التصوير النسائي .. حفظ للذكريات .. أم تجارهـ بـ الأعراض ..؟!
التصويـر النسائـي ..؟!
حفـظ للذكريـات .. أم تجـارهـ بـ الأعـراض .. ؟!
مشهـــد .. !
على اليميـن شـوي
حطـي ايدينك على خصـرك
ابتسمـي اكثـر .. اكثـر
ميلي للخلـف
و ....... تشيـك ..!
صـوت الكاميـرا .. الاضـواء الساطعـه .. الثلـج الصناعـي
خلفيـات البحـر .. وآخـرى متنوعـه .. وبعـد ايام تستلـم صورهـ لـ فتـاهـ ..!
قصـه .. !
رحت مع بنات اخـوي لإستوديـو تصويـر نسائـي بالريـاض معروف وذي سمعـه
تمتلكـه امرأهـ لبنانيـه وتقـوم بالعمـل فيـه عامـلات آسيويـات ..!
حجـزت للطفلتيـن ومن ثـم اتجهـت مـع العاملـه لـ الدور العلـوي اللي توجـد فيـه
غرفـة التصويـر .. المكـان غيـر مريـح لإنـه معـزول عن باقـي الإستوديـو ..!!
دخلت غرفـة التصويـر .. المصـورهـ آسيويـه شكلهـا يوحـي بالشـك ..!
لبسهـا من ماركـه رجاليـه معروفـه .. سيجارتهـا مـاتفارقهـا ..!!
تضـع مفاتيـح كثيـرهـ على خصرهـا .. تربـط شعرهـا المقصـوص
بربـاط عليـه صـورهـ مريبـه ..!!
قاومـت رغبتـي بالخروج عشـان خاطـر الطفلتيـن وعشـان افتـك من حنتهـم
سألتهـا عن انـواع التصويـر ..؟!
فأشـارت لـ جهـاز كمبيوتـر موجـود في زوايـه من زوايـا الغرفـه ..!
شاهـدت في الجهـاز شيء مـا كنت اتوقعـه او ممكـن يخطـر على البـال ..!!
مئـات من صـور البنـات والاطفـال والنسـاء ( اشكـال والـوان )
بدأت المصـورهـ بالكلام بمنتهـى البـرود ..!!
هـذا التصويـر الامريكـي .. وهـذا التصويـر الدخانـي .. وهـذا ......
قلت لهـا .. لحظـه ..لحظـه .. وسألتهـا ...؟!
ليـش تعرضيـن صـور البنـات هـذي مـووب خصوصيـه ..؟!
مـاردت علي بل اكتفـت بـ نظـرهـ بـاردهـ واكملـت تصفـح الصـور
اغـلب البنـات في الصـور يرتـدون ملابـس تكشـف اكثـر من مـا تستـر ..!
وكلهـم بنـات سعوديـات من واقـع الصـور وعلى حسـب كلام المصـورهـ
ان اغلب الـزوار طالبات وبنـات من بين 15 _ 25 سنـه ..!
للاسـف وضعـوا ثقتهـم في هالاستوديـو اللي تقـوم عليـه عاملـه كهـذهـ ..!
تستعـرض صورهـم لجميـع الـزوار وبـدون ادنـى تحفـظ ..!!
والغـريب ليـش تحتفـظ بالصـور اصـلا على الجهـاز ...!
المريـع والمخيـف في القصـه وقت قـررت اختبـر المصـورهـ
اتبعـت اسلـوب ثانـي عشـان اعـرف وش هـدف العاملـه من مشاهدتي للصـور
وهـي تقـدر شـرح فكـرة التصويـر بسهولـه بـدون اللجـوء للصـور ..؟!
قلت لهـا : تحفظيـن الصـور على الجهـاز أو سيديات ..؟
قالت : فيـه بعضهـا موجودهـ بالجهـاز والبعـض في سيديات
ناظـرت فيهـا وانـا ابتسـم وقلت لهـا :
اعطيـك 500 ريـال ثمـن لـ السي دي الواحـد وش رأيك ..؟!
ناظـرت فينـي بغضـب ولـ الأمانـه فرحـت لغضبهـا ورفضهـا
عقبهـا تعذرت لهـا بإنـي احتـرت بأي خلفيـه أو وضـع اصـور
الطفلتيـن وان الافضـل امهـم هي اللي تقـرر ووعدتهـا انـه
بنرجـع باكـر مـع ام الطفلتيـن وتركت العربون مثـل ماهـو
مااخذتـه عشـان مـا تشـك فيني وعقب ماجيت بطلـع ..!
قالت لي المصـورهـ :
جيبـي 1000 ريـال واخـذي السـي دي ..!!!
طلعـت من الإستوديـو بحالـة ذهـول وصدمـه من اللي شفتـه بداخلـه ...؟!
وبـ راسي الف سؤال .. وسؤال .. وش الحـل .. وشلـوون اتصـرف .. ؟!
وقفــه ..!
لـو فرضنـا أن جهـاز احـد هذي المشاغـل النسائيـه تعطـل وقامـوا بتسليمـه
لـ احـد المهندسيـن لإصالحـه .. كـم من الصـور سيشاهـد ..؟!
وهـل فعـلا راح يكتفـي بالمشاهـدهـ فقـط ..؟!!
تسـاؤلات ..؟!
_ هـل من حـل لمثـل هذي الانتهاكـات ...؟
_ شلـوون نضمـن المحافظـه على ذكرياتنـا الجميلـه وبنفـس الوقت ايجـاد حـل
يشعرنـا بالامـان وعـدم الخـوف من انتشـار الصـور ...؟
_ هـل من حـل يضمـن اننـا ماراح يـوم نلقـى صورنـا على صفحـات الانترنت أو مقاطـع بلوتوثيـه ...؟
ويظـل السـؤال الاهـم ..
_ هـل التصويـر النسائـي حفـظ للذكريـات .. أم تجـارهـ بـ الأعـراض ...؟
: : : :
الموضـوع ناقلتـه من مجلـة ( حيـاه ) للفتيـات
العدد ( 87 ) رجب 1428 هـ
مـع بعـض التعديلات في الإسلـوب والطـرح لخدمـة الموضـوع
غزال ومـا يصيدونـه
مواقع النشر (المفضلة)