ღ oO .. أنواع التماسيح عند إشارة المرور .. Oo ღ
مرحبا ..
اغلبيه التماسيح لهم طريقتهم الخاصه في شغل اوقات فراغهم لما يكونون واقفين عند الاشاره !!!!!!
** نوع التمساح المرتب **
وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف!!
**نوع قمه النظافه**
وهوالي تقول توه يكتشف ان وجهه محتاج تنظيف ويسحب في المنديل وعلى خشمه واذا خلص طفى السياره علشان ينظف اذنه بالمفتاح (قصده شريف)
وشوي ويقص اظافريده وماتدري الاوهو مرفع رجله يقصها هذا اذا كان معاه مقص اظافر واذا ماكن موجود فالحل موجود طبعا يقص اظافره بواسطه اسنانه (قمه النظافه)!!
**نوع يستعرض ويرقص**
وهو اكثر واحد يفرح اذا وقف عند الاشاره علشان يبدا يستعرض ويرقص ويردح هو واخوياه ويرقصون السياره معهم !! << لبى قلوبهم
**نوع التغلق والحزن**
وهو عكس الي قبله وهوالي يشغل شريط خالد عبدالرحمن (ومغلدم)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!!
**نوع يستعمل اساليب التربيه الحديثه**
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!!
**نوع يشخص ويرش عطر**
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع الخز في السيارات الي جنبه!!
**نوع ماسك الهمبرجر**
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!!
**نوع دايم بزي**
وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال !!
**نوع تبديل الملابس**
وهوالي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها ((الله يكرمكم))معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!!
احد يجي يقوول مكرر قصم بالله ترى بيضيق صدري :frown:
مواقع النشر (المفضلة)