[poem=font="Simplified Arabic,5,teal,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أستاذنـك بسـافـر أيــام واجـيـك=وان طالـت ايـام السفـر لا تحـاتـي
حتـى و لـو طولـت مانـي مخلـيـك=ياللـي بدونـك ويـش تسـوى حياتـي
تامر علـى حاجـه؟؟ باودعـك واليـك=عسى عـوض الأيـام فـي المقبـلاتِ
حتى يـدي مـا ودهـا تفـارق يديـك=ساكت وانا اشوف البـلا فـي سكاتـي
ما شفتني لا رحـت منـك التفـت فيـك=بــلاي والله روحـتـي والتـفـاتـي
لكـن قبـل مـا اروح ودي أوصـيـك=وانـت الوحيـد اللـي يقـدر وصاتـي
لاحدٍ سألك و قـال لـك ويـن مغليـك=قـل لـه لـوازم لا قضـاهـا بيـاتـي
و ان طـرّوا النسيـان مانـي بناسيـك=يـا راس مالـي فـي الحيـاة وغناتـي
و ان طـرّوا السلـوان مانـي بساليـك=طيفك معـي حتـى وانـا فـي صلاتـي
قلبـي وهـو قلبـي إذا مـر طـاريـك=لـولا ضلوعـي كـان عـزّوا مماتـي
لو جض صـدري كـان يمديـه ياتيـك=و يبـات عنـدك ويهـنـا بالمبـاتـي
أنا .. و قلبي .. و الغلا .. ساكـنٍ فيـك=و انته .. و قلبك .. و الغلا .. وسط ذاتي
غـلاك مثـل الحكـم عنـد المماليـك=أكبـر طموحـي .. لا .. كـل أمنياتـي
شف فـي غيابـي أي حاجـه تسليـك=لأنـي بعـدك أسلـى مـع ذكريـاتـي
أحـاول اذكــر أي شــيٍ يطـريـك=واقول هـو سـوى وانـا ذي سواتـي
كنـي مـوادع كـل شــيٍ حوالـيـك=و كني حسبـت حسـاب حـزة وفاتـي
أحب لأنـي مـا اقـدر انسـاك و أبيـك=ولا اقـدر اخلـيـك يالـلـي تحـاتـي
معنى أحب .. و ما اقدر أنسى .. و أخليك=يعنـي بدونـك ويـش تسـوا حياتـي؟
[/poem]
مواقع النشر (المفضلة)