الناس اجناس
السلام عليكم
الاخوه الاعزاء
اعضاء منتديات الزين
اتمنى ان تنال هذه الابيات المتواضعه على رضاكم
بديت بسـم الله قبـل بدعـة القـاف
قافٍ تجـاوز فـي مـداه ألغيومـي
يقول من عدا علـى رأس مشـراف
وعدا الجبـال العاليـة والرجومـي
وله مع أهل الطيب جلسه وميقـاف
أهل النقا وأهل الصفـا والعزومـي
وقلبه على أهل المجد والجود ميلاف
وعينـه تناظـر عاليـات ألنجومـي
الناس أكيد أجناس تعرف بالأوصاف
والساتـر الله بالنعـم والهـدومـي
هرج المهأيـط والمشاريـه ينعـاف
والصقر عن بعض المواقع يشومـي
ومن التهـور والمطافيـق ينخـاف
وفقر العقول اكبر خطـر للعمومـي
كثر التنافس في المكاسب والأضعاف
وبعض الطمع جاب النكد والهمومي
لاشك كلن له طموحـات وأهـداف
احد ٍ يطيح الحـظ واحـدٍ يقومـي
وفعل النشاما في المواقيف ينشـاف
جزعه وفزعه عند وقـت أللزومـي
على السجية صدق وقلوبٍ انظـاف
على عـادات أجدادهـم والسلومـي
الهرج له حكمه وللعـرف عـراف
وأهل العقـول يميـزون ألعلومـي
ما نلحق الدنيـا ضنـون وتحسـاف
واكبر فخر عرف الرجال القرومـي
تحياتـــــي
ولد الكلابيه
رد مع اقتباس
مواقع النشر (المفضلة)