احياناً يأتي مايحول بين المرء وقلبه.! السمو.و.و.وحه يانوف
[poem=font="MS Dialog,5,red,bold,normal" bkcolor="transparent" bkimage="backgrounds/39.gif" border="none,4,gray" type=1 line=0 align=center use=ex num="0,black"]
الله من قلب(ن) مولع وملهـوف = صابر على جور الزمان وصروفه
بيـن الأمل وألياس والسمع والشوف = والحظ ولا حظ طول وقوفه
ولحل وترحال ولأمن ولخوف = اعزف على أوتار الحياه امعزوفه
يالعنبو حظ(ن) حداني على نوف = ويازين حظه من غدت نوف نوفه
عن وصلكم يابنت حدتني اظروف = وعزي لمن مثلي تحده ظروفه
وماحدني خـشيه من ارماح وسيوف = والمال من قله وكثرة الوفه
ماحدني غير أني انسان معروف = أفخر بربعي ورجال امعروفه
اهل الوفاء الي فيهم الطيب مألوف = واكرم من الله شرفه في ضيوفه
لولا اختلاف اسلوم وطبوع ووصوف = مايأخذك غيري وعيني تشوفه
هذي النهايه قلتها منـك مكسوف = ومن غيره الله مكتمل في وصوفه
تبقى لكم ذكرى معي داخل الجوف = وتزورني في كل لحظه طيوفه
يانوف هذا العذر والعب مكشوف = ماهو بعذر الي يفرك كفوفه!
صغت أعتذاري لك بكلمات وحروف = وأرجوك قولي ماعليكم حسوفه[/poem]
/ حسين بن سوده
مواقع النشر (المفضلة)