الليلـه هـذي واضحـه ليلـة افـراق
الليلـه هـذي واضحـه ليلـة افـراق
حاولـت اعديهـا وعـيـت تـعـدي
اضـروف ماتنطـاق ولاراح تنـطـاق
صد القـدر ماهـوب صـدك وصـدي
تعـال اخذنـي بيـن اياديـك مشتـاق
قبـل نتفـارق حـط يــدك بـيـدي
بجلس معك ساعـه حبايـب وعشـاق
من بعدها كيفك ولـو صـرت ضـدي
فيني خليط اشواق بأشـواق بأشـواق
واصل معك من كثرت الشـوق حـدي
ودي ألمك واحضنـك حضنـة عنـاق
ياشيـب عينـي كــل ماقـلـت ودي
في خاطري..وش خاطري؟خاطري ضاق
الكـون كلـه ضـاق ماهـو بـقـدي
حتى الدموع اللي استحت كبر واخـلاق
تساقطـت مـن فـوق خـدك وخـدي
لوحة شعر تبكي علـى بيـض الاوراق
بيحت فيهـا مـن ردى الحـظ سـدي
ليلـة جفـا وافـراق مامثلـه افـراق
حاولـت اعديهـا وعـيـت تـعـدي
رد مع اقتباس
مواقع النشر (المفضلة)