#~~قصه البحث عن الكنز......(الجزء الاول)~~# بقلم :تك تك
السلام عليكم يا جماعه هذي اول قصه لي بهذا الحجم او مو الحجم اقصد اول قصه لي طويله
واتمنا منكم تشجعوني اكمل القصه
انتظر رايكم بكل صراحه و مصداقيه
........................
هذا يا جماهة الربع كان حيران و كاتم والبرواز و ساحبه و اْبعاد وتحدوك جالسين في القهوه
سوالف و ضحك و وناسه ,,,,,
ساحبه: ياااا صديق جيب واحد بليله و كثر البهارات و الشطه ,,,
البرواز: و انا بعد واحد و جيب بارد ,,
ساحبه: انت كله تقلد
البرواز: اقلد, ليش البليله محتكر لل ولا مسجله باْسمك
حيران: و انتو الثنين ما تخلصون من الحنه و الرنه بس سكتو اشوي
كان كاتم يفكر تفكير عميق ولا معطي الجماعه وجه
اْبعاد: كتيم شفيك مجطلني و ساكت مو من عوايدك
كاتم: لا ولا شي بس افكر في شغله بعدين اقولكم
اْبعاد: لا قول الحين
كاتم: ليش الاستعجال كل شي في وقته حلو
حيران: جد انت من زمان و انت ساكت ولا تتكلمت قل وانا اخوك
ساحبه: البرواز اذا ما تجيب البليله حقي بكب عليك الشطه
البرواز: اتحدااك ما تقدرين
اْبعاد: اوهوووووو سكتو انتو الثنين , يالله قل تراك خوفتنا
كاتم: اوكي الحين اقول لكم بس سمعوني زين
تحدوك: السلام عليكم يا شباب
الجماعه الي في القهوه: وعليكم السلام هلا هلا
تحدوك: كاتم تعال ابيك في كلمة راس
وراحو بعيد اشوي عن الجماعه
ساحبه: البرواز وين وديت الشباصه و المقضاب
البرواز: قطيتهم في الزباله ههههههههههه
ساحبه: ليش والله ان مالك داعي ليش تقطهم
البرواز: كيفي ماحد قالج تشربين الكوكا حقي
حيران: اْبعاد شوفي لي معسل خل اقطع ظهورهم و افتك.... يالله انتو الثنين امشو بيوتكم ولا اشوفكم مره ثانيه
<<< وصرخ في وجههم يالله
وساحبه دمعة عيونها من صراخ حيران <--اْحلى يااْقشر
و البرواز فقع من الضحك
اْبعاد:حيران مو كأن طولو تحدوك مع كاتم, شنو يبي منه هل مره
حيران: الله اعلم يمكن عندهم مشروع جديد
اْبعاد: وين هذي فراشهرالورد
ساحبه: يمكن تحصلينها مقابله المرايه ويا علب مكياجها
البرواز: ساحبه سكتي تراك ملقوفه ,,, و بعدين ماحد وجه لك السؤال
ساحبه: انت الملقوف وانا كلمتك
شششششششششششششطح
ساحبه والبرواز: ااااح اااح ليش
حيران مغطهم باالعقال <--صالح الولد
حيران: بس ما تملون انتو الثنين ,,, قومي ساحبه قعدي هنااك ولا تقعدين يمه فضحتونا الله يغربلكم
ورجع كاتم يم الجماعه و وجهه متغير اشوي و شبه ابتسامه مرسوه على وجهه
حيران: خير يا اخوك في شي صاير
كاتم: في شي صاير ,,,, و خطير
اْبعاد: شنو شنو الي خطير ,,,, شنو جاي يقولك ليل
كاتم: فيكم شده مغاامره ,,, فيكم شده رحلات
البرواز: ساحبه طاح على راسك بريعصي !!!!
ساحبه: قول والله
و تقوم ساحبه وتركض وتمفش في شعرهاااا و تصيح و تقول لا لا بريعصي بريعصي
و البرواز خلاص انتهى من الضحك
كاتم: منو الي جاب هل ثنين,,, وبعدين انا اخبر في وحده محسوبه علينا,,,, وينها فراشة
ساحبه: اكيد مقابله المرايه اهيا ما صدقة شافة مرايه قامة تركض على علبه المكياج
كاتم: يا جماعه الي ابي اقوله الحين اتصلو على جماعه الربع الباااقي و خل يتجمعون في البراحه الي عند بيت جنون انسان لان في مشروع قوي وابيكم تتجمعون هناك و اقول لكم السالفه,, صار...
بصوت واحد .......................صاااااااار
ساحبه كانت كشتهااا وصلت الى عنان السماء من النفش فيهااا
و طبعا الجماعه نسو فراشه الورد في القهوه
تجمعو يم بيت جنون انسان
كاتم جالس على جنب و طلع جواله
ودق علي مشعل
مشعل: الووو
كاتم: هلا و غلا روح
مشعل: هلاااا كتيم شخبارك
كاتم: والله الحمد لله تمام وبخير و صحه و سلامه
مشعل: دوم انشالله ,,, وينك يا رجال صارلنا مده ما شفناك
كاتم: والله مشغول بموضوع خطير و محتاجين لك
مشعل: والله يا خوك مفلس هل شهر ما نزلت المكافئه
كاتم: ماابي فلوس الله يرجك كل تفكيرك مادي ,,, انا ابي اسئل تقدر تاخذ طراد ابوك يومين
مشعل: اي اقدر و اسبوع بعد بس ليش ؟؟؟؟
كاتم: خلاص جهز انت الطراد وانا و الجماعه جايين من الحسا لعندك ,,, و كلم شموخ اْنثى بعد تجهز عمرها
مشعل: اوكي صار
البرواز يلحق ساحبه بالعصى
البرواز: وقفي خل اصيدك والله انتفك ,,, اجل انا تحطين في شعري طين و تقولين جل كويتي ,,, صبري علي خل اصيدك
كاتم: الحمد لله و الشكر <<<< وفي وجهه الابتسامه
حيران: ها يالخوي كل الجماعه موجودين
كاتم: منو من الجماعه غير الي في القهوه كلمتوه
حيران: غيرنا الي في القهوه ,,, مشعل وحاتم وغزاله و المها
كاتم: و الباقي ليش ما جاو
حيران: يقولون مشغولين ماعنهم وقت
ساحبه: البرواز جيب الشنطه فيها اشاء خاصه ,,, جيبها ولا بقول لاخوي
البرواز: والله لو تعضين الارض ما تشوفينها الا فوق الشجره
ويحذف البرواز الشنطه على شجرت سدر كبيره و تعلقة فوق ..,,,
ساحبه: ليش انت نحيس شسوي الحين شلون اكل الكوكو...
خجول: هلا خيو كاتم يقول حيران تبينا ضروري
كاتم: اي استريح وانا بتكلم الحين
وقف كاتم فوق كرتون ثلاجه عشان يخطب في الموجودين
كاتم: يا قوم يا جماعه اريد ان اقول لكم عن شيء يسركم و يدخل ,,,,,
جايالبرواز ووراه ساحبه يراكضون وطباااااح في الكرتون
و يطير كاتم في الصبخه طين من المطر
كاتم يقوم والمااا ينقط منه و الطين تارس وجهه
و يوخر الطين من على عيونه و فمه
كاتم: شسوي فيهم هل ثنين والله جننوني ....
قام كاتم و الطين ماليه من فوقه الى تحته
ورجع عدل الكرتون و ووقف عليه و مسك المايك مره ثانيه
كاتم: يااقوم اسموعو واعو ما سوف اقول
ساحبه: لحظه لحظه
جنون انسان: شنو تبين شنو فيك
ساحبه: وين فراشه الورد,,, ما اشووفها موجوده
جنون: شنو تبين فيها هل حزه خل نسمع شنو بيقول كاتم ,,, خل يخلص و يروح يسبح ,,, صاير وسخ من الطين
ساحبه: لا بس ماخذه المشط حقي
وجات فراشه تمشي من القهوه و الكعب ماسكته في يدها مكسور من المشي و عيونها تقطرمن الدموع: ليش هديتوني مالكم حق
اْبعاد: يمه وخيتي نسيناك انتي الله يهديك مابينتي كل قاعده قبال المرايه
فراشه: خلاص رضيت بس وين اقرب مراايه ساح الكحل من الدمووع
كاتم: لا تطنزين انتي وياها تراني اسمع
ساحبه: وين فراشه,,, اخذت المشط حقي ابغي انسل شعري بعد ما خربه هل مقرود البرواز
اْبعاد: فراشة تحصلينها عند اقرب مرايه تعدل في مكياجها
ساحبه: زين اروح اخذ المشط
البرواز: شنو تمشطين في هل ليفه شعرك ما يبيله مشط يبيله خشبه مرزوز فيها مسامير هههههههههههه
ساحبه: تعال انا اوريك
و رجعو توم و جيري للمراكض في الخرابه
كاتم: حيران شفلك حل معاهم
حيران: اووووووووه تعبت من المطارد وراهم
كاتم: المهم يا قوم سوف نذهب في رحله الى في البحر كما اخبرني تحدوك,,,, و نتجه من الدمام الى جزيره مهجوره لم يطئها الا شخص واحد منذ مئات السنين و قد خبئ فيهااا كنز لا يعلم عنه الا القليل القليل
ضيْ: يا شينك اذا تفلسفت و انت صاقط في النحو
الجماعه بصوت واحد: واااااااااااااااااااااااااااااااااااااو
و كانت من وراا الكواليس الاخت زمن الصمت تراقب و تسمع الي يقولونه
و طيران على جماعتها
زمن الصمت: اااه ااااااه اااااه
وكان زعيمهم الاخ بقايا جروح
بقايا جروح: شفيك تنافخين ,,, عسى مو لاحقك فار ولا قطو
زمن الصمت: لا بس في رحله مسوينها شباب المرح لجزيره مدفون فيهااا كنز
بقاياجروح: لااااااااااا ,,,, وين هذي الجزيره ,,,,, منين دريتي
زمن الصمت: قريبه من الدمام ووووو كنت اتصوخ عليهم في اجتماعهم
بقايا طلع الجوال من جيبه : خل ادق على قصيمي بيجر
بعد سااااااعه
بقايا: الوووووووو ,, منو
قصيمي: هلا بقايا انا قصيمي,,,,, توني محصل كبينه ادق منها
بقايا: متى بطلع جوال انت ازعجتنا ببيجرك ,
قصيمي: لااا شنو اطلع جوال البيجر شزينه و فواتير رخيصه ,,,,,
بقايا: المهم في رحله قنص في البحر جهز عمرك للرحله
قصيمي: خلاص بس الصيد وفير فيهااا
بقايا: شكله كميه كبيره تكفينى دهر و زود
قصيمي: خلاص الحين اجهز الجماعه و اجيك البيت عشان الخطه
يتبع..........
مواقع النشر (المفضلة)