من قال لك اني انا شاعر الجيل ؟
ياخي أنا شاعر علـى قـد حالـي
راضي "بشعري" ومقتنع فيه بالحيل
وقناعتي وعفويتـي راس مالـي
مانيب من يطرد ورا القال والقيـل
ولي مركز ٍ بين الرجاجيل عالـي
شفني وصلت بهمتي قمة"سهيـل"
واصبحت بعيون الخلايـق مثالـي
مايهمني حكي الرخـوم المهابيـل
ولو اني كذلك ماوصلـت العلالـي
ماجبتهـا بالفبركـه والتماثـيـل
وماجبتهـا بالبهرجـه والتعالـي
شاعر وافصل جملة الشعر تفصيل
اتعب على الجزله واروم المعالـي
وأختامها ماني بأنا شاعر الجيـل
ياخوي انا شاعر على قـد حالـي
حاولت اْعرف اْسم الشاعر لكن غير معروف
تك تك
مواقع النشر (المفضلة)