مدرسة الزين النموذجيه .....
السلام عليكم:
شباب وصبايا تخيلت فلم لنا كلنا يااْعضاء الزين باداره ومشرفين واْعضاء من الجنسين
كنا بمدرسة اْسمها مدرسة الزين النموذجية الثانوية ..........................
اْداره المدرسة:
مديرها الاستاذ: بسام الانسكاب
وكيل المدرسةالاستاذ:القلب السهران
المرشد الطلابي :وضاح
الموجهه الديني الاستاذ:سلمان
الموجهه التربوي الاستاذ: alzen
مندوب المدرسة: حبيبتي حطمتني
المعلمين والمعلمات:
جنون انسان:معلم الكيمياء
الوافي:معلم التجويد
عديم الشوق: معلم التاريخ
اختصار :معلم اْدب
:وعد الهوى :معلم الرياضيات
تحدوك :ياقلبي: معلم الجغرافيا
جيتار:معلم البدنية
المعلمات:
ساحبه على الدنيا :معلمة الفنية
شموخ اْنثى :معلمة الوطنيه
صفوة الاْيام :معلمة علوم
ملكة بكبريائي: معلمة القراْن
اْبعاد:معلمة الفيزياء
ضئ:معلمة الاحياء
مدربة الطابور:فراشة الورد
مسئولة المستودع: بنت اْبوها
بائعان المقصف :زمن الصمت ...اللوتس
سائق الباص: تك تك العتيبي
الطلاب
الفصل ثالث /اْ
1_ كاتم
2_حيران
3_اْميره الليل
4_ريومة قطر
5_غزال ومايصيدونه
6_بنت الحاره
7_الريم
8_ المها
9_وليفة الروح
10_شموخ بنت الشيوخ
11_وداعا للحب
12_ريمية الشرقية
13_نهر الحب
14_بقايا روح
15_سلوتو
16_قصيمي ملكي
17_اْبوهادي
18_البرواز
19_دلوعة محرومة
20_اْم صقر
21:خجول
22:سارة@
23_سفيرة الاحلام
عريف الفصل اْ كاتم عريفه الفصل وداعا للحب
رائد الفصل : جارح رائده الفصل : بنت اْبوها
اسمه:الثالث /اْول
الساعة تشير الان الى السادسه والنصف صباحا حضرت الاداره الى الطابور توافدوا
الطلاب كلن فصل صف على الخط المرسوم له بدت الربكة على وجيهه الطلاب
كان الطابور يزهى برائحه زكيه من اْنواع العطور والاطياب والطلاب والطالبات
الكل منهم اْتخذ من الطيب بما يكفيه لمدة سنة من رش وتعطير والسبب عشانه اْول يوم
بدت النظرات على بعض الطلاب لايعرفون بعض اْول يوم كلن مكتفي بالنظرات الثاقبه
الطلاب بثيابهم البيض والشمغ الحمراء ماعد طالب واحد هو حيران مكتفي بالطاقيه
اْك جنيه المرصعه بشكل دوائر ذهبيه والطالبات بالثوب البني كما هو المعهود
اْرتجل مدير المدرسة الاستاذ بسام يحث فيها على العلم والتعلم وتوجيه الرساله لهم
وهي التربية ثم التعليم والترحيب فيهم بهذه المدرسه العظيمة ثم اْرتجل الاستاذ القلب
موه بضرورة التقيد بالتعليمات والتحذيرات لجميع الطلاب من محافظة على ممتلكات
المدرسه والمشي على شروط والتقيد بالانطمة والا له العقاب الحرمان من المدرسة
كما هو متعارف وارتجل الاستاذ سلمان ينصح الطلاب بالصلاه والمحافظة على الفروض
الخمس وتطبيق الدين الحنيف شرعا والخوف من الله بالسر والعلانية ووجوب صلاة
الظهر بالمدرسه والا سوف يكون عقابه اْشد وكما تكلم الاستاذ وضاح موه بضرورة
المحبه مابين الطلاب والاخوة واْنه سوف يكون خير نصير للطلاب من ناحية الاداره
واْنه لايعتبر الطلاب اْلا اْخوانن له بحسب الشروط مع جانب من اللين للطلاب لاحتوائهم
ثم طلب الاستاذ بسام من مدربه الطابور بتطبيق التمارين على الطلاب وقفت عند
المايكرفون شبكت يديها ثم قالت يمين يمين يسار يسار فوق فوق تحت تحت
ثم طالبت بالنشيد الوطني وقامت الاصوات تلعلع :سارعي للمجد والعلياء سارعي.....
مما يدل على وطنية الطلاب والتلاحم والوحده الوطنيه .........
اْخذ الرواد كلن من فصله وقام بتوجيهم بمسك اْيديهم والمشي اثنان اثنان خلف بعضهم
وبدون اْي صوت اْو اْزعاج اْمتثلوا الطلاب لاْوامر مدرسيهم بداْو بالتشابك
وصلوا الفصول كل فصل دخل صفه بداية مع الفصل ثالث/ا والرائد: جنون قائلا
كيفكم ياطلاب اْنا رائد فصلكم وانا الي بدرسكم مادة الكيمياء اْنتوا ماشاءالله
باين عليكم طلاب عاقلين ومؤدبين وتسمعون الكلام صح صح ..
الطلاب صح صح ياْستاذ
الاستاذ جنون: ماسمع صوت قوي منكم
الطلاب :بصوت اْقوى صح صح
الاستاذ جنون: برافوا ماشاءالله عليكم
عرفونا ياطلاب ببعضكم
كل طالب بدء بقول اْسمه كلن منهم بداْ بقول اْسمه وانتمائه لاي اْصل وبدى التعارف
بين المدرس والطلاب خرج المدرس راح يصرف لهم كتب من المستودع بداْ الطلاب بينهم
النظرات كاتم بجواره حيران...على طاولتين متجاورتين
كاتم: وش اْسمك اْنت
حيران: شتقول يابو الشباب
كاتم : اْسمك اْهلك وش ينادونك فيه
حيران:اْقول لاتجيب اْسم معاورنا على لسانك
كاتم:بخوف طيب اْسف ماقلنا شي
حيران: اْنت وش اْسمك
كاتم: كاتم
حيران: ونعم كاتم الا وش كتمك
كاتم: الله يهديه اْبوي اْختار كاتم لاني شخصية كتومة
حيران: اْنا قبل شوي نفخت عليك بس كنت بشوف نفسي ولااْانا عادي ماقول شي
كاتم:يطلق ضحكة ويصفقه على رقبته اْثاريك برحه الا وش اْسمك
حيران:اْسمي حيران لكن ماسمع اْسمي الا بالمدارس والاماكن الحكوميه
كاتم: ليه ماتسمع اْسمك
حيران: الناس حسبي الله عليها ينادوني ابو ترنجه عشان راْسي مثل الترنجه
كاتم:ايه مسكين اْشوف راسك بيضاوي ومحرق من الكوي شكل اْبوك يعالجك
حيران: لا علاج ولاشي يارجال مرة طاح علي وجار ملينا جمر وحرقني براْسي
بس اْبشرك مخي مالحقه شي من الحراره.......
كاتم: اْكيد مانسم مخك
حيران: الا انت ياكاتم وين شنطتك
كاتم: شايفني بزر مثلك
حيران: ليش
كاتم:ماستخدم شنط سيور فقط والوانها زرق هلاليه اموت يالزعيم
حيران:واْنا اْحب الهلال والله .........
بدء كاتم وحيران بالتطرق الى الرياضه ومشاكلها المتكرره والمشاكل التحكيمية
خلف كاتم وحيران..البرواز ودلوعه محرومه
البرواز من عشاق اْبو نايف والبنت تحب راشد فقام يغني الله رمى حظي معاك
دلوعه محرومه تناظر فيه وتطق الرقبه على خفيف
البرواز: المكيف كنه حار .................مع العلم المكيفات مثلجه بس لبداْ الحوار معها
دلوعة:اْيوة شوي حار بس شوي ويبرد
البرواز: وش اْسمك ياغاليه
دلوعة محرومه: اْسمي دلوعة واْنت ؟؟؟
البرواز:اْسمي البرواز
دلوعه : حلو اْسمك
البرواز:من اْول اسمي داج بس يوم نطقتيه والله انه دلع اْسمي
دلوعة: من جدك اخجلتني
البرواز: شوفي دلوعه طاولتك وكرسيك تنظيفهم علي طول السنه حلفت
دلوعة: لا لا لا تحلف لاتحرجني كذا
البرواز: انا فاضي الصباح أجي بالباص بدري واْنظف حتى كراسي الطلاب
دلوعه: من جد اْنت طيب وحبوب
البرواز: كل شي نعمله لوجهه الله
دلوعه: تعرف تطبل البرواز
البرواز: واعرف اْتنكس بعج
دلوعة: حلو اْجل روس نبي نغني ياناسينا
البرواز: جري الموال وبعدها اطلعي وانا معاك بالترويس
دلوعة: تنحنح عشان تبي تغني
البرواز:سم الله عليك فيك شي فيك شي ويركض ويجيب له ماء ويقولها هني
دلوعه: مافيني شي بس اْتنحنح عشان اوزن الحنجره
البرواز: وقفتي قلبي كنت اْحسبك بلعتي لسانك
دلوعه : وش قالوا لك مهبولة
البرواز: يضحك حشاك
بدى البرواز يسمعه القصيد حقه وانه القصائد بيهديها لراشد واْنه بيقابله وقام يطيرها
خلف البرواز ودلوعه ..........قصيمي ملكي ووو سفيرة الاحلام
قصيمي : يالله نسيت لالبسها اليوم
تناظر فيه سفيرة وساكته
قصيمي اْشهد بالله اْني سجيت منها ولاكان بفلها وربي فيس مغبون
سفيرة تمتم بنفسها: هذا شكله مصخن وراه يهرج نفسه
قصيمي: تراني اْسمعك معي الحاسه السادسه
سفيرة: نعم نعم وش تقول قلت شي اْنت
قصيمي: لاتحشين بصدرك علي تراني اْوحيك زين
سفيرة : بسم الله عليك انت شكلك مو صاحي
قصيمي: الي يقول اني صاحي من هو الله ياْخذه
سفيرة: لا اْنت من جد خبل
قصيمي: قهرتني نسيتها واْنا قايلن لاْمي ذكريني بها
سفيرة : تراك اْشغلتنا نسيتها نسيتها نسيتها وش ناسي فسحتك
قصيمي : لا ياليتني نسيت فسحتي ولانسيتها
سفيرة: وش الي اْغلى من فسحتك
قصيمي : الله يكرمك نعولي الزبيريه النجديه نسيتها اْنا شايفن قبل شوي البرسلان
الي هناك اْخر السيب عسيته برجلي والله اْنه يعطي بالزحلقه ودي اْسحب على مايجي
هالمدرس ..
سفيرة: اْثاريك مصرقع مثلي
قصيمي: انتي بعد مصرقعه
سفيره: منذ مبطي
قصيمي: اْجل تشرفنا
سفيرة: وانا بعد
قصيمي دخل يده بجيبه: وطلع البايسون قال على شرف معرفتك اْشربي
ونصفي لي مو تجحديني النص بالظبط
سفيرة: على نخبك
ورى سفيره وقصيمي ......من تتخيلون ........... اْكملكم الحلقه الجايه بوقت ثاني
لاني طفيت ماعاد اْشوف
اْبي اِشوف ردودكم
تك تك
المشاركة الأصلية كتبت بواسطة تك تك العتيبي
مواقع النشر (المفضلة)