قصيده حزينه ولكنها اجمل من الجميله!
السـلام عليكم؛ مسآكـم شعر.
فالبدايـه آحب اعطيكم نبذه عن القصيده القصيده هاذي اخذت كآجمل قصيده في دوله قطر من ناحيـة مشاعر. القصيده طويله لكنهآ تستحق ان تقرآ حرف حرف نظرآ لجمآليتهآ.
تعبـت آجآمل الدنيآ تعبـت آدآري العدوان؛؛؛ تعبت اخآلف الوآقع وانا شوقي يكويني
تعبت ارسم على وجه الحزن بسمه بلاوجدان؛؛؛ بقآيـآ بسمه ماتت مشاعرها من سنيني
عجزت اكذب على نفسي ان الحصان حصان؛؛؛ كبـآ مليون كبوه والامل مازال يحديني
دفعت اللي معي بالطير واثره طير ابن برمان؛؛؛ تعشاني خبيث العش قبل انه يعشيني
أجود زلـة الصاحب وآمشي غلطـة الغلطـان؛؛؛ كفى ياوقت لاتضغط علي ماراح يكفيني
درست الهم واجزائه وعرفت الزود والنقصان؛؛؛ ولكن مادرست من الفرح حاجه تمشيني
وصلت ابعد حدود الصبر ماحصلت لي عنوان؛؛؛ وضاعت خطوتي بين عوارف ومجانيني
سرقت من الزمن لحظه فرح في غفلة احزان؛؛؛وسرت المتهم بضياع لبنان وفلسطينـي
وأثر فرعون مايقدر يمشيها على هامـان؛؛؛ وهذي سنـة الله في الفقارى والسلاطيني
زماني لامتى وانا أسير الهم والحرمان؛؛؛ كرهت الصبر واهله وهو ماعاد هو يبغيني
بصرح المصائب صحت يادنيا تراي انسان؛؛؛بشر مثل البشر وابسط لامني والا فيني
دخيل الله يادنيا العنا وش سبة العدوان؛؛؛ أموت برآحتي بس اعرف اللي بينك وبيني
اذا كان السبب يرجع لنفس ترفض السلوان؛؛؛ خذي سمعي ووخذي روحي وفكيني
الا ليت الزمن يرجع ويرجع كل شي كان؛؛؛ ولكن خايف القصه معه ترجع وتنهينـي
مجرد ماقعدت احاول ادرس فكرة النسيان؛؛؛ تحآليت البكآ وارخيت للدمع هدب عيني
ولولا الله وادري ان الحيا شعبه من الايمان؛؛؛ لشق الجيب واكسر حاجز الكتمان بيديني
وأبين قصه يبكي لها اللي يعبد الاوثـان؛؛؛ وأصيح صياح واخلى القرايب تبتلش فيني
نجوم الليل لاشفتي نصايب قبر ابن جمعان؛؛؛ دخيل الله دسي وصف قبري عن ديآيني
اخاف الحزن يدري بالخبر ويجدد العرفان؛؛؛ وأخآف الهم لايعرف مــكان القبر ويجيني.
وسلاااااااااامتكم؛واعذروني لو اكلت حرف او زودت حرف
ملاحظـه بسيطـه؛ القصيده هاذي لخالي و طير ابن برمان طير مشهور عند اهل الباديه عندما اطلقه صآحبه ليصطاد له صاد له حية وجلبها له!
عندي بيتين لي كتبتهم واتمنى تقييمهم:
بيض اللـه وجـه الايآم والمـآل القليـل ؛؛؛ علمتنـي صآدق النآس من كذآبهآ
بينت لي وقفتن مايوقفهــا ذليــــل؛؛؛ وقفـــت اللي خوتـه مآتسد ابوابهآ
رد مع اقتباس
مواقع النشر (المفضلة)