هوشة باب الحاره مع حارة اْبو النار

[ضرار]

السلام عليكم


صور تعبت في نقلها الي مايرد ياويله مني تراني كاشفه واْشوفه


يالله اْخليكم مع الصور


بوغالب مر في حارة الضبع ويبيع بليلة ويصرخ (( بليلة بلبلوكي ))

بس من قرادته إنه مر عند بيت بوعصام ,,





عاد أبوالعز سمع صوت أبوغالب ,, وأبوالعز يبيها تجي من الله وجاته ,,









وراح يدوره في الحارة ,, ومن قرادة بوغالب انه يغسل وترك سلة البليلة ,,



شوفوا نظرته ,, نظرة واحد حاقد وشراااار ههههههههه



وبوغالب قاعد يتبرد بالماي مايدري انه بيلقى طق عدل ,,





بس معتز قهرني لما رمى البلية كان عطاني اياه ,,
على الأقل أنا والربع نأكله



وحضرة بوغالب يبي يطق معتز ههههههههه انحاش لارحم الله منت ولده مو راضي يفكر روحه قوي



شوفوا كيف توطأ في كبده ههههههههههههههه



العقيد جااا ,, بس قال بخلي معتز يبرد قلبه شوي ,,
وركزو على عصام مستانس بقوووووة ,, هههههههه



معتز ماوده يتركه ,, حارقة في قلبه بقووووة ,, بس أمر العقيد ,,



بوغالب قام يتوعد ,, بيجيب لهم أبوالنار ,, والكوبة ,, مايدري ان حارة الضبع
يأكلون الأخضر واليابس ,,

[تكرونيه بايعتها]

اقول تك تك

ترا عندنا تليفزيون

وش وله متعب عمرك
هع

بس صراحه معتز ماخذن قليبي

يهبل ولين عصب يادلبي عليه
يدنن


يسلموووووووووووهـــ تكتك

موضووعك ختييييييير

لاهنت


تكررررررر :170[1]:

[ضرار]

نتابع

أبوالنار بيسوي فيها حبتين وبينتقم حق بوغالب ,,

>>> أبو الحكم ,, لم إلي الرجال وجمعهون ,, ههههههههههه




بوعصام عرف انها بتولع ناااااااااااار بين الحارتين ,,



وهالظابط ولاهمه ,, يقول خلهم يصطفلو ,, يبي الرشوووووووة هههههههه




حارة الضبع تجمعو ,, وكل واحد مجهز ذيك العصا وذيك الشبرية ,,

وأبوالعز أكل اسنكرس >>>> لاتوقف ,, Don't stop



يخرب بيتك يابوغالب ولعتها ,, قصدي جزاك الله خير خليتنا نستانس بالهوشة ,,
هههههههههه ,,



عاد احنا نبي الهوشة تقوم نبي الأكشن ,, وبوعصام يبي يهدي ابوالنار ,,
ماعجبني بوعصام ,, كان بيحرمنا من الهوشة مثل الحلقة الثالثة ,,



بعدي يالعقيد بوشهاب ,, جا وعطا أبوالنار الكلام العسل اللي ولع المعركة ,,




وقامت المعركة ,, وانا متحمس ودي أطب اياهم صراحه ,,<---خل عند امك ابرك



وضرب هنا وهناك ,,

ويتواجه العقيد مع أبوالنار ,,والميدان ياحميدان هع



وجابه بذيك الطعنه في خده ,,




قهرتني سعاد خانو ,, تقول طمنوني على عيالي ,,
ولدك أبوالعز مولع الدنيا وتقول طمنوني ,,
صدق هالحريم مو أكشن صراحه ,,\\



وانحاشوا ربع أبوالنار ,, هههههههه صدق العقيد قاله بتطلع بكيفي ,,
مايدرون ان حارة الضبع يأكلون الأخضر واليابس ,,ويتكرر الموقف في افتح ياسمسم ابوابك هع



أشهد إنكم أبطال يا حارة الضبع ,, ورتوهم نجوم الظهر ,,



يتبع

[ضرار]

:: :: :: :: ::




طبعاً المعركة خلفت جرحى ,,


عصام مسكين وعليه ,, جاته ضربه على رأسه ,,



أبوالعز جاته ضربه على شفايفه هههههههه ,, هاج بعدها ,,



وخاطر بعد جاه حقه ,,واخته خايفه على بو العز هع هع



وبشير ولد الفران اللي مسوي فيها حبيب مع جميلة بنت بوعصام ههههه ,,
ماردهم بيتزوجون >>>> خربت عليكم المسلسل لوووووووووول ,,



وابراهيم ولد ابوابراهيم راعي الأقمشة ,,
قاهرني بوابراهيم ,, وين الأدعشري يسرق ذهابته علشان يتأدب
الجزء الأول طالع فيها مسكين والحين صاير نذل وحارم ولده من العسل ,,
ولا يقول لولده ليش تشارك في الهوشة ,, جد قهرني ,,هالاقرع



بومرزوق وبوحاتم جاهم حقهم بعد ,, بس عجبوني لما صرفوا الظابط

أجل زلق في الحمام والثاني شمخه قطو كبير هههههههه ,,



وبوغالب كالعادة ملعون خيره ,, بوبشير ماقصر فيه ,,
>>>> تراني مسجل الهوشة وقاعد أعيد وأزيد فيها ,,



وأبو النار بعد جاه حقه ,, ماقصر العقيد بوشهاب



هذا بومرزوق لما صرف الظابط وعطاه ذاك الصاروخ أرض جو ,,
قال زالق في الحمام قال ,, هههههههه ,,



عاد بوحاتم طلق صاروخ عابر للقارات ,,

اجل شمخه القطو هههههههه ,,




وعذروني يالربع غرزت


تك تك

[وفيت وخانتني]

انااشهد انه رجل

يسلموا اخوي تك تك وتعبت نفسك طال عمرك

ماحطيت الصور الا وانت متحمس هههههههههه

يارجال انا بغيت افزع مع معتز

بس حلفو على