ماتقدر تترك التدخين ؟ تعال اذا قي راسك حب ماطحن بشرط اخليك تتركـه

[][خجووول][]

السلآم عليكم ورحمة الله وبركاته


اخواني .. اسعد الله اوقاتكم بكل خير


انت ياللي تشرب التتن (( الدخآن))


سألتك بالله تستفيد منه ؟

صح وقت الطفش يلعب بمخك ابليس

ويقولك يارجآل خذ لك زقاره تمخمخك وتكيفك

وانت مع الخيل ياشقرا


طلعت البكت من مخباتك وشبيت لك زقاره ...

وجريتهـآ وكنيتهــآ ونفختهـآ وقعدت تطالـع في الدخان وهو يطلع من فوق راســك

مبسوووووووووووووووووووط:173[1]:


اخس قسم بالله انك رجآل

تعجبني ياشيــخ


زمآن كنت اقول ودي اصير مدخن زي اخوي الكبير

ليــه لاني ذيك الايام بزر :boy_s02:

ماعرف الصح من الغلط

اقول اذا دخلت المتوسط بشرب الدخآن
عشان العيال يقولون لي رجآل

كنت احسب الرجوله بشرب الدخآن

طيب انت الحين كم عمرك ؟

اتركك من كلآم عادل كان صغير


الحين شووف كم عمرك

من 17 الى 28

صــح

ويمكن اكبر بعد


تخيل معــي ؟؟


الحين نظرة اللي مايدخنون لك ايــش ؟

وش راح تكون نظرة اللي مايدخــن ويشوفك انت وفي ايدك زقاره

تعرف

يشوفونك ناقص عقل .. جاهل (( ورع)) .. قليل ادب .. ماتحترم اللي قدآمك

ماتربيت على السنــع .. وكلمات اكرمكم عن ذكرهــآ << ترضاها على نفسك ؟


ليــش !!










لانك ما استحيت من الله سبحانه وهو اعطاك أمانه

قلبك رئتك صحتك بالكامل


طيب فرصتك ياللي تدخن او تشيش

اتركه برمضان

وربي تشوفون السعاده

لا كحه ولا اكسوجين مدري شسمه البخاخ اللتي كل اشوي مطلعه من مخباتك تش تش في اثمك

_____________________________

بتقولي مقدر اتركــه


انت حط لك تاريخ معين

1/9 ان شاء الله بترك التدخين

وصلح تحدي مع نفســـك

ياتغلبها وتتركه ياتغلبك وترجع مغفل وتدخــن

اذا انت رجاااااااااااااال بمعنى الكلمه

كسر البكت من الحين

اتحدااك انت ويااهـ

اذا في روسكم رجولــه اتركووه << دأخل بيهاوش ههههههههههه



صدقووني رمضان فرصتكــم


والله واحد من العيال تركه برمضان العام

وقبله اثنين

وواحد تركه اجباري لانه اختار صحته

رئته شبه متعطلــه والسبب ذا الزقاره اللي تشربونهــآ


مشاء الله عليهــم


فكرو بعقل

تعوذو من الشيطآن

اقسم بالله هذا دمآر شامل

اولا لمالك

ثاني
صحتك

ثالثا
اهلك ومن حولك

تخيل
واحد اعرفه

اقسم بالله عمره

5 سنوات قريب لــي

مريض من الدخان بسبب ابووه الله يهديــه


شووف نفس بريئه تأثرت من التدخين واهي مالها ذنب

ليش لان ابوه الله يهديه مدخن


انت تبي تضر امك

اخوك

اختك

صديقك

قريبك

الناس بكبرهــآ


بتقول انصح اخوك

انصح قريبـك

ماخلينـآ شيء

نصحنا وان شاء الله ربي يهديهــم

لكن انا حبيت اوضح لكــم



بالتحدي والعزيمــه

تتغلب على التدخين


لا تقولي بروح اسحب النوكتين

ولا بشرب مويه واشغل نفسي بالحلوى والعلتس

وامارس الرياضه ومدري ايــش

لا تضحك على نفسك ياشيــخ

أنـــــــــــت

يالله بالله

تاكل لك تمره وسمبوسه

وتنطلق قبل الإقامه تقبع لك زقارتين

من كثر لهفتك للتدخين تشووف الريااض كله غبااار المدخنين ههههههههههههه

عــقــلــك بـــراســـــــــــك وتــعــرف خــلآصـــــك


ع العموم

يارب انكم تتقبلون النصيحه بصدر رحــب .. وعسى الله ينفع بهــآ .. للي معآه عقــل



تكفووووووووون نخيتكم .. بطلو تدخيــن



تكفى ترآ تكفى تهز الرجآجيل ... ولولآ ضروف الوقت ماقلت تكفــى


الحق على نفسك لاتضيع فرصتك برمضان





وياريت ياللي تدخن

تصوت بالتصويت

بشوف كم نسبة المدخنين في منتدى الزين

[غلا الزين]

خجوول

يسلم راسك

كلامك عال العال

والله كبرت في عيني يوم تقول ما ادخن

انا مدري وش يستفيدوون

غير النقد والاستحقار والمرض

لاحول ولاقوة الا بالله

اسال الله لهم الهدايه

تقبل تواجدي

غلاوي

[(اختصار)]

تسلم يمينك وجزاك الله خيراً على الطرح التذكيري والأرشادي والذي اجدك به ِ ناصح وصادق .

اخي الفاضل .. التدخين مافيه شك أنه آفه وبداياته دلع ومن ثم ولع
وأعتقد من يدرك مامضارهُ وتقرب بنيه صادقه لله عز وجل . لايجد اعاقه بتركه .

وسأل مجرب ولاتسال طبيب .


تحياتي لك المحمله بالكادي

[غزال ومـا يصيدونـه]

.

.

المدخن عمومـاً يحـاول اثبات رجولتـه بالدخان عشـان شىء ناقص فيـه


واستغـرب من اللي يقولـون ان التدخيـن إدمـان ....!!


لإنهـم شهر رمضان يتركـون الدخان طـول النهـار ومـايظهـر عليهـم


بـوادر إدمـان .. يعنـي مـاعندهم سالفـه ..!


والمراهـق يمكـن نلقى لـه عـذر لانـه يستخدمـه رغبـة في التجربـه والشعـور بالرجولـه


لكـن الشخـص الكبيـر العاقـل المسـؤول عن بيتـه واسرتـه هـذا شنـو عـذرهـ ....!!


هل هـو قلة ايمـان أو ضعـف في شخصيتـه ..؟!


ولـو الشخـص يفكـر شـوي بعقلـه وشـو الدخـان غيـر انـه خسـاره في المـال والنفـس


يخسـر مالـه ويهلك جسمـه غيـر الرائحـه الكريهـه المصاحبـه لـ هالشخـص ..!!


وياليتـه لو يناظـر في نفسـه في المرايـه وهـو يدخـن مـايخجـل من نفسـه ..!!



قال تعالى ( ولا تلقـوا بأيديكـم الى التهلكـه )


هـذا دليـل على ان الدخـان موت بطـىء ويعتبـر صاحبـه منتحـر ومصيـره النـار


وبـ كـذا يكـون يخسـر دنيتـه واخرتـه ..!!


اللـه يصلـح حال شبابنـا ويحفظهـم من شـرور انفسهـم


يعطيـك العافيـه

[ملكة الذوق]

::

::


الدخــآن آفـــــــه..

منتشره بكثره..

خاصه بين المراهقين..

لكن كيف يثبت رجولته بدآء..

وللأسف يثبت رجولته بهــــــــــذٍه الطريقه ويحاول التخفي عن الأهل والأعيــــــآن..

لأنه يعلم بأنه على خطأ..

ولو أنها رجوله فعلاً..

لوجدنا كل رجل يضع بين اصبعيه ذلك الدخان..

فليجلس الشخص بينه وبين نفسه..

ليجد ان الدخان بلآء يؤثر على الماديه بشكل كبير..

ومضر للصحه البدنيه والنفسيه..

والمدخن تـُــنبذ راحته من قِــبل مجموعه كبيره من الناس..

إذن..

ماذا.. جنى من هذا السم الفــآسد..

فهو يضعف الإراده..

ويشتت التركيز..

::

خجول..

موضوع رائع..

ونصائح قيمــّـه..

عسى ان يكون خير لكل مدخن ليبادر في ترك التدخين..

ودمت بطيب..

::

::