سالفة عاشق !!
[align=justify]مساء الخير .... طبعا هذي قصيده للشاعر المبدع فهد المساعد بإسم سالفة عاشق
اتمنى ان تنال اعجباكم ....
من بغى الفرقا لقى له عذر وأسباب ودليل .. خل عنك العذر والأسباب دام الحب ضـــااع
كان ودك بالفراق أبشر عسى عمرك طويل .. لاتردد وأنت لك كلمه ولك أمر مطـــــــااع
لي عليك انك تبت (بكلمه) تشفي الغليل .. ولك علي اني لأوقف وقفة الشخص الشجااع
لاتجاملني مخافة قال مدري خوف قيل .. عمر هرج الناس مايسمن ولايغني جيـــــــااع
كان قصدك سر حبك اوعدك لأصبح بخيل .. واحمل اسرارك معي للموت قدر المستطاع
بس قلها قل ما أحبك وأبشر بصبر (ن) جميل .. لاتحسب أني مثل من طبعهم لوي الذراع
صاحبك ماهو كذا ياصاحب القد النحيل .. صاحبك طبعه غريب وغربته غربة طبــــــــااع
فـ .. الهوى مايقبل الحل الوسط ولا القليل .. مثل ماهو لاشرى يشري ولا من (باع..باع)
ثابت لوهي تميل الأرض حدره مايميل .. يدري أن الفقر ماهو عيب والدنيا متـــــــــــااع
ماعشق لذة حياته كثر عشق المستحيل .. ولاكره حتى مماته كثر كره الأنصيــــــــــااع
كم تعلم من حياة البدو وش معنى رحيل .. وكم تعلم من غروب الشمس وش معنى الودااع
وكم تعلم من سحاب الصيف وش معنى الحصيل .. وكم تعلم من ليال البرد وش معنى الضياع
إيه انا هذا طريقي موحش وصعب وطويل .. وانت لامنك تعبت العالم فجوجه وســــــــااع
أعتبرني في بداية سكتك عابر سبيل .. وروح وأنا وقلبي معك من وين وجهت الشـراع
يكفي اني لاذكرت بسالفة عشاق قيل .. (( عاشر أحبابه شجاع .. وفارق أحبابه شجاع ))[/align]
مواقع النشر (المفضلة)