحور الأشعار خوّه وزملا
وكل مادونت لي قاف بانتاج(ن) .. جديد=سيرتك مرت على البال ياريم الفلا
ماطرالي غير وصفك مع بدع القصيد=والقصيده دون طرياك مافيها حلا
لكن الطرقي على الدرب مطراشه بعيد=والبشر قدام عينه وكنّه في خلا
رحلته صارت عنيده مع الوقت العنيد=وزلته ماهي بغلطه وصارت له بلا
له ثلاث سنين والجرح طبه مايفيد=علته خلف المحاني وجرحه ماشلا
وان توفى سبة العشق ماقالوا شهيد=حِط في قبره وسيرة حياته ترحلا[/poem]
مواقع النشر (المفضلة)