[poem=font="Simplified Arabic,4,black,normal,normal" bkcolor="transparent" bkimage="backgrounds/13.gif" border="double,4,black" type=1 line=0 align=center use=ex num="0,black"]
الغلا والطيبه والبسمات والهمس الحنون=كله أشياءٍ فقدته من تفارقنا وبديت
أفتح عيوني على دنيا شكت منها العيون=كيف إني عشت فيها وانت منها انتهيت
والعقل والقلب والانفاس وجلود الجفون=صارت أشياء وجوده مايفيد(ن) من نسيت
شفت كيف الزرع يذبل لاكثر مي المزون=هذي عيوني ذبلت من كثر مانا قد بكيت
وش يفيدك لو تعب عقلي ووصلت الجنون=وش يفيدك لو سبب فرقاك طحت وصرت ميت
كيف قد طاوعك قلبك وانت أدرى من تكون=والسؤال اللي ذبحني كيف ببعادي رضيت
كنت أظن إني أخون النفس وانته ماتخون=كنت واثق فيك وأثري في محبتك إنعميت
ليه قد خيبت ظني رحت والقلب مغبون=رحت وانا ماحسبت حساب لامنك مشيت
ماخطر في بالي انك ترخص بقدري وأهون=وانت لو أمحي عظامي تبقى فيني مانمحيت
كل مايرموني عذالي على موج الظنون=جيتهم بأكبر سفينه واثق بإنك وفيت
من رحت وكني مؤبد تحت ظل السجون=تايه بين الهموم وضايعن من دون بيت
صارت الدنيا مخيفه لا طعم أو حتى لون=وإنت تدري في بعادك أحلى أحلامي خذيت
وإبرة الفرقا ذبحتني بس تنبش بالطعون=ياااااهـ الله يعين قلبي كل ماببالي طريت
ليت كل اللي أفكر فيه بالدنيا يكون=ولو أنا اقدر أشوفك كل مالشوفك ضميت
ولو صحيح إن الملا لا فارقوا مايحزنون=ماتشوفن ضاع عمري بين لو وبين ليت
أعترفلك كل مافي الدنيا غطاه السكون=وأعترفلك من جلست بظلمة أوجاعي وجيت
أفتح عيوني على دنيا شكت منها العيون=ماقدرت أصدق إنك من حياتي إنتهيت[/poem]
....
منقول
مواقع النشر (المفضلة)