ذكريااااااات لا تنسى
اول يووم دراسي
مازال محفوظ بالذاكرة لا يمكن انساه
نمت بالليل بدري وجنبي الشنطه ريحتها جديده و(القبه)البيضاء والشريطة
والمريول معلق يلق وش حلوووه
مير ذيك الليلة مانمت انتظر الصبح >>>>ياطووول الليل
اول عصفور طلع من بيته قمت معه :173[1]:
كلي نشاط وحيوية فرحانه فرح مايعلم به الا الله
واصلي والبس وامي الله يحفظها فوق راسي تعالي افطري
رحت اكل بسرعه واشيل الشنطة الفاضيه وما نسيت المطاااارة
حاطتها بالفريزر من امس
ويوم اجي اطلع وامي تقووول اصبري بالبس عباتي اوصلك
وصلت المدرسة ومن دخلت ويتغير وجهي
وش هالاواااادم يا كثرهم !!!!!!!!
واجلس على اقرب بلوكه وبنات خلق الله متجمهرين في ساااحة طويلة عريضة
ولا اسمع الا هالنغماااااات الرنانه من البكاء والشهااااااق
واقوم اقهرهم واطالع لهم بعين ثم التفت لامي بفرح ومكر
شوي الا المدرسة العلة تقووول لامي ( يالله ياخاله معليش توكلي)
وتمشي امي بدون احم ولا دستوور
اناظر لها ابي امسك يدها ما فيه فايده
واشوف طيف امي من بعيد عرفت ان الدعوة جد مو مزح
قلت يابنت وش رايك تجربين نغمتك وتسمعيها هالناس اللي حولك يمكن ينشغلووون
صحت .........وش صحت اجرمت بالصياح بس بصوت واطي والدموع طفشت مني ما مليت!!!!!
ثم دخلنا الفصل ومن زود السناااعه جلست ورا
محد شافني
شوي وتطل المدرسة قالت ياحلووة تعالي هنا يا ماما
فرحت احد دلعني
طول اليوم محد قلب لي وجه
وانط قدااااااام واصير جنبها قالت وش اسمك ؟؟
قلت .....زمن >>>>>>من زوووووود الخراااط
قالت عندك انشووده؟؟
قلت ايه
وياليتها ما طلبت الانشوووده
ما عرف اناشيد قمت اسولف بتلحين
لين صدع راسها
ثم قالت خلاااااااااااااااااااص
اجلسي ...حتى حبيبتي الاول ماعاد قالتها
انطقيت مكاني
يوم تجي الفسحة افتح الشنطة ما لقيتها
قعدت اصيح
قالت الابله : وش فيك؟
قلت : نسيت فسحتي ؟؟؟؟
قالت : ولا يهمك حبيبتي سوت لي هالسندوتش الى الان اذكره
واعطتني ميرندااااا برتقال:173[1]:
فرحت كثير واكلت
عقب يوم تجي الطلعة الله لا يوريكم
كل يبي يهج من هالسجن
ويركضوووون كلهم للباب واطيح تحتهم ويوطوني برجولهم
شفت الموووت
قلت الشرهة مب عليكم على اللي يبي يدرس عندكم
وصلت البيت وانا في حالة يرثى لها مثل العصفورة المنتوف ريشها
وانا طالعة منه مثل العصفورة اللي مومنتوف ريشها؟؟؟؟؟
عقب امي تحمدت على سلامتي وصارت ملازمه لي في الروحه والجيه
ولم اصب بأي اضرار ولله الحمد
ومازالت هذه المدرسة موجوووده وبعض معلماتها موجودااات
اتمنى انكم استمتعتوا بقصتي
ملااااااااحظة : حذفت مقاطع من القصة لطفا باصحاب القلوووب المرهفة
مواقع النشر (المفضلة)