..][..تكدر جريح ينقل الحزن ..والكتمان ..][..
[poem=font="Simplified Arabic,5,black,normal,normal" bkcolor="transparent" bkimage="backgrounds/18.gif" border="double,4,black" type=2 line=0 align=center use=ex num="0,black"]
تكدر جريح ينقل الحزن ..والكتمان=عقب ماعجز لا يظهر الغيظ بلسانه
بغى الكلمه اللي تظهر الحق والبرهان=بغى يعاتب اللي ضيع العمر من شانه
بغى وعجز لايشرح عن الزود والنقصان=تلعثم لسان ضيع الهرج ..ماعانه
وقف ما شرح ومن الحيا سابح غرقان=تعاقد على غلطات الايام حجانه
على من لها كل الغلا وصادق الوجدان=تبخر بهيبتها الخطا وضاع برهانه
عقب ما اوقفت احبسي عبره الحيران=شوفيني غشيم طفح الكيل ميزانه
تعالي ..وقفت تطلب البعد والهجران=وانا بلحظه فيها التعابير خوانه
الى صار مديون الخطا يطالب الديان=اجل شرهتي مع زعلتي مالها خانه
خطايا الغرام الموجعه مالها نسيان=مؤكد بتبقى جمره الشوق حيرانه
معك حق عمر العاطفه ما اصبحت ميزان=معك حق لاخليت من العقل .. خسرانه
معك حق مخطي واعترف لك انا الغلطان=محد ياقف مجرد قدم عين عدوانه
قبلت النتيجه واعترف خاسرك خسران=ولكن جريحك طابع الصدق عنوانه
ابا اقول كلمه واتركي موادع الخلان=علي شي ما انتي بحاسبه قبل حسبانه
تغطي عن عيون الملاقيف والحسدان=مدامك على تلعات الارقاب .. سلطانه
انا يوم شفتك ساجد شكر للرحمن=اطالعك واطلب يالله العفو غفرانه
ابي رحمته عن فتنتك واطلب السلوان=جمالك على مثلي من الصعب نسيانه
خرجتي عن التوصيف والهرج والحسبان=ماهو زين .. بس اللي تماريك غلطانه
مجرد حقايق نطلب العفو والغفران=صحى القلب والا جعله يزيد حرمانه
تقوم القيامه ماتوددت لاي انســــــــــان=شموخ الكرامه مركب وصرت ربانه
انا ما انكر انه لاوي ذراعي الحرمان=ولكن اموت ولا اذكر النفس منهانه[/poem]
...........
منقول
رد مع اقتباس
مواقع النشر (المفضلة)