المصرقعه تنقذ الرئيس الإمريكي من محاولة اغتيال///
هلووووووووووووو شباب وشلونكم عساكم طيبين.....؟
هذي قصه ( حقيقيه طبعا!!) صارتلي من مدة الله اعلم بها
في ليله من اليالي كنت جالسه مع وحده من السملق الي اعرفهن
وكنت انا وياها نسولف عن سفريات بعض السلق الي نعرفهم
وقلت لها ماودك نسافر لديره ما قد راحله احد من ربعنا
( كل اخويانا راعين البحرين وانتى جايه مافيه الا واحده تهورت مع اهلها وراحت اندونيسيا وصجتنا فيها )
اتفقنا نروح امريكا ولاناب معلمين احد الا لين نجي!!
رحنا حجزنا وقصينا التذاكر ومن قدنا بنروح امريكا
--طبعا ماندري وش الولايات الزينه -- ( ترا مناب قراوا ابد )
المهم سافرنا ,
وصلنا واشنطن وكنت انا الي افت انقليزي اما الي معي ما حولك احد
طلعنا من المطار بعد احداث دراماتيكيه--->يسمعها في المصارعه
نصينا الفندق وكان الوقت تالي اليل يعني وقت متأخر من اليل
كنا تعبانات من الرحله { مانمنا في الطياره ابد}
حطينا روسنا وخذ يا نوم صحيت من النوم ولقيت خويتي يحتوس
ويطل من الدريشه( الشباك ) ومبلمه من المناظر الزينه والزحمه
وكانت منهبله من هالحريم الي لابسات........(من غير هدوم) لووووووووووووول
نسيت اقولكم ان خويتى اول مره تسافروتظهر برا السعوديه
قالت يازعيمة--> الي هى انا تراني جوعانه مررررره
شوفيلى حل ابي اكل _ والله الظرس مشاء الله عليها
طبعا انا فاقشه على خوياتى وقايلهم اني مقطعه العالم(بن بطوطه)
قلت بطلب الاكل وبعد ما نخلص اكلنا نروح للبيت الابيض
عشان نشوف الرئيس الامريكي (بوش وانتم بكرامه)على الطبيعه
------->> ولاني بنت انتهازيه واستغلاليه
وخويتى اسملقيه مهيب راعيه هذي الامور(دورها في الامور الشينه)
ههههههههههههه منيب عاقله يا المثقف
وافقت السلوقيه على شرطي واكلنا وعبينا الكروش(هذا همها)
وبعدين لبسنا بناطيلنا وقمصانا,,اجل وش بتلبس في امريكاعبايه؟؟؟؟؟
وحولنا من الغرفه و وقفنالنا ذاك التكسي وقعدت اكاسره؟؟؟؟؟؟
( متعوده على تكاسي البطحا ) ركبنا معه وقلت الله يعافيك ويخليك لعين ترجيك يا ( علج ) ودنا للبيت الابيض طبعا حاتسيته
بالانقليزي قالي ok (هذي الي اعرفها من الانقليزي )
وصلنا عند بخشة{حديقة} البيت الابيض وعينك ماتشوف الا النور
من الزحمه كلهم مركزين مع سعادة الريس,,, وين الاخت في مصر؟؟
وخوتى قاعده يبربر ( يحتسي) قالك عدلتها ههههههههه
وانا متنح مع ها العالم , وما دريت الا جايتني ذيك النغزه على جنبي
------> ضب على طول تلافط من اي نغزه
وانا الي افقع وجه الي جنبي من الجهه الثانيه ( خاااااااااال) يعني
من زنوج الامريكان لابس بالطو اسود جلد <---- وش رايكم في دقة الوصف,,,,, ويقعد يهوش والله مدري وش قال---> امحق لغه,
بس حسيت انه سبني وانا الي اعطيه بوقس{ طالع صفق ستالوني}
واتلاقط انا وياه ونبقس بعض الا شوي ويطيح ذاك البندق
يعني بالعامي رشاش وبعد صجه ولجه محوسه وازعاج و......
مادريت الا والشرطه سادحينه على بطنه ها (الخاااال) ومكلبشينه
اما انا فقالولي تعال معنى لمركز البوليس -->طبعا هى البطله ماتنطق
ركبت معهم في الدوريه ورحنا للمركز وقعدو حولي ثلاثةظباط
وقالولي انتى وراك متطاقه انتى وذا العبد (صار قسم النسيم )
قعدت افكر وافكر وافكر وش السوات وش الدبره يازعيمه
وش الحل وقلتلهم ابي محامي--->اسمع في الافلام يقولون كذا
قالي واحد من الظباط انطمى وقليلي وراس سويت تسذا (قايلتلكم قسم النسيم)_ ارجعو كلامي مع خويتي_ بتلقون اني استغلاليه ولوقي واحسن التصرف في مثل هذة الامور
قلتلهم ياجماعة الربع انا شفت ها الاسود معه سلاح (الي هو البندق)
وكان موجهه يم الرئيس ناوي يقنصه{ طلع ارنب مو رئيس دوله }
فقلت لازم اشوش توجيه على الرجال قبل مايطيح الفاس في الراس
لاني لو تأخرت لين اقولكم كان راح فيها الضعيف ويمكن اقعد طول
عمري ندمانه على فعلتي لاني تسببت في موت انسان؟؟؟؟
(والله قهر ودي اني مخليته) كنه صدق,,,,,,,,,,,,,,,,,,,,,,
المهم انهم صدقو وطافت عليهم كذبتي وقالي واحد من
ها الظباط والله انك سنافيه ذيبه وبنت ذيب
وقالو لازم نكرمك لانك من الناس الشجعان(الله من الصدق)
وبنسوي معك مقابله في الcnn ودق قلبي وقمت ارجف
من الخوف{لاني شالخه على اهلي وقايلتلهم بروح ابها} <<<<<<<<لايغركم اهلي نااس فله يعني عايدي بنتهم تسافرالحاله
ولزمو علي اسوي المقابله وجابو الصحفيين يصوروني وصارت ضجه
في امريكا ذاك اليوم لاصارت ولا استوت{صار مندي ذا} وخوذي يا تبويس وحبحبه
تقول كن الامريكان ذاك اليوم ياسر عرفات,, وش دخله مدري
وقال بوش جيبوهاعندي في البيت الابيض,,قلت هذا المطلوب .بس بصراحه خفت انه يسويبي شي مثل بن كلنتون
بس قلتلهم جيبو الوحه خويتى معي{الزم ماعلي ربعي}
ودخلنا البيت الابيض وجا بووش يسلم علي وقالي : والله مدري وشلون ارد جميلك
قلت: يارجال وسع صدرك ماسويت الا الواجب{مسويه مسترجله}
قالي:ترا عشاك اليوم عندي وتكفين لاترديني{ذكرني بجارنا الحقنه}
قلت: تم,,,, بس ودي اخذ فره في البيت الابيض كله ودي اشوفه
--كان همي اشوف المكتب الي بوس فيه كلنتون مونيكالونيسكي--
الله من زين الطموووووووووح بعد
قال: ماطلبت شي غالي والطلب رخيص
ورحنا نتمشى ودخلت المكتب البيضاوي الي انفرد فيها كلنتون
وقال : الا ما ودس نعطيس الجنسيه الامريكيه وتقعدين فيذيا
قلت: لا تحرجني انا سعوديه ولا ارضا باي جنسيه اخرى<--- صادقه
قال:الي يريحس بس ودي تقعدين عندنا كم يوم
قلت:اعذرني ما اقدر اجلس عندي اشغال لازم اخلصها وياليت تودوني اليوم عقب ما تعشينا {ما تفوت عزايم}
قال: وراس عجله يابنت ابوس
قلت: تكفى لاتظغط على اكثر لاني لو قعدت بيصيرون ها العالم يلاحقوني
ويقولون هاذي الي انقذت رايسنا وانا ما احب الشهره
قال : براحتك
وخلصنا فرينا في البيت الابيض وقلطنا على العشا وخويتى ماتدري وش السالفه وقلتلي خويتىوالله خويك { كاش مهوب سهل }
قلتله والي يرحم والديك خليس ساكته وانا متنرفزه
وش ذا الوحه الي مايعرف رئيس امريكا
وقل بوش الله يحييكم على شرف بنت الذيب----> اسلم
وانا الي التفت على بوش وقوله في اذنه عسى مافيه لحم خنزير-الله يكرمكم- قال لا مافيه كولى لاتخافين
والله ونطب في ها النعمه وخذ يا اكل لين امتلت بطونا
بس ما قهرني الا خويتى الي فشلتني (قاعده تاكل بيدينها)
وقمنا من الاكل ورحنا نغسل----->الاخت قاعده على مفطح
وبعد كذا خذتلي حبتين (بيره) يؤيؤيؤيؤ لا يروح فكركم بعيد
اقصد (بيره بربيكان) وطلعت انا وخويتى ونائب الرئيس (ديك تشيني)
لان الرئيس اعتذر وقالي بعد اذنس ما اقدر اخاويس للمطار
لاني الان بروح اسلم على الوالد (جورج بوش الاب)وهذا غراب تشيني
اقصد ديك تشيني بيخاويك بدالي
قلتله مدام بتروح لبوك عادي اذنك معك
قال :يالله في امان الله ونشوفس على خير والله يخليس لاتقاطعينا
ولاتحرمينا من سماع صوتس او حتى رسايل (على الجوال) وعطاني
ارقامه وراح
وركبت انا وخويتي في ذاك الكدلك اليموزين(يعني ابو كم باب) لا
تحسبونه شي ثاني ,,, ودزينا للمطار وختمنا الجوازت
ومادريت الا طيارة الF15 وقفه تحترينا
والتفت على تشيني وقلت وش ذا الكلافه
قال: هذا اقل شي نقدر نسويه لك ياالبطله وترا الطيارة بسواقه لس انتى
قلت يارجال ترا هذا كثير {وانا متورطه وين بلبقها فيه} وبعدين كذا
تسببلي احراج في موقفها ومصاريفها-------> حضرميه اعذروها
قال: كل شي على حسابنا وبعدين من ناحيت الموقف ما عليك
بنخليها توقف في قاعدة(الخرج)
قلت : الله يعافيكم وماقصرتو ,
وتوادعنا وحضنا بعض وخويتىإلا الأن ما تدري وش السالفه
وركبنا الطياره وعلى طول على الرياض وتحديدا (الخرج)
ونزلنا في الخرج وخذت ونيت لموزين وجيتك موشح على بيتنا.
وانتهت قصتي
تحياتي
زعيمة الصرقعه
باااااااااااااااااااااي
مواقع النشر (المفضلة)