زي ماسويت في الرجاجيل نسوي في البنات.....
يالله اببدا...
اعمال المنــزل :
بنت جنوب الرياض: سنعــة وربيت بيت ومافيه بيتهم شغاله هي وامها وهي اللي تسوي اغلب شي...
الكيك والشاهي والحلى والقهوه يعني لوتتزوج ياحظ من بياخذها ولاتصرف واجد وحبوبه...
بنت شمال الرياض:اثقل نفس على وجه الارض حتى الزوله اخف نفس منها ماتعرف تسوي شاهي اللي انا اعرف اسويه ولا حتى البيض..
دبشه بمعني الكلمه ماتعرف تسوي شي وبيتهم مليان خدامات تلقى فيه حول 3-4 خدامات...
مشاهدة التلفــاز:
بنت جنوب الرياض: تنبطح على ظهرها واصبع رجلها الكبيــر على اللي يفتح التلفزيون والي يزود الصوت واللي يخفضه..وحدها القناة الاولى والثانيــة وتشجع فريق وتحب الكووره..
شمال الرياض: تقعد على الكنب وتفرفر في هالقنوات الفضائيه واللبنانيه وتشوف عراضات الازياء..
والبرامج والمسلسلات ولاتشجع كوره ولاشي..
القومه للمدرسة:
بنت جنوب الرياض: خفيف نومها على طول تقوم وتكد شعرها وتقوم اخوانها وتصلح الفطووور
وتلبس اخوانها الصغار ..ومحضره بدري في المدرسه..
شمال الرياض: يالله تقوم وماتفطر وتسحب رجولها واذا مره صار فيها النووم غابت عن المدرسه
وماتجي الا بعد لحصه الاولى...
الرجعه من المدرسة:
بنت جنوب الرياض:ياسلام ترجع تغير وتاكل الغدا ثمن ترقد وتقوم تحل واجباتها
شمال الرياض: تجي ماتاكل غدا ترقد على طوول وماتقوم الا بعد صلاة المغرب وماتحل واجباتها..
النجاح:
بنت جنوب الرياض: تنجح بتقدير ممتاز وتتخرج من الجامعه ..
بنت شمال الرياض: تنجح على الحافه يعني التقدير جيد بالدف وتدخل جامعه ..
الوظيفـه:
بنت جنوب الرياض: مسكينه تتعب وتذكر ويعينونها في قريح و تبهذل اهلها معها..
بنت شمال الرياض: يالله تنجح وماتذاكر وتتعين جنب بيتهم هذا اذا داومت كل يوم..
ان شــاء الله اعجبكم الموضوع..
مواقع النشر (المفضلة)