الانسكاب و وضاح و سلمان .. هنا ..

[ALDAWSARI]

السلام عليكم ورحمة الله وبركاته

اخواني الغاليين اشكركم على كل اللي تبذلونه بالزيــن

وما منكم قصور إن شاء الله , لي طلب الله لا يهينكم

انا ابي اقسم الإداره , لكل شخص مهام خاصه ويا ليت كل واحد

يكتب التقسيم اللي يشوفه مناسب وانا بعد مثلكم بكتب

السبب : أنه بعض الاداريين يتفاجئ بوجود مشرف جديد او قرار جديد

لذلكـ اذا مثلا خصصنا ان تعيين الاشراف لـ فلان , بمجرد ان يتم دخول اي عضو

لقائمة الاشراف راح نعرف انه عن طريق فلان نفسه : )

اتمنى اشوف ردود المذكورين

::

الــقــلــب السهــران

[S a L M a N]

وعليكـم السـلام ورحمـة الله وبركـاته ..


إيه ياشيـخ من زمـان نبي هالترتيب .. وكل واحـد يمسك وظيفـه له

افضـل بكثيـرر ..


ومن نآحيـة الترتيب مدري كيف بقـولك .. بس بإعتقادي !


الإنسكاب : ما يحتـاج مسئول عن الكـل , بس إذا كان الدعـوه فيهـا عمـل بيفعلـه الإنسكاب وله مديـرهـ الخـاص , يكون الفعـل بعـد الأخـذ بالآراء والتشاور مع المسئول الخـاص

------------

وضــاح : اعتقـد وما شاء الله عليه وإسلوبه السلس والذرب يصلح للمنتـدى بأكملـه
من إيضاحات وتداخلات مع الأعضاء والتعـامل معهـم , من نآحيتي أنا فشـلـت أتعآمل مع الأعضاء :)

-----------

سلـمـان : عطـوه مكـان بعيـد عن التدخـل بالأعضاء لأني عصبـي وعلى قولة بعض النـاس متسـلـط , فـ ما اصلح أكـون للأعضاء عشان ما يزعلون مني بسم الله عليهم

-----------

القـلـب السهـران : لتركيب الصـُور والأوسمه والمسميات خخخخخخ

لا امزح معك ياخلفهم .. إنت الكـل بالكـل يالطيب

واعتقـد لو تكـون على ما إنت عليـه افضـل .. ما شاء الله مامنك قصـُور وشغلك تمام

القصور علينا وخاصه أنا ..


وتركيب المسميات والصـُور والأوسمـه , ما يحتـاج هذي علينـا كلنـا

نعيـن فيهـا ونعـاون , وما اعتقـد رآح تفـرق بينا تركيبها ..


يعني بإختصار < باين إنه مبتلش بالترتيب

الإنسكاب : مسئول عن كل شي والإداريين ( حنا ) وعنـد إتخـاذه لـ قرار يوجـد به إداري مختـص بهذا القـرار يأخذ العـلـم منه أولاً قبل عمـل إي شي

القلب السهـران : ما اشوف لك شي محدد , خـلك على ما إنت عليه
مداخـلاتك بـ كل شي دائماً تكـون جميـلـه ..

وضـاح : 75.000 عضـو تحت تصـرفه والأقسـام بمواضيعهـا , تعامل وضـاح مع الأعضاء جميـل وذرب
واشوف إنه افضـل منـي بـ كثيـرر وعشان كذا ماحطيت هالمهمه لي

سلـمـان : مالقيت لي وظيفـه معينـه أنا بكـون نـائب لكـم , إن لم تكونوا موجودين من غير شـر
واحتـاج الأمـر لـ وجود إداري ومافيه إلا أنـا تدخلت بالأمــرر

يعني إنتم ثبتـوا وأنا اشـوت :)


احس ترتيبي فيهآ إختلافات كثيـره .. ولكن مع الإختلافات سـوف نصـل لـ حــل بإذن الله

واتمنـى يكـون الحــل والإنتهـاء من التريب في القريب العـآجل ..


والله يعطيـك العافيـه القلب .. واعذروني على الإطاله

[ALDAWSARI]

سلمان شكرا على ردكـ

بس تصدق انكـ ما جبت شئ جديد :wink:

تدري اني اختلف معكـ في حاجه وهي

تركيب الصور والمسميات المفروض نخلي لها إداري واحد فقط

ولو تبون اكون المسؤول عنها ما عندي مانع

بس بمجرد اننا نحط هالاداري , راح يحط قوانين جديده لها

صور تكون لائقه ولو يبي يحط قياسات جديده لها مثلا

و المسميات ايضا تكون بالكثير 3 كلمات , البعض يحط بيت شعر !!

ما ودي مثلا انا اكون مسؤول عن التركيب والمسميات ثم ينوب عني احد منكم اذا ما كنت موجود

بالمنتدى , ودي يخلون الموضوع لين ادخل المنتدى وازينه بحكم اني المسؤول عن

هالوظيفة : ) ( الافضل ينوب عني اذا كنت موكله بحكم اني مسافر او بغيب كم يوم )

عن نفسي ما راح اغيب عن المنتدى بإذن الله اكثر من 24 ساعه

وايضا مو معناته يا شباب اننا لو حطينا واحد مننا للصور والمسميات انه ما له قيمه

بالعكس مثلا بـ شهر رمضان المسؤول عن الصور والمسميات سلمان وانا مثلا مسؤول عن

شغله ثانيه , بالشهر اللي بعده انا باخذ وظيفة سلمان وهو ياخذ وظيفتي

يعني ما راح نثبت الا لما نشوف ان الطرفين راضين عن شغلاتهم او بالاتفاق

الأهم من ذلكـ التواجد اليومي عشان اذا وكلنا لكل شخص وظيفة ما يعطل أحد

وللحديث بقيه : )

::

الــقــلــب السهــران

[S a L M a N]

يبـن الحـلال أدري إني ما جبـت شي جـديد

وكـان كـلامي استفتآحي للموضـوع وتشجيـع للـردود ..

زي ما إنت خآبر كثيـر موآضيع يحتـآج ردود الجميـع ماتلقـى إلا واحـد إثنين بالكثيـرر


وعشآن كذا بديت اخربط بهالكلمـات ..


وكـلامك جميـل جــداً ..

وماقصدت وظيفـة تركيب الصور والمسميات إنه مالقهـا قيمـه ..

إلاا هي أكبـر وظيفـه تعتبـر حالياً .. كم من موضوع يصيـر فيهـآ يومياً ..!؟

الأعضاء شغآلين .. هنـا تغيير صـُوره , وهنـا تغيير مسمـى وعلى قولتك بيت شعـر
وهنـا ركبـوا لي توقيع وهنـا , سـوء فهـم وأغـلاط كثيـره من البعض

إلا قسم الشكـآوي لحآله , يبيـله إداريين إلى ثـلاثه من زود المبالغـه يعني

هذا من نآحية الشكـاوي ..

ونرجـع للتـرتيب ..

من رأيي يالقلـب السهـران , إنه مع كتـابة موضـوعك تكتب ترتيب لنـا

ونتنـاقش ونعـدل إن كـان فيه مناقشات وتعـديلات ..

صـراحه إنتم أبخـص مني بأمـور كثيـره .. ولا أشوف إني أهل لترتيبكم وإنتم الأولـى مني


وفي إنتـظـآر إي رد من أجـل المناقشه في الأمــرر :)

[وضـاح]

وعليكم السلام ورحمة الله وبركاته ..

القلب الطريقه حلوه .. لكن التقسيم مأيده ..

وانا موافق على المكان اللي اكون فيه .. ولكن ماكون بالنشره ولا تركيب الصور ..

والسبب لوحة التحكم لااجيدها بمواضيع النشره .. والصور بعض الاحيان لايوجد لدي بالجهاز اللي استخدمه فوتو .. ..


القلب عندي نقطـه لم تتكلم عنها ..


بنت نجد ماهي وظيفتها .. خصوصاً ان الاقسام الادبيه لا نجيدها كلها .. اعتقد ان الحوراء هي الاجدار بذالك ..


لي عوده