.....ودي اصير بنت ....
السلام عليكم
ياخي ياازين الواحد اذا كان توه صااحي وشبعان نوم ولا قااعد يسف عصير باايسن ياخي والله لو انه غبي راح يطلع موضوع صرقعاوي هههه, وانا عاد ودي اطلع موضوع صرقعاوي جاء كذا في راسي
هيا بنا<<<<< مسوي فيها كابتن راابح ههه
طبعا بتكلم وانا كأني بنت بشوف اطلعي رومسنيه ولا لا ههههه
صرحتن الموضوع ذا مدري وش يبي بس انا في يومن من الايام غازلت اشين واحد تلفونين <<< ابوك يالاملاء التي تسذا
وبعرض السواليف بيني وبينه طرت لي فوكرة عن موضوع تسذا الظاهر انه يعرفه
بس قلت خلني احور الموضوع ولا ينحرق علي تسذاتا ببلاش
وبينما انا اغازله طرت ببالي فكرة .... يعني شفت
حالنا يالتماسيح وحال البنات بعد وانا لعبتها بمخي تمنيت اني بنت تبي تقولون ليش صوح؟ انا اعلمكم دوكم
.................................................. .................................................. ................
تولدني امي وانا بزر <<< ياشيخ اجل بتالدك ويتغطن عنك الحريم بالمستشفى؟؟
همين تجي السورية زميلت امي بالغرفه تذن باذني عشان اغدي مطوعه وتقيم باذني الثانية
خخخخخخخخخخ همين يصلون على بطني
لاجد من يوم انا بزر(( عمري 5 سنوات )) واصير مدلعه لامني بغيت شي اقعد اصيح ويعطونني اياه ... مهوب مثل هالتماسيح لا بغى شي وقعد يصيح عند اخوه الكبير رجفه والاه متدربي تقل كورة قدم امريكية وصايرن ستيكر بالجدار
ولاكبرت (( عمري 10 سنين ))صارت مي تلعب بشعري وتجدلني واروح العب مع البنت بالحوش ... صبحكم بالخير يالعمال لعمالية ... وذيتس الثانية ايه صح انا الذيب باكلكم انا الام بحميكم ومحد يقول لنا وش تسوون .... اما التماسيح العيال ... يبي يجلد ويقال له انقلع تلعب من بنات ياقليل الحياء ... لا وتتسانه بالقصيم بعد بيخلونه يصب الشاهي والقهوه للشيبان ابووووك يالاضطهاد :معصب( معاناااااااتي ))
اكبر (( عمري 18 سنه )) اصير حلوه <<< يعني شرط تصير حلوه ماتصير فقمه خخخخخخخ
اطلع اتمشى بالاسواق .... ولا القى اللافتة المشهورة (( ممنوع دخول العزاب )) يعني ماهنا مكان بالدنيا يقولون لي ممنوع تدخلينها غير بعض المقاهي بلرياض ومن تالي ماصار بوه مكان يقولون به ممنوع دخول البنات ... اطلع للمملكه .. العب علىا لمطافيق الي يلاحقوننا اروح كل يوم طالعه شاريتن فصطان او تنورة او بلوزة بالمبلغ الفلاني ومن ماركه فلانية ... وان بغينا نطلع للشرقية نروح للراشد ونستهبل (( ابد ذي هن سوايا بناتنا الله يخلف بالديرة مهنا ازين منهن بس خل يطلعن ... عويذ الله من شرهن تقول بنات ابليس بالارض )) خخخخخخخخخخخخ ارقم لي واحد مملوح
اشترط عليه يسدد فاتورتي تسانه دلخ العب عليه واخليه يسددها ...اخليه يتكلف بالمبلغ الفلاني ولعلاني عشان سواد عيوني وانا لاعبتن عليه يقالي احبه ... وهو لازقن بحلدزي (( بحلقي )) .... همين لامنه ضاق صدري حولت على واحدن ثاني ...طلباتي بالبيت مستجابة .... ولاهنا شغل بالبيت ماغير نوم ودخله انترنت والتلفزيون .. لان الشغالة طال عمرها موجوده وانا ملي شغل باشغال البيت
اكبر شوي (( عمري 20 )) اكيد انا دافورة وابدخل الجامعة او التخصص الي ابيه... وذلك بعون الله ثم بواسطات ابوي طال عمره اروح للكلية الصبح ... بعد ما اقوم القى فطوري جاهز افطر اخذ من امي قروش واروح مع ابوي واخذ منه قروش ... او اروح مع السواق ... يعني ما اشيل هم اني اعاير زيت السيارة وزيت الفرامل وماء الرديتر همين اشغل السيارة واخليه تحتمي ....اروح للكلية ... يصير اغلب المواد الي يدرسوننا دكاترة يعني رجال يعني شبكه ... يعني نوم محد بيصارخ عليك ويطردك ويحرمك من المادة .... اطلع من الكلية الساعة 2,30 بالكثير الظهر القى لسواق ينتظرني ومشغل المكيف والجو باااارد يعني ما اقعد لي ربع ساعه انتظر المكيف يبرد والجو حار وانواع العرق والرييحه ... ولا انتظر فلان يقردن الدكتور يسمح له يغيب باتسر لانه ان غاب بتسر بدون عذر بايخذ حرمان ولا اشيل هم السيارة تبي تقطع بنزين الحين همين ندكها كعابي ..... روح للبيت القى الغداء جاهز افدع بالغداء اليما املا كريشتي واروح انام .... اقوم العصر اتمشى انا ورهام وساره وغاده والبنات مع سواق لميس ندج بالاسواق ونغازل ونرقم واخرتها نرجع تعبانين ... ادق على خالد بالليل او نواف واسولف معه كل الليل ماينقطع جوالي ... تدرون ليش؟.... لان الوالد متكفل بسداده مهما توصل الفاتورة ... مهوب كل شهرين اشيل هم هالالف او سبعميه ريال فاتورة الجوال من وين لي والمكافأه ماتهمني جت او لا يعني بالصريح قروشي من ابوي مالي حاجه بالمكأفأه الي تمن علينا بها الرئاسة سابقن خخخخخخخخ حلوه سابقن نيأأأأأأه
اكبر شوي بعد (( عمري الحين الي 25 )) ... اصير متوظفه وان ماتوظفت مالي حاجه .... ابوي ملزوم بي .... ويصيرون الخطاب على بيتنا تقل ذباب على خليه نحل ....وانا اتغلى ادور اوسمهم ... واعلمهم ... واكثرهم فلوس ... ولابغى يعرس علي هالمسكين يعني قبلت به ... الله يعينه على مطالبي ... ابي بيت لي ... ومهري 120 تسانها مهيب 150 الف ... ايه منيب مدرسة او دكتورة ... وكاني توي ماتوظفت ابد 70 الف وشوية ... وعشرة الالف لامي وعشرة لابوي ويحط لي كم الف بالبنك... غير ان الشغالة تدخل قدامي البيت والسواق يكون له سيارة خاصه فيه .... واطلب لي جهاز لاب توب لي انا خااااص ....وشتراك انترنت dsl وكل اسبوع اسوي عزيمه بالبيت لخوياتي الآنف ذكرهن (( خخخخخخخخ حلوه ذا ا لمفرده معين طلعت مني مدري )) .... ويكون البيت ملك ويكون بأرقى احياء الرياض .. همين كل عطله نروح برى العالم العربي ... وبالعطل القصيرة نتمشى داخل الخليج العربي (( ولاتستغربون لو طلبت انه يستأجر لي صاروخ نروح به للقمر ودي اشوفه ))....وكل اسبوع يوديني لامي او تجي تمرح (( تنام بالقصيمي :d)) عندنا الويك اند (( هذي مقصله الشباب من تالي هههههههههه ))
مع ان بعض العجز امهات الحريم يحبهن القلب مرةةةة .
<<<<<<< خلص الباايسن ههههه
اجل خلاص ماعاد مكمل ههههه<<<< احتكاار
يالا انشالله تعجبكم القصه
انتااج سعودي وايلي
مواقع النشر (المفضلة)