يا بحر بسألك...؟؟؟
يا بحر بسألك ليش أمواجك الليلة تعاني
................. أنت مثلي يا بحر قبل أمس فاقد لك حبيبه
أنت متضايق عشانك ولا متضايق عشاني
.................. اسألك بالله قلي يا بحر ايش المصيبة ؟
ولا اقول اسكت وأنا بحكي عن اللي لك خذاني
.................. ببتدي معك الكلام وكل ما عندي بجيبه
تذكر اللي لا لفتني بشر القلب المعاني
.................. تذكر اللي كلها حب وغرام ونهر طيبة
تذكر اللي صوتها تشتاق له حتى المواني
.................. كل ميناء يسأل الثاني إذا طول مغيبه
تذكر اللي في كفوفي تشعل الدنيا اماني
.................. تذكر اللي نورها سود الليالي تقتدي به
تذكر اللي سلهمتها تقلب الساعة ثواني
.................. تذكر اللي عطرها حتى طيورك تحتفي به
تذكر اللي علمتني كيف اروض هالمعاني
.................. كل ما مرت علي رحت للشعر انتخي به
تذكر اللي كل صبح تمرني باحلى تهاني
.................. صار كل العمر عيد وصارت اقرب من قريبة
قبل يومين اتركتني وارحلت مع شخص ثاني
.................. شخص ما كانت تحبه بس ما ادري وش تبي به
ادري اني من سببها كاسرٍ خاطر زماني
.................. و ادري اني اول انسان كسر خاطر نصيبه
وادري أن الله خذى مني مثل ما هو عطاني
.................. وادري ان الغالية راحت رضى ماهي غصيبة
بس اقول الله كريم وعمر كل الناس فاني
.................. والمكان اللي خلا من زولها وش ينبغي به
مدخلك بالله قلي حط نفسك في مكاني
.................. وش تسوي يا بحر لا صارت فاقد لك حبيبة ؟؟
للشاعر فـــهـــد الهاجري
رد مع اقتباس
مواقع النشر (المفضلة)