غلط البنت غييير غلط الشاب ليييييه ؟؟؟

**درة الزين** · 03-09-2007, 01:22 PM

السلام عليكم ورحمة الله وبركاته...

أسعد الله أوقاتكم بكل خير...

البنت اذا غلطت غير الشاب اذا غلط ... لماذا ومالفرق ؟؟؟

منذ زمن وفي ذهني نفس السؤال يتردد بين الحين والاخر وتتردد صدى اجابات كثيره لهذا السؤال ولكن أظل لاأعلم الاجابه الصحيحه فالفتاه والشاب يتساوون في أشياء كثيره مو كل
الامور فقط البعض منها ولكن اذا جينا عند الغلط نجد ان الطرفين مشتركين فيه وكلا الطرفين
المفروض يتحملون نتائج هالغلط وعواقبه ولكن ..أقف هنا حائره لأرى عكس ذلك
فأغلب الناس يعتقدون ان غلط البنت أكبر بحكم سمعتها وشرفها طيب مااختلفنا لكن الشاب
ماله سمعه وشرف مو المفروض يتحمل جزء من المسؤؤليه مثله مثل البنت ؟؟
كثيييير من شبابنا يردد هالمقوله غلط البنت غييييييييييير ...
ماأدري اذا كانت هالمقوله أصبحت بمثابة المثل اللي يتداول بين المجالس يعني فلان قال واحنا نقول وراه <<ورا الخيل ياشقرا...ولا عدم تحمل للمسؤليه...!!!

أرجع لنقطة البدايه والاقي نفسي أرجع وأسأل نفس السؤال ...

غلط البنت غييير غلط الشاب ليييييه ؟؟؟

أتمنى أشوف ارائكم وأجوبتكم يمكن الاقي الجواب الحقيقي ...

**الأمـــاكن** · 03-09-2007, 02:05 PM

وعليـكـم الســلآم ورحــمـه اللــه وبــركاتــه

الغــلـط غــلـط مـا فيــه خــلآف ..

لكن في القضــايـآ الكُبرى وامثلتها كـثـيـر برأيي ان غــلط البنــت يـكون أقــوى

ليــس محصور علـى الـعـرب أو الخـليـجيـيـن فـقـط هــذا التشــدد

بـل في جميــع انحــاء العــالم ومـن جميــع الحضــارات

لآن وضــع البنــت حســاس اكثـر من وضــع الــولــد .. واظن اننا مُقـتنعيـن بـ هــذا

اتمنـى وصـل لـكِ مـا أقصــده

دمتِ بخير

$222

**غزال ومـا يصيدونـه** · 03-09-2007, 03:59 PM

في الاسـلام الغلـط مافيـه بنت أو ولـد ويحاسب الشخـص على حجـم الغلـط

لكـن طبيعـة مجتمعاتنـا العربيـه وبالاخـص الخليجيـه تحكمنـا العادات والتقاليـد

للاسـف البنت ماتعـذر في خطاهـا بعكـس الولـد يظـل رجـال مايعيبـه شي مهمـا صدر منـه

يمكـن لإن البنت يخافـون انهـا اذا غلطت مـافيـه احـد راح يقبـل فيهـا ويتزوجهـا

بعكـس الولـد لإنـه حتى لـو غلـط وفرضنـا مااحد رضـى يزوجـه

بيسافـر وبيلقـى بدل الوحدهـ الف تقبـل فيـه لكـن البنت بتظـل سجينـة بـ بيت اهلهـا

والسبب أن البنت في نظـرهـم غلطتهـا وصمـة عـار لهـا ولإهلهـا

والولـد غلطتـه يعتبرونهـا مراهقـه أو طيـش شبـاب

يعني المشكلـه بالاخـر مشكلة عقوول وفكـر

**twix** · 03-09-2007, 04:01 PM

لأن البنت ماعاشت بـ مجتمع " انثوي " او ع الاقل مجتمع " متعادل " !

بعكس الشاب اللي المجتمع اللي حوله " ذكوري " .

واتوقع لـ تكرار مثل هـ الكلام له دور بتصديق كثيرين لهالشي

.
عساك ِ ع القوه

**dana ahmed ali** · 03-09-2007, 04:01 PM

مرحبا

إهو فعلا غلط البنت غير وممكن يكون أكبر من الرجل ، بس هذا الغلط اللي إحنا نتكلم عنه يعتبر غلط واحد عند رب العالمبن سواء للرجل أو المرأة والله سبحانه و تعالى حط له عقاب في الدنيا وعقاب في الآخرة أكبر إلا إذا تاب والله تعالى يغفر الذنوب كما يشاء وأيا كانت من رحمته ...

...( وللأسف إن هذي الرحمه مو موجودة عند البشر) ...

يعني إذا طالعنا عدل لقينا إن غلط البنت مو غير عن غلط الرجل .. هذا من منظور الغلطة الكبرى والله يبعدنا ويبعدكم عنها واللي محد يرضى فيها أبدا للبنت أما الرجل ممكن إحنا نتقبلها في الدنيا لأنه رجل فقط أما إثمها في الآخرة ترى ماراح يروح أبدا أبدا أبدا .. وممكن الرجل ما ينفضح عند أهلة أو زوجتة بس عند ربه سبحانه عالم بكل شيء .. هذا من منظور الغلطة الكبري وأتمنى المفهوم يوصل صح ..

... ولكن المسألة مسألة أخلاق وسمعة وتربية ...إهنيي لازم الواحد ما يفرق ولا يقول غير لأن الأخلاق والتربية لازم تكون عند كلا الطرفين .. بس إحنا اللي طلعنا قانون ( المرة غير والريال غير ).....

وفي حالة الزوج أو الأخ اللي يرضي على نفسة بكل شيء الصح والغلط ولمرة ومرتين وعشرين ويمكن إخته أو زوجته تسامحة ، وتسامحة ، ولما يجي الوقت اللي ممكن إهية تغلط فيه غلط واحد وبسيط ويعاقبها ويذلها فيه ولما تيي تذكره بأغلاطه يقولها ( الريال غير والمرة غير ) إهني الغلط وإهني الرجل لازم يسامح ويتفاهم ويصحة لنفسة لأن ( مو غيييييير ) ...

وتقبلوا مروري

والسلام ختام

:168[1]: