هااااااااااااااااي
اول شيء السلام عليكم .
ثاني شيء / تراي ابي اقبعكم على طول بموضوعي المتواضع واتمنى ان ينال على رضاكم وان مانال رضاكم ترى باعلم خالى خخخخخخخخخخخخ
وترى الموضوع برعاية /
المفتاح السبير حق بيتنا @ وسيارات كابرس المتحده .
وبعد قبل لاانسى ترى بنت عمي تسلم عليكم وتقول لكم ان الحاشي تزاعلت هى وخويها هههههههههههههه الحاشي ماهوب ذاك الحيوان الكبير لا اقصد واحده بحارتنا نسميها الحاشي لان وجهها مثل يوم السبت ههههههههههههههههههههه <--- ياشيخه تلايط
والآن نترككم مع الموضوع .
===========الموضوع ============
كنت متكيه في بطن امي حوالي ثمان شهور وتسعه وعشرين يوم وانا مااعرف شيء كنت بس آكل واشرب وانام وفي اليوم الثلاثين سمعت صجه وازعاج وانوار وسيارات تفحط وناس يطلعون من الدرايش وكنت خاقه مع راعي كامري مشغل اغنية ( على مين تلعبها ) كنت احسبه الملك فهد
هههههههههههههههههههههههههههههههههههههههههههههههههه
ههههههههههههههههههههههههههه
المهم وبعد ماخف الازعاج وراحت السيارات والجمهور مادريت الا وانا في يدين واحد دوووووووب الظاهر انه مصري وكان يضربني بقوة مدري وش قصته الكلب لا ومن زين الطبايع قالبن جسمي وماسكني من رجولي ومخلي رأسي متجه للأرض .
وبعد ماارتفع ضغطي ونويت ان العن والدين هالمصري واجلده جتني أمي وهدتني وقالت : يالمخفه انتى الحين طلعتى للدنيا وصرتى انسان ( طلعت الدعوة كلها حالة ولادة وظهور شخصي الكريمه للدنيا )
انا يومي سمعت أمي تقول لي اني صرت انسان سويت فيها ملكعه ورديت عليها : اجل من قبل كنت حيوانه هههههههههههههههههههههههههههههه
المهم طلعت من المستشفى بمثل مااستقبلت به من حفاوة وترحيب <---- احدى آثار متابعة أخبار القناة الأولى على النشء
مرت علي الثلاث ايام الاولى وانا مبسوطه آخر درجه والسبب انه كل شوي جاينى واحد من اصدقاء الوالد ويقعد يبوسنى خاصة ان واحدمن هالرجال حلوووووووومره وكنت كل مااشوفه يبي بوسني في خدي احرك خدي ابيه يبوسنىقدام لان خدي صار فيه حساسية من كثر التبويس قلت اغير <---عاش مصرف
والمشكلة انها لابس بدله طالع كنه وائل كفوري .. وانا مغير كل شوي اناظر تحت ودي أشوف نوع جزمته >>عاش مصرف
وبعد ماكبرت شوي وصار عمري ثلاث سنين حدث مالم يكن في الحسبان حيث اني اصبحت معروفاً بظاهرة ( الدلاخه ) عاد ذيك الايام الدلاخه كانت اقوى من الأيدز خخخخخخخخخخخخخ
وسببت زحمه لكل جماعتنا وتسببت في اعاقة زواج خالي ( الحاج متولى) لان أهل البنت يوم شافوني خافوا على بنتهم ان تولد عيال يطلعون مثلي دلوخ بس ياهي الدلاخه خلتني مشهور بقوووووووة وصرت أغطي على ( مطفى فهمى) الاطخم اللي كانت خالتي (قمر14) خاقه معه وكل ماشافته في التلفزيون تجي تقرب من التلفزيون وتأشر بيدها وتكتب الرقم على ورقة منديل وتحطه جنب المركا تحسب ان مصطفى فهمي يشوفها ههههههههههههههههههههههههههههههه<--- لا ويقولون ان مافيه احد من أهلي دلخ واني انا الحالة الشاذه في العائلة يحلفون ان خالتي( قمر14) اردى مني .
المشكلة اني قضيت سنتين من عمري ومااحد كشف اني دلخه لكن في السنة الثالثه بدأت هرمونات الدلاخه تظهر بسرعه شكلها مستعجله لانها خايفه من كيماوي صدام <---الله من زين التحليل
يوم وصل عمري للسنة الخامسة أمر جدي باجتماع كل العائلة في استراحه حول النظيم ويوم وصلوا كلهم طلعت على البست وقعدت ارقص اقصد حجروني كلهم وخلوني على كرسي وقاموا يسألوني اسئلة كثيرة يبون يشوفون انا دلخه والا بس اشاعات .
سألني جدي اول سؤال وقال : وش يبون اللي يروحون لمكة في شهر اثنعش من كل شهر وهذا الشيء من حروفه ( الحاء والجيم ) فما هو ؟
قعدت افكر واناظر في خالتي (بدور)المشاعر واقول لها علميني والا ترى والله لااقول لهم انك تحبين كابتن الارجنتين ( كانيجيا ) ابو شعر اصفر ثم ناظرت ورا الا اشوف خالي (حابس دموعه)وبغيت اسأله عن الجواب بس لاني ادري انه افدغ واكيد ماراح يعرف الجواب عطيته اشكل ثم ناظرت في خالي (الحاج متولى) قلت له وش الجواب قال : اقلبى وجهك انتى السبب في دمار حياتي الزوجية قلت له : اجل دمرت حياتك الزوجيه والله لو اني من اسلحة الدمار الشامل
هههههههههههههههههههههههههههههههههههههههههههههههههه
ههههههههههههههههههههههه
وكل العائلة قاعدين ينتظروني اجاوب صح علشان يعلنون براءتي من الدلاخه
وانا معطيتهم اشكل لاني سمعت منصور مفتاح يقول / اذا ترغب بارهاق خصمك عطه اشكل
اعاد في ذيك اللحظات كنت ابي احك شعري بس مستحيه لانهم كلهم قاعدين يناظرون فيني وخاصة ان ولد خالي( سعودي اصيل)قاعدفي أول الصف يبي يشوف انجاز خطيبه المستقبل دورت لهم تصريفه علشان اقدر احك شعري ثم جتني فكرة وقمت من الكرسي واشوفهم كلهم قاموا ثم جلست الا هم جالسين بعد ياذا البلشه شلون اصرفهم هالأمة ذي كلهم علشان أحك شعري ثم قلت لهم / شباب اني ارى قطوفا قد اينعت وحان وقت قطافها وترى هالقطوف ورا تسريحة جدي اللي بغرفة نومه
بعد ماكملت هالكلمة صرت مااشوف الا غبرتهم وقعدت وحيده في الصاله وحكيت شعري على راحتي ثم رحت لهم وقلت / شباب ترى القطوف طلعت برا البيت <---تحس ان عائلتهم كلهم دلوخ
هههههههههههههههههههههههههههههههههههههههههههههههههه
ههههههههههههههههههههه
وبعد قبل لاافوت الفرصه قلت / تراي عرفت جواب سؤال جدي المحترم
قالوا كلهم / وشو ؟ مبسوطين يبون يسمعون الجواب
قلت / بس ابي اسمع السؤال من جديد قبل لااجاوب
قام جدي وجاء جنبي وقام يتمتم بكلمات مدري وش تبي عندها حسيت ان جدي من حقين الكنيسه بس ماقلت له شيء لانه اكبر مني <---احلا اجل كنتى ناويه تقولين له شيء
ثم قام باعادة السؤال وقال وهو معصب / الحين فيه ناس يروحون للغربية في شهر اثنعش من كل سنة وش يبون هناك ؟
قلت : بسيطة وسؤالك حله سهل زي وجهك والجواب هو / انهم يروحون هناك لانهم يبون يشترون مقاضي من الحراج اللي عندهم لان مكة عندهم حراج فيه كل شيء
وبعد ماقلت جوابي وريحت ضميري رحت علشان انام
ثاني يوم لقيت صورتي محطوطه بالجريدة ومكتوب تحتها ( ابراء ذمة )
وللحين عمري وصل عشرين وماادري وين راح جدي لايكون متزوج سورية علشان تقول له(0 تؤبرني )
وتقبلوا تحياتى
أخـــــتكم / ملحوسه الرياض ـ مصرقعه
سجل تجاري / تلقونها متسدحه مع قمر14في الهاف مون الدور الثانى بتحديد عند بدوووووورههههههههههههههههه
والله الموضوع من واسع خيالي
مواقع النشر (المفضلة)